اداره المحرك

**john55** · 16-11-2012 02:25 PM

هو المفروض الواحد يدير المحرك بمجرد وضع المفتاح في الكونتكت ولا يستني شويه لحد لمبه الزيت اوالحراره او الباور تطفي انا اخويا عنده افيو فيها لمبه hold بتطفي بعد حوالي خمس ثواني وبعد كدا تدير المحرك علشان طرمبه البنزين فهل المفروض في السيارات الهيونداي المفروض نستني شويه وبعد كدا ندير المحرك ولا عادي انا معايا اكسنت 2012 بس انا بصراحه بمجرد احط الفتاح بدور العربيه علطول مش عارف دا صح ولا ايه وشكرا

**hassanin_lada** · 16-11-2012 02:36 PM

متابع

**devil_storm** · 16-11-2012 02:41 PM

انا قريت مانيوال الفيرنا كله و مفيش فيه حاجه كده يبقي دور علي طول و ملكش دعوه بالافيو لان الهيونداي مش كده

**speed_magnum** · 16-11-2012 02:47 PM

الافيو فعلا كده لازم تستنى شوية.

**screamseko** · 16-11-2012 03:35 PM

الافضل انك تستني عشان متحملش عالمارش مش اكتر
يعني في الثواني دي الطرمبه بتحضر البنزين اللازم للدواره وتجهزه في غرف الاحتراق عشان بمجرد متدور تلقط معاك
لكن لما بتدور علي طول انت كده بيفضل المارش شغال لغاية البنزين ميوصل ويتحرق ويلقط

الموضوع مبياخدش اكتر من 3 ثواني
بس بتقلل العمر الافتراضي للمارش والبطاريه لان اكتر وقت بتستهلك فيه البطاريه وقت الدواره

وعندي في اللوجان اللمبه دي برضه مبدورش الا اما تطفي حتي لو بطلت مني في نص الشارع بقفل المفتاح وافتحه واستني اللمبه تطفي وادور 3 ثواني بلظبط
تحياتي

**HOSSAM99** · 16-11-2012 03:45 PM

الأفضل الإنتظار 5 ثواني و تدور

**devil_storm** · 16-11-2012 04:29 PM

مفيش حاجه في مانيوال العربيه بتقول كده!! لو موجوده في مانيوال العربيه يبقي اوكي غير كده لو نزلي عفريت مش حستني ثانيه و مليش دعوه بباقي العربيات
لو كان مفروض نستني كانوا عملوا لمبه تحذيريه ذي اللوجان او كتبوها في المانيوال علي الاقل

**moh19227** · 16-11-2012 05:55 PM

متابع

**screamseko** · 16-11-2012 06:00 PM

علي فكره الموضوع مش محتاج مانوال عشان تطبقه ولا لا
ده مش اكتر من منطق وفهم لطبيعة اجزاء العربيه واللي المفروض يحصل
وبراحتك يعني في الحالتين حتدور
لكن احنا بنبص للافضل ودي حاجه ترجعلك!!