عاوز نصيحة من أهل الخبرة!!!

**ahmed895** · 15-11-2012 12:42 AM

السلام عليكم أنا عضو جديد معاكوا هنا فى المنتدى ومحتاج نصيحة أهل الخبرة .......

الموضوع: أنا بشترى عربية وهجبها مستعملة وبعد بحث طويل قررت أن أختار ما بين إختيارين أولهم ميتسوبيشى لانسر موديل 2007 مثلا أو بروتن جين 2 موديل 2010

مع العلم أنى هستهلك كيلوهات كتير لظروف عملى

أرجو الأفادة؟

**blazer** · 15-11-2012 01:41 AM

فى المستعمل تختار الحالة الافضل
بروتون ممتازه بس اسمع عن ان توكيلها وقطع غيارها مش كويسين
ممكن تبص برده على نيسان صنى 2009 عربيه محترمه برده
او النترا 2008

**ahmed895** · 15-11-2012 06:44 PM

شكرا للإفادة أستاذ بلازر

**ahmed895** · 15-11-2012 06:45 PM

بس لو فرضت أن أدامى البروتن ولانسر الأتنين حلتهم ممتازة زى بعض بالظبط أختار مين فيهم؟

**seso100100** · 15-11-2012 07:33 PM

اختار لانسر ان شاء الله لأن الجين 2 توكيلها سئ جدا و معذبة اخى فى تصليحها و قطع غيارها غير متوفرة حتى فى التوكيل
لانسر عربية ممتازة و قطع غيارها منتشرة وعربية اعتمادية

**amrelsha3er** · 15-11-2012 07:46 PM

بص ياباشا
جين2:شكل شبابى وثورى من بره وجوه 1600 عربيه 100حصان ثبات عالى وحلوه اوى على الطريق وكل حاجه
مشكلتها وكيلها خش قسم بروتون هتلاقى الكلام ده اعاده سعر البيع برضو من ضمن مشكلات بس طالما انت هتجيب مستعمل يبقى مش تبعك الموضوع ده توافر قطع الغيار مش متوفره فى وكيلها باستمرار وبالحجز وتستنى
الانسر:الشكل بقى قديم ولسه بينزل منه لحد 2012 كمان زيرو وده لان العربيه عليها طلب عربيه اعتماديه قكع غيار متوفره اعتماديه مفهاش مشاكل غالبا
انا ركبت دى ودى
لو مكانك اجيب لانسر بس حاول تعلى شويه 2008 20009 وهات 1600 مش 1300
وربنا يكرمك

**amrelsha3er** · 15-11-2012 07:46 PM

110 حصان اسف غلطه كتابيه

**mous6fa** · 16-11-2012 07:46 PM

بالنسبالي أنا متفق مع كلام الناس اللى قالت إن اللانسر إعتمادية عالية وقطع غيار متوفرة ومعمرة وكمان إعادة بيع جيدة وسهلة - اما الجين 2 برضو كل الكلام جميل عنها ما عدا التوكيل وإعادة البيع .
وعشان كده انا لو مكانك هختار بناء ع مستقبل العربية معايا ... يعني لو انا عاوز أركب وأتمتع بالركوبة ومش فارق معايا اي شىء ولا بفكر ف البيع لمدة من الزمن يبقى هختار جين 2 ... إنما لو عارف إني هغير بعد مدة مش طويلة نسبياً يبقى من الأفضل أختار اللانسر ... وفى النهاية برضو الحالة هي اللى بتحكم ... إختار الحالة الأفضل ... وبالتوفيق :)