الموضوع: مساعدة عاجلة لاخوكم الفياتاوى :)

روح فرع الهرم و شوف اللى حيتم و لو جت على انهم يساهمو بجزء ده كويس لان الفتيس له اسباب كتير انه يبوظ و ان شاء الله خير .

المشاركة الأصلية كتبت بواسطة medo.malek

السلام عليكم
لا اراكم الله مكروها
يا جماعة عندنا عربية كروز 2010 اوتو العربية امبارح الفتيس باظ و كلمنا التوكيل و شرحنالهم المشكلة قالولنا ان الفتيس كله لازم يتغير ب 50 الف !
روحنا نلف على ورش و عفشجية كله بيقول مشكلة فتيس من غير ما يبص حتى على العربية و كله عايز يفك الفتيس و يغيره و الارقام اللى سمعناها كانت من 9 ل 12 الف فتيس استيراد غير المصنعية و ارحم واحد فيهم قال هايغير عمود ادارة ب 5000 تقريبا !!
دلوقتى العربية مكملتش سنتين و الصيانات اتعملت فى مواعدها فى التوكيل
و مفيش ولا صيانة اتغير فيها زيت فتيس رغم انه المفروض بيتغير فى صيانة ال 60 الف و عندنا فواتير الصيانات اللى تثبت ان الزيت ما اتغيرش
المشكلة دلوقتى ان الفتيس باظ و العربية ماشية 80 الف تقريبا
و العربية ضمانها لحد 60 الف فقط ! و التوكيل رافض يغير الفتيس تبع الضمان و بيقول اخرنا نساهم معاكم بجزء من المبلغ !
اللى طالبه منكم تقولولى اتصرف ازاى دلوقتى و جزاكم الله خيرا

رأيي اخف الأضرار انك توافق على مساهمه منهم وامرك لله بس غريبه ان فتيس كروز يبوظ بالسرعه ديه وياترى ايه الأعراض بتاعت الفتيس اما حسيت ققصد ياعني فجأه باظ ولا كان فيه في الأول مقدمات او علامات ظهرت قبل مايبوظ

المشاركة الأصلية كتبت بواسطة hema_lancer

اعمل شكوة في حماية المستهلك

هو احنا فعلا فكرنا فى الموضوع ده
لكن مش عارفين نص الشكوى يبقى اية و اصلا التوكيل رسميا معليهوش حاجة لان هو محدد ضمان و الضمان خلص !
فا مش عارفين نتعامل ازاى مع حماية المستهلك !

المشاركة الأصلية كتبت بواسطة ahmed_ezz

روح فرع الهرم و شوف اللى حيتم و لو جت على انهم يساهمو بجزء ده كويس لان الفتيس له اسباب كتير انه يبوظ و ان شاء الله خير .

اشكرك لاهتمامك
همم .. هما لو هايشاركوا بجزء حضرتك تفتكر هايشاركو بكام مثلا ؟!
5 الاف ؟ 10 ؟ 50 % حتى ؟ الرقم لسه كبير برضة ولا اية ؟!

المشاركة الأصلية كتبت بواسطة hmada9009_99

رأيي اخف الأضرار انك توافق على مساهمه منهم وامرك لله بس غريبه ان فتيس كروز يبوظ بالسرعه ديه وياترى ايه الأعراض بتاعت الفتيس اما حسيت ققصد ياعني فجأه باظ ولا كان فيه في الأول مقدمات او علامات ظهرت قبل مايبوظ

و الله حكاية المساهمة منهم دى فى الاساس مش مضمونة اصلا هما بيقولوا هانشوف اذا كان ينفع المصنع يساهم بجزء !!! و هانرد عليكم
الاعراض كانت نتشه تعتبر غير محسوسة فى بعض الغيارات و متقطعة على فترات و فى اخر ايام الفتيس الله يرحمه كان بيفوت نقلات و ساعات يجى على n و انت ماشى لواحده و العربية تترج و تبرجل جامد مع المرشدير و لمبة الشيك منورة و السحب بيضعف
ده اللى انا فاكره