دايهاتسو شاريد ولا فورد فييستا !!

**mous6fa** · 14-11-2012 09:11 PM

السلام عليكم ورحمة الله وبركاته
حضراتكم أنا معايا فى حدود 23 ألف وحابب أشتري عربية صغيرة لإستخدامي الشخصي وتناسب شوارع المحروسة اللى فيها جلطة ومش بتمشي اساسا ... يعني ف الاساس فكرت بطريقة إقتصادية شوية ولقيت ان من الاحسن يكون معايا عربية صغيرة وكمان رخيصة والباقي أشيله ع جنب للزمن ... المهم لقيت ان افضل حاجة ف الفئة السعرية دي من حيث حداثة الموديل والشكل الدايهاتسو الشاريد والفورد الفييستا.
طبعا انا عارف ان الشاريد 1000 سي سي و 3 سلندر وبتعاني من ندرة بعض قطع الغيار - اما الفييستا موتور اقوى ولكن قطع غيار غالية ... وعشان كده انا محتار أجيب شاريد ولا فييستا مع افتراض ان الاتنين حالتهم ممتازة ومش متبهدلين !!! ياترى الأعضاء ينصحوا بأيه ؟؟ مع العلم ان الشاريد مو 90 لـ 93 أما الفييستا بنفس السعر هتكون مو 96 و 97

**hugan** · 14-11-2012 09:28 PM

حضرتك صاحب القرار لكن لو مكانك
ولا دي ولا دي
ممكن ماذدا 323
او سوزوكي سويفت
كيا برايد
او كسيل بس تزود شويه

**mous6fa** · 16-11-2012 07:37 PM

فين ردود عباقرة المنتدى !!!! محتاج مساعدة هنا يا جماعة بعد إذنكم :( :(

**kempel** · 19-11-2012 09:02 AM

الفورد فيستا أحسن العربية والموديل ده اللى هو 1100 cc قطع غياره مش غاليه زى الموديل اللى بعده اللى بيبدأ من موديل 1998 بس مشكلته انه كان بينزل من غير تكييف ومعظم اللى بتكييف منه متركب فى مصر معرفشى الشاريد نظامها ايه فى التكييف لكن فيما عدا ذلك الفورد تتفوق على الشاريد كمان الشاريد والله اعلم شاسيها اضعف ماتستحملشى مطبات مصر لانى كنت بدور على سيارة تانيه وكنت ببص فى الشاريد الاقى العربية سليمه من فوق ولما ارفعها الاقى فيه شروخ فى الشاسيه ولقيت العيب ده فى حوالى عربيتين او تلاته فمتهيالى ان المطبات هى اللى بتعمل فيها كده بعكس الفورد فيستا اللى اشتريتها بعد كده والله الموفق فى الاختيار

**mohamed_rhem** · 19-11-2012 03:47 PM

المشاركة الأصلية كتبت بواسطة kempel

الفورد فيستا أحسن العربية والموديل ده اللى هو 1100 cc قطع غياره مش غاليه زى الموديل اللى بعده اللى بيبدأ من موديل 1998 بس مشكلته انه كان بينزل من غير تكييف ومعظم اللى بتكييف منه متركب فى مصر معرفشى الشاريد نظامها ايه فى التكييف لكن فيما عدا ذلك الفورد تتفوق على الشاريد كمان الشاريد والله اعلم شاسيها اضعف ماتستحملشى مطبات مصر لانى كنت بدور على سيارة تانيه وكنت ببص فى الشاريد الاقى [gdwl]العربية سليمه من فوق ولما ارفعها الاقى فيه شروخ فى الشاسيه ولقيت العيب ده فى حوالى عربيتين او تلاته [/gdwl]فمتهيالى ان المطبات هى اللى بتعمل فيها كده بعكس الفورد فيستا اللى اشتريتها بعد كده والله الموفق فى الاختيار

العيب ده ظهر في عربيتي القديمة اديتها لاخويا وتقريبا والله اعلم بسبب انه بوظ المساعدين لان العيب ده مطهرش غير بعد 22 سنة استخدام

واخويا كان بيحمل عليها وسفر كتير كل يوم من القاهرة للشروق لمدة سنتين

عموما هو شرخ بسيط ميأثرش علي حاجه

اما العربية عموما لو سقطلها موتور بفتيس 5 غيار يبقي اشتريت دماغك

الحوار ده بيتكلف حوالي 3000 جنيه