الموضوع: انا اتفصلت !

تاني مرة اعمل موضوع ... انا بدور على عربية تكون اوتوماتيك ثبات و اداء فرامل و سحب و امان رقم 1 , توافر قطع الغيار طبعاً اهم بكتير من سعرها, حجم العربية سيدان او هاتشباك مش فارق معايا.

و كل ما اشوف حاجة من اللي ممكن اجيبه في الفئة دي ادخل على المنتدي بتاعه هنا و اشوف اخبار توافر قطع الغيار ايه و هل في مشاكل متكررة ولا لا, و الاداء الخ الخ ...

الكماليات المطلوبة ولا حاجة تقريبا تكيف و تبقي ازاز كهربا يبقي شكراً . يعني مش قصة

و بعد فترة من البحث وجدت الآتي

كورولا و لانسر اخر التسعينات! اسعارها مبالغ فيها جداً لان السوق هو اللي عمل فيهم كده ! قطع غيار متوفرة اه بس العربية بقالها تنين على الطريق يعني اتاخد خيرها تقريباً

سيفيك هتبقي اول التسعينات !

بولو 2001 , توافر قطع الغيار برضو مش مريح !

و حاجات من اوبل زي الاسترا هتيبقي 2004 ولا حاجة بس هلافي مشكلة فى توافر قطع الغيار , و الفيكترا هتبقي 2000 سي سي هتسحلني في التراخيص و التجديد غير البنزين

و كل ده كوم و قصة الميجان اللي سعرها نازل فى الارض و يخليك طمعان فيها ,,, تقرا شوية عن اللي فيها تقول شكراً



انا اتفصلت يا رجالة

كل الفصة اني بدور على اللي قولته فى اول سطرين و حاسس انها كده مش نافعة ... و مش هقدر ازود عن الفلوس دي للأسف

المشاركة الأصلية كتبت بواسطة ayman1204

يا بيه مانا بقولك كل اللى انت كاتبتهم دول
قطع الغيار فيهم مش زى الفيرنا ولا الانوس

بس موجودين متقلقش
والحرفين مالينة منهم واستراد

مش لازم يعنى تجيب عربية قطع الغيار فيها عند السوبر ماركت اللى تحتك
وبعدين انت مش كل يوم هتجيب قطع غيار ولا اية يا بيه علشان تستسهل المشوار

(ياجدعان موضوع قطع الغيار نفسي افهم مين اللى اخترعه ) !!!!!

فمهاش حاجة لما تخصص يوم تجيب فيه حاجاتك من الحرفين او من عند الناس بتوع عربيتك وهما مشهورين فى التوفقية واماكنهم معروفة

الفكرة اني لقيت ناس بتتكلم عن عدم توافر قطع غيار او توافر شبيه ليها غير مناسب زي مساعدين الاسترا 1600 الناس بتدوخ عليها لأن الموجود بتاع ال 1200!

انا قصدت بالمتوفرة انها تبقي موجودة في مكان معروف زي ما انت كتبت مش تبقي في السوبر ماركت و ما اضطرش اني استني ايام علشان تبقي موجودة او العربية تعطل فترة على ما الاقي قطعة الغيار ...

المشاركة الأصلية كتبت بواسطة تامر.محمد

من كاشاتك واضح انك بتتكلم في الاربعينات و الخمسينات
اظن نوبيرا , لكن هاتضحي بعوامل الامان

ما كانش يبقى بص عالميجان لو من سكان القاهرة

نضحي بالآمان يبقي اضحي بالسيارة نفسها يا استاذ تامر اريحلي

الميجان زي ما قولت فوق سعرها النازل ده و كلام الناس عن صعوبة الصيانة علشان محدش بيفهم فيها كتير شئ مش مريح ...






انا اسف قلبت دماغكم ...