تغيير طقم السيور و صيانة ال30000 فى مركز سبيد م/هانى

**lost2008** · 16-11-2012 10:09 AM

العربية فيرنا 2009 30000 كم, كلمت المهندس هانى و روحتلة الساعة 12 الظهر يوم 12/11/20212 لتغيير طقم السيور و بلى الكاتينة لمرور 3 سنين و ينصح بتغييرهم بعد المدة دية و عمل صيانة ال30000, طبعا الاعضاء الى تعاملو مع م/ هانى عارفيين طريقة المقابلة و كرم الضيافة طلبلى شاى و كمان بسكوت و بصراحة الكلام معاة ممتع جدا و متحسش بالوقت و الفنيين كمان محترميين, المهم جبنا طقم سيور اصلى و البلى بمعرفة م/هانى و تم تغيير الطقم و تنضيف فلتر الهوا و كشف العفشة و تربيطها و رجلشة الفرامل و كشف بالسكانر , و بعدها غسيل الموتور بالفوم " اول مرة الموتور يتنضف باى حاجة غير الهوا من ساعة مجبتها " غملت حوالى 400 كم من ساعة الصيانة و راضى تماما عن اداء العربية و فى تحسن ملحوظ فى الفرامل بعد الرجلاش الى اتعمل من العجل " انا كنت برجلشها من المسمار الى تحت الهاند" نيجى بقة للاسعار

1) 180 سير كاتينة
2) 195 بلى الكاتينة
3) 90 سيور الدينامو و الباور و التكييف
4) 125 مصنعيات تغيير السيور
5) مصنعية صيانة ال30000 كم مرضاش ياخد حاجة عشان دية اول صيانة لية هناك
6) خصم 25 جنية كمان
اجمالى = 565 جنية و كمان فاتورة مختومة باسم المركز و جدول صيانة و تسجيل بيانات العربية فى المركز للمتابعة.

**Kareem Fawzy** · 16-11-2012 10:43 AM

بعيداً ان هانى صاحبى بس هانى هو المكسب الحقيقى من نايل موتورز
شخصية محترمة وامين وعنده ضمير
وكمان تحسه اخوك
ربنا يديم المودة بينا يا هانى
ربنا يعلم قد اية انا بحترمك

شكراً لصاحب الموضوع على التقرير

**Ashraf_Ibrahim** · 16-11-2012 10:46 AM

الفائدة الكبيرة من المنتدى دا بغض النظر عن المعلومات اللي الواحد بيستفيدها هي معرفة أشخاص كويسين جدا طبعا على رأسهم المهندس هاني
كويس انك قلت الاسعار عشان انا رايح اغير سيور انا كمان تقريبا كمان اسبوع او اقل وامري لله بس معاهم فلاتر وبوجيهات كمان
عاااااااااااااااااااا
يبقا كدة هاني هيعملي الصيانة كلها ببلاش عشان انا مش اول مرة
ههههههههههههههههههههههههه هههههههههه