انا بإذن الله هجيب لانسر مستعمله كنت عايز اعرف ايه الي هستلمه مع العربية ؟؟

**thisisman** · 15-11-2012 04:38 PM

الاعضاء الكرام

دي اول مره ليا هشتري عربية و طبعا هجيب مستعمل اتعلم فيه شوية فكنت عايز اعرف من حضارتكم ايه الحاجات الي بستلمها من الي هشتري منه غير العربية طبعاً هههههه و لو في نصايح ابقى شاكر ليكم

و شكرا جزيلاً

**beshomilan** · 15-11-2012 07:22 PM

اول واهم حاجة لازم تاخد حد معاك فاهم فى العربيات او توديها التوكيل تكشف عليها
وحذارى تشتريها لوحدك عشان متندمش

**thisisman** · 15-11-2012 07:36 PM

المشاركة الأصلية كتبت بواسطة beshomilan

اول واهم حاجة لازم تاخد حد معاك فاهم فى العربيات او توديها التوكيل تكشف عليها
وحذارى تشتريها لوحدك عشان متندمش

اكيد ان شاء الله هاخدها التوكيل يفحصها انا بسأل بس على ايه تاني اخده غير العربية

**حمدي سليمان مه** · 16-11-2012 12:37 AM

اول حاجه الاستبن والطفاية والكريك ومفاتيح الكاوتش

**eng.ghost** · 16-11-2012 08:58 PM

الإستبن و تتأكد أنه خاص بالعربية مش اى استبن و خلاص - يعنى تشوف مقاسه فعلا مقاس العربية و فتحات المسامير هى هى ولا لأ

ثانيا الكوريك
ثالثا مفتاح فك مسامير كاوتش العربية - و أحيانا بيكون صليبه
ثالثا طفاية الحريق
رابعا ولاعة السجائر
خامسا المفروض بيكون فى عده فى العربية على حسب نوع العربية بس أساسى فك صليبة وأخر عادة
سادسا ممكن يكون فى مثلث عاكس - وده مش اساسى
سابعا الكتالوجات
ثامنا مفتاح إحتياطى أصلى للعربية و بيكون ريموت لو هى نازلة بريموت بيكون فى نسختين الاصلى والاحتياطى ريموت و مشفر - طبعا بيختلف على حسب نوع العربية و موديلها و انهى فئة

تاسعا إتأكد إن العربية لو مش مجنطه يبقى غطيان الجنوط الاصلى
عاشرا الكاسيت الاصلى و وش الكاسيت يكون موجود
عاشرا إتأكد إن الفوانيس اللى راكبة هى الاصلية علشان فى ناس بتشيل الأصلى و تحط تقليد حفاظا على الاصلى من الخدوش و التكسير

بيتهيألى مفيش شئ تانى

طبعا الاهم من كل ده حالة العربية و ماتورها و الشاسيه و كل الباقى كماليات ممكن تشتريها حتى لو إستيراد

**walidadel81** · 16-11-2012 10:03 PM

اتاكد من الرخصه باسم المالك اللي راح تشتري منه ولو فيه توكيل اتاكد من التسلسل وياريت افضل شي تشتري بعقد مسجل لان اكتر شي بيخلي بتوع الشهر العقاري يركزو بصحه الورق هو العقد المسجل