مرور السلام :(

**medodola2012** · 16-11-2012 02:09 PM

شباب انا كنت عايز انقل ملكية العربية من مرور السلام ل مرور بنى سويف وعندى سؤالين عايز تريق سهل وحلو كدة من طريق الكريمات لحى السلام او الحرفين او الدائرى او اى طريق سهل

والسؤال التانى انا عرفت انى لازم اسلم اللوحات المعدنية وشهادة المخالفات والعقد المسجل والرخصة القديمة ودفع الضريبة واستخراج وثيقة التأمين فا هل لازم اروح بالعربية ولا ممكن افك النمر وخلاص
وياريت سرعة الرد يا شباب عشان عايز اسافر بكرة وارجع قبل الماتش يا رب :b4_007:

**hugan** · 16-11-2012 02:14 PM

كنت عايزافيدك في الطريق الاسهل
لكن ان شاء الله الزملاء يقولو لك علي الصح
لكن اللي عايز اقوله حضرتك تاخد للك 3 ايام اجازه وتنصب خيمه امام مرور السلام اللعين علشان تلحق اول واحد في الطابور
واذا عرفت تخلص ورقك في ال 3 ايام تبقي بطل
ربنا معاك
ويرزق مرور السلام بقنبله عنقوديه تنزل عليه تفجره بضباطه وموظفينه وشويه الحراميه اللي شغالين فيه

**hugan** · 16-11-2012 02:14 PM

كنت عايزافيدك في الطريق الاسهل
لكن ان شاء الله الزملاء يقولو لك علي الصح
لكن اللي عايز اقوله حضرتك تاخد للك 3 ايام اجازه وتنصب خيمه امام مرور السلام اللعين علشان تلحق اول واحد في الطابور
واذا عرفت تخلص ورقك في ال 3 ايام تبقي بطل
ربنا معاك
ويرزق مرور السلام بقنبله عنقوديه تنزل عليه تفجره بضباطه وموظفينه وشويه الحراميه اللي شغالين فيه

**medodola2012** · 17-11-2012 05:22 AM

مشكور يا باشا انا كدة هاجل الموضوع دة شوية وعندى سؤال تانى هى الرضخة منتهية من 4 ايام هل فعلا فية شهر سماح ولا دة كلام

**حماده المصري** · 17-11-2012 06:15 AM

رخصه خلصانه يبقى محتاج تعمل شهاده بيانات يامعلم الرخصه الخلصانه مش معترف بيها

لو الرخصه باسمك مش عارف ايه الكلام

انما لو الرخصه مش باسمك

بتعمل من المرور التابع ليه العربيه شهادتين بيانات وبياخدو منك الرخصه خالص بتبقى وحده للمرور الي هتروحله ووحده للشهر العقاري عشان تعمل العقد المسجل وتعمل شهاده مخالفات وتطلع على الشهر العقاري

تديله شهاده البيانات الموجهه ليه وتعمل عقد مسجل

وتطلع على مرورك تعمل الاتي تقدم شهاده مخالفات وشهاده بيانات والعقد والتوكيل وخلي بالك ايصال العقد المسجل في الشهر العقاري مهم جدا مش ترميه وتعمل باقي الحاجات من تامين وضريبه والحوارات دي وربنا يكون في عونك الحقيقه

**semi** · 17-11-2012 09:35 AM

المشاركة الأصلية كتبت بواسطة medodola2012

مشكور يا باشا انا كدة هاجل الموضوع دة شوية وعندى سؤال تانى هى الرضخة منتهية من 4 ايام هل فعلا فية شهر سماح ولا دة كلام

انت رخصتك منتهية يبقى الله يعييييينك
شغلك كله كده بمرور السلام للاسف
اعمل الاول زي ما قولتلك روح افحص بمرورك الجديد وهات ورقة المطابقة
انزل مرور السلام ومعاك العربية خلص المطابقة وادخل باقى على الاجراءات
عشان رخصتك منتهية ومش معاك عقد مسجل لازم تطلع شهادة بيانات للشهر العقاري الاول
بتدفع مخالفات العربية والضريبة وبتطلعك بتروح الشهر العقاري تعمل عقد
وترجع تاني للمرور يعملك شهادة بيانات موجهة لمرور بني سويف
بتروح بها هناك ومعاك ورقة المطابقة والفحص وبتدخل تعمل بس نقل ملكية علطول

مرور السلام الحاجه اللي ممكن تخلص في يوم ممكن يخلصهالك في 3
فانت عايز يوم تطلع فيه شهادة بيانات للشهر العقاري ويوم عشان شهادة بيانات للمرور
وهتلاقي اشكال غلط كده هناك بتقولك اخلصلك ورقك والكلام ده كلهم نصابين
ولازم تستحمل رزالة الموظفين اللي هناك وقلة ادبهم

**medodola2012** · 17-11-2012 11:39 AM

الف شكر يا شباب انا من غيركم كنت هاروح واجى 50 مرة بس بردة الى عندة طريق ياريت يفيدنا انا الى اعرفة انى هاخد طريق الكريمات لغاية الدائرى تقريبا بعد كدة محتاج حد يوصفلى

**حماده المصري** · 17-11-2012 01:58 PM

المشاركة الأصلية كتبت بواسطة semi

انت رخصتك منتهية يبقى الله يعييييينك
شغلك كله كده بمرور السلام للاسف
اعمل الاول زي ما قولتلك روح افحص بمرورك الجديد وهات ورقة المطابقة
انزل مرور السلام ومعاك العربية خلص المطابقة وادخل باقى على الاجراءات
عشان رخصتك منتهية ومش معاك عقد مسجل لازم تطلع شهادة بيانات للشهر العقاري الاول
بتدفع مخالفات العربية والضريبة وبتطلعك بتروح الشهر العقاري تعمل عقد
وترجع تاني للمرور يعملك شهادة بيانات موجهة لمرور بني سويف
بتروح بها هناك ومعاك ورقة المطابقة والفحص وبتدخل تعمل بس نقل ملكية علطول

مرور السلام الحاجه اللي ممكن تخلص في يوم ممكن يخلصهالك في 3
فانت عايز يوم تطلع فيه شهادة بيانات للشهر العقاري ويوم عشان شهادة بيانات للمرور
وهتلاقي اشكال غلط كده هناك بتقولك اخلصلك ورقك والكلام ده كلهم نصابين
ولازم تستحمل رزالة الموظفين اللي هناك وقلة ادبهم

هي مره وحده بس يعمل بيها شهادتين بيانات وحده للمرور التاني ووحده للشهر العقاري

ودي اول خطوه يعملها معيملش اي حاجه قبلها لانه لا هيدخل فحص ولا هياخد مطابقه ولا الهوا من غير ما يكون معاه العقد المسجل والشهاده الموجهه للمرور الي فيه الفحص