الموضوع: المحافظ ليه مبيطبقش القانون على نفسه

من وقت قصير كنت معدى فى شارع الجيش و هو شارع حيوى فى مدينة المنصوره و فيه مبنى المحافظه و مينفعش حد يعطله .. و لقيت الطريق زحام جامد و فى الأخر اكتشف ان عربيات كتير تبع المحافظه راكنه على الشمال و من ضمنها سيارة سيادة المحافظ ( مرسيدس e-class ) راكنه و بعدها بعربيتين عسكرى مرور و الحياه عادى و كان فى عزاء و تقريبا المحافظ بيحضر العزاء .. ؟ّ!!! بس يا سيادة المحافظ .. انا ازاى بعد المنظر دا احترم القانون و انت و موكبك و عربيتك و حاشيتك ولا الهوا ... فين البلد اللى بتدى الحق لحد يركن و يخالف القانون .. للأسف احنا عملنا ثوره عشان نغير حاجات كتير اولها الشارع .. و انتو فاهمين الثوره تغيير اشخاص ... بجد شىء يحسسك قد ايه القانون مش بيطبق و اللى المفروض يكون زى السيف و يحقق القانون بيخالفه اول واحد .. للأسف الثوره طلعت زى مشروع النهضه ... على متفرج :)

هو الثورة بصراحة متعملتش عشان محدش يركن في الممنوع
الثورة حققت اقصى امانيها وهي عزل مبارك ونظامه كاملاً
انا شايف اننا احنا اللي بنضيع الثورة عشان ساكتين على الغلط وسايبين حقنا
ده غير اللي بيشارك في الغلط كمان
على سبيل المثال كنت في المرور النهاردة مفيش حاجه اتغيرت بل زودوا اجراءات اكتر تعقيد
ونفس النظام في تسيير العمل موجود وهو نظام عقيم ومتخلف
ونفس الادارة ماسكة المرور عبارة عن ضباط من الشرطة وبيديروا المكان كأنهم آلهة لا يخطئوا
ولا يجوز لك التعليق على عملهم