الموضوع: إستهلاك البنزين لوجان اوتو - هام للجميع

السلام عليكم ورحمة الله وبركاته

طبعا زي ما انتم عارفين ان اللوجان الاوتو لسة مكملتش سنة في السوق

واي حد بيدور علي عربية جديدة بيكون من الاساسيات استهلاك البنزين

والنهردا هنتكلم علي استهلاك بنزين اللوجان الاوتو

وهنعمل مقارنة بسيطة مع عربية اعلي من اللوجان الاوتو وايضا ماتور اقل في عدد السي سي

استهلاك البنزين في اللوجان الاوتو بعد 10 الاف كيلو كا التالي



الاستهلاك علي الطرق السريعة 7.2 السرعة كانت ما بين 100 و 110

اما الاستهلاك داخل المدينة الصراحة مش ثابت بتراوح ما بين 9 ويصل بحد اقصي الي 11 لتر بالتكيف

نيجي نقارن بقي اللوجان بعربية حديثة اغلي في السعر اعلي في التكنولوجيا

هنقارن بالكيا ريو الاوتو

سعرها 128 الف لفئة الهاي لاين ماتور 1400 و 109 حصان وفيها خاصية الايكو جرين

استهلاك البنزين للريو علي الطرق السريعة يتراوح ما بين 7 الي 8 لتر
وداخل المدينة ودي المشكلة الكبري مع كافة مستخدمين الريو هي 15 الي 18 لتر

ويمكن الدخول الي قسم الكيا بالمنتدي لمشاهدة مواضيع الاعضاء هناك

وهذا احد المواضيع
http://www.nilemotors.net/Nile/293088-2012.html

طبعا اجمع الاعضاء ان الريو علي الطرق السريعة تستهلك مثل الـ 1600 سي سي بالضبط

اما داخل المدينة فتستهلك اكثر من اللازم وللاسف لم يتم حل المشكلة من قبل الوكيل الي الان

ومن هنا نقول الحمد لله الذي هدانا الي اللوجان الاوتو وربنا يصلح حال استهلاك البنزين كمان وكمان

وفي النهاية اتمني من كل اللي معاه لوجان اوتو يحط معدل استهلاك البنزين بالموضوع هنا لكي يستفاد الجميع

وايضا ليستفاد من يريد ان يشتري لوجان اوتو ويريد معرفة معدل استهلاك البنزين

تحياتي للجميع