الموضوع: ضغط الاطارات

انا عندي مشكلة ويا ريت الناس تقولي رأيهم اية وخصوصا الاستاذ احمد مصطفي لانة عامل مواضيع كتير عن الاطارات والضغط .. المشكلة كالاتي اول ما استلمت العربية نيسان صني ٢٠١٢ سوبر صالون رحت بريدجستون وفضيت العجل ومليتة نيتروجين والعربية الحمد للة كانت زي الفل ومفيش فيها مشكلة رحت صيانة الالف وذكرت ليهم ان الكاوتش فية نيتروجين عشان لو هيزودوا ميزودوش هوا علية ويصبح عديم الفائدة المهم بعد فترة حسيت العربية مش ثابتة زي الاول في المشي (زي ما تكون بتعلي وبتوطي من جنب وجنب ) طبعا العربية مش موزونة ومش عارف اجري بيها ومش ركزة علي الارض رحت مودرن الدقي وحكتلهم عن الموضوع قالولي سيب العربية واستلمها اخر النهار كنا في رمضان كلموني الساعة تلاتة وقالولي كشفنا علي العربية مفيش فيها حاجة احنا ظبطنا الضغط علي ٢٨ ورا وقدام وهي بس عاوزة ظبط زوايا والجهاز عندنا مش شغال وديها اي مكان استلمت العربية اوحش من الاول والعربية بقت بدب جامد وعدم الثبات زي ما هو .. رحت اوتو ايجيبت المهندس استلمها مني وسمع مني الشكوي وقعد وقت طويل وكل شوية يخرج بالعربية يجرب ويجي وفي الاخر خدني نجرب العربية طبعاً اتحسنت بنسبة ٧٠ ٪ قالي ضغط الكاوتش مش مظبوط وبدلنا مكان العجل ومش محتاجة ظبط زوايا ،، مشيت وانا مش مقتنع وقعدت اقنع نفسي ان العربية مفيش فيها حاجة وانا اللي بيتهيالي .. لغاية ما رحت مرة بريدجستون عشان اظبط الضغط كانت الدنيا فاضية وقعدت ادردش مع الصنايعي وحكتلة الحكاية قالي اكيد هم كانوا بيزودوا العجل هوا عادي فالنيتروجين قلب هوا وهو دة اللي عملك البرجلة قلتلة اية الحل قالي نفضي ونملي نيتروجين علي نضافة ونظبط الضعط زي الكتاب ما بيقول قولتلة اشتغل. بس اول ما ركبت العربية احساس تاني خالص وكأن العربية كانت ضايعة مني ورجعت نفس الاحساس بتاع اول مرة العربية ركزة ومكلبشة في الارض ويتجري وثبتة واخر حلاوة وفضلت علي كدة شوية وسفرت بيها مرسي مطروح ورجعت علي اسكندرية وانا راجع بيها علي القاهرة لقيت العربية بتعمل نفس الاعراض القديمة مش ثابتة ومش ركزة علي الارض وبتنط حاجات تضايق المهم سايستها لغاية ما وصلت وطلعت علي بريدجستون قيسنا الضغط لقينا كل عجلة نقصة ٣ درجات زودناهم ومشيت بالعربية احسن بس مش هية نفس ما فضيت العجل ومليتة من الاول وجديد .... فهل اللي بيحصل دة ان النيتروجين بيتغير خواصة وكل شوية بيعوز يتفضي ولا حساسية زيادة مني عشان اتعودت علي حاجة ولا اية دة بالضبط يا ريت لو حد عندة تفسير يقولي