تغيير زيت الشارك

**CIVIC_VTEC** · 15-11-2012 12:12 PM

السلام عليكم ورحمة الله وبركاته أعضاء المنتدي الكريم ...
كل سنه وحضراتكو جميعا طيبين وبخير ..
معايا شارك 2008 ماشيه 160000 الموتور بحالة جيده ولكن فيه تاكيه صوته الى حد ما مسموع
انا بغير زيت سوبر شل مش عارف دا موجود فى مصر ولا لا عشان انا فى السعودية ..
المهم اليومين دول صوت الموتور عالى وحاسس فيه خشونه .. وعايز أغير الزيت دا لنوع زيت تانى
بصراحه معنديش خبره فى موضوع التخليقى والمعدني
وانهو أفضل فيهم لحالة الموتور بتاعي ..
وازاى اعرف التخليقى من المعدني ..
وازاى اعرف بردو الزيت التقيل من الزيت الخفيف .. لانى محتاج زيت درجة لزوجته عاليه أعتقد هيريح الموتور أكتر ..
أنا اسف طبعا طولت عليكو .. أخوكو الصغير وبيتدلع عليكو بقى ..

**IronHead** · 15-11-2012 02:47 PM

لو الموتور حالته كويسه وده الاوقع لانه مش عامل كتير قوى يبقى حط تخليقى طبعا بس اتأكد انها مش بتاكل زيت, الزيوت التخليقيه بتبقى اغلى بفرق كبير من الزيوت المعدنيه, تقريبا ضعف السعر, بس بتديلك تزييت اعلى وتوغل افضل فى جميع اجزاء الموتور بالذات فى بدء التشغيل,
الزيوت التخليقيه بتبقى اخف لزوجته من المعدنيه هتلاقي الزيوت المعدنيه فى الاغلب 20w50
والتخليقيه 0w50, 5w30, 5w40, 5w60, 10w40, 10w50
كان فيه موضوع تقريبا فى القسم التعليمى بيشرح مواصفات الزيوت

**CIVIC_VTEC** · 15-11-2012 02:53 PM

الحمد لله الموتور كويس ..
بس ازاى ان الزيت الأخف لزوجة أعلى تزييت .. المفروض العكس ..
دا بالاضافة انى محتاج أعرف هل طلمبة الزيت فى الشارك بتحتاج زيت خفيف عشان تقدر تستوعب عملية رفعة ..
ولا لا .. ودا بيتوقف طبعا على الزيت اللى بتنصح بيه متسوبيشى لموتور الميفك الخاص بالشارك ...

**IronHead** · 16-11-2012 01:06 AM

الزيت الاخف بيقدر يتوغل فى جميع اجزاء الموتور الدقيقه والخلوصات بكفاءه عاليه و فى اقل وقت ممكن, عشان كده بتدور العربيه وممكن تتحرك بعد 30 ثانيه مش اكتر, على عكس الزيت المعدنى الثقيل لازم تستنى 3 دقايق عشان تتاكد انه اتوغل ووصل لاجزاء المحرك وبرضو مش زى التخليقى
هتلاقى توصيات ميتسوبيشى بخصوص مواصفات الزيت فى كتيب دليل المستخدم بتاع العربيه
هنا فى مصر التوكيل مزبط ومتعاقد مع توتال وبيحطوا 5w30 او 5w40