☆ مذيعة برنامج ★★★★ The Vois

**Y a r i s** · 16-11-2012 11:25 PM

برنامج ذا فويس يحصل على ١٠٠ مليون مشاهد في الشرق الاوسط

حد شاف المذيعة الجديدة على برنامج ذا فويس ايه رايكم فيها !!!
انا بصراحة صدمني ادائها في اول حلقة
بس قلت لنفسي ماهي لسه طازة وباين عليها مش محترفة بس مدربة كويس

بس الغريب وانا بعمل بحث عنها ... كانت مذيعة فين دي ياترى كانت في الار تي ونقلت على mbc
ولاني مش مشترك في art فقلت اكيد هيا منها. بس تصوروا اكتشفت ايه
اسمها اروى جودة
عندها ٢٨ سنة. رغم ان شكلها بيدي على اكبر من كده
تصوروا بقة المفاجئة انها بنت اخت صفاء ابو السعود. يعني صفاء تبقى خالتها

وهيا ممثلة وعارضة ازياء مصرية رغم اني مش متابع اعملها

من الأفلام
الحياة منتهى اللذة.
مفيش غير كده.
على جنب يا أسطى.
العالمي.
زي النهارده.
الوتر.

من المسلسلات
المواطن x.
نابليون والمحروسة.
سر علني.
خطوط حمراء.

ههههههه بس انا مشفتش ولا عمل من الاعمال دي

@@@@@@@@@@@@@@@@

ومن ضمن معلومات عن هذه المذيعة. انها مولودة في جدة ( السعودية)
ومن مواليد ٢٧ سيتمبر. يعني برج الميزان

بس ايه رايكم كادائها كمذيعة هل مناسبة ... !
رغم ان سبحان الله حاسس ان في منها من شخصية اناوشكا
(موضوع للدردشة ) وشكراً لمشاركاتكم

**Y a r i s** · 16-11-2012 11:49 PM

المشاركة الأصلية كتبت بواسطة autotycoon

اتمنى سماع رأي جميع الأعضاء في هذا الموضوع الشائك الذي سيحدد مصير الوطن في الفترة القادمة

هههههههههههه.
والله دحكتني .... وانتا داخل النيت انشاء الله علشان تحدد مصير الوطن هنا .... هههه ولا علشان تتسلى ... وتروح وتنفس عن قلبك شوويتين .... عامة لو عاوز تحدد مصير الوطن .... وتخطط لمستقبل مصر ... في عندك لو مشيت على طول طوالي هتلاقي يوترن لف وارجع وخش في اول شمال في تاني يمين هتلاقي شارع اسموا الشارع المصري هنا في المنتدى. روح حدد مصير الوطن هناك .... اوعه تزعل بهزر معاك ... وتحياتي ليك وشكراً على مشاركتك احنا بندردش بس

**Y a r i s** · 17-11-2012 12:29 AM

ادده معقوله يامزهر باشا مش متابع البرنامج
ده ياسيدي بيطلع على قناة mbc1 او mbc masr بيطلع كل يوم جمعة بالليل على الساعة ٩ كده بيجيبوا مجموعة من الشباب الي اصوتهم حلوة .... واربع نجوم وكل واحد يغني من غير مالفنان يشوف وش الشاب الي بيغني بحيث انهم يحكموا على الصوت بس مش على الشكل والي صوتوا يعجبهم ينضم لفريق حد من المغنين المشهورين ويبتدوا يدربوهم على الغنى وكده يعني كفكرت برنامج جميلة زي برنامج عرب اوف تالنت كده

**Y a r i s** · 17-11-2012 01:19 AM

معاك حق والله يا حسام باشا ...
بالك انتا البت المذيعة اللبنانية الي بتشوف التصويت .... متمكنة اكتر من المذيعة المصرية ، عندها سرعة بديهة وكلمتها حاضرة انا عاجبني الواد محمد كريم بصراحة. شاب ممتاز ومحترف بمعنى الكلمة وكلمتوا حاضرة على طرف لسانوا ده غير حضوروا على المسرح. قوووي

بس الغريب الانتكاسة الي بتتعرض ليها ال mbc حتى في قناتها الجديدة ام بي سي مصر
يعني مثلاً برنامج بتاع منى الشالزلي الجديد ( جملة مفيدة )

حاسس انو برنامج فاشل ... فين زمان منى لمن كانت بتقدم برنامج العاشرة مساءً كانت متالقة اكتر من كدة ... والواحد حتى وهو شغال ولا بيعمل حاجة كان يفتح على برنامجها ويقعد يسمع بتقول ايه .... بس لمن نقلت على الام بي سي ... حاسس ان مستواها نزل قوي ... كانوا فاكرين انهم هيعملوا برامج توك شو زي برامج لبنان كده والجمهور يتفاعل ويسقف ويهيص ... بس اغلب الجمهور جي متنكد ومكلضم وتحس سبحان الله ان البرنامج خالي من اي مضمون او روح

ده غير برنامج هاني رمزي ( الليلة مع هاني )

كمان برنامج تحسوا مش قاد كده والكوميدية فيه معدومة .... والجمهور قاعد بيضحك ضحكات مصطنعة وتسقيفوا كمان مصطنع وواضح جداً ... عارف لو عملو mbc لبنان كانت هتبقى اقوى من ام بي سي مصر .... ده كفاية الجمهور الي هيبقى متفاعل ويظحك من قلبوا ويهيص ويرقص وجو شبابي كده بخلاف جمهور مصر الي قاعد على اعصابوا ومتنكد وبيسئل نفسوا يترى رفعو الدعم عن البانزين ولا لسه .... بس ده طبعاً ده ميمنعش من قوة برامج ام بي سي .... زي برنامج نجوم العلوم او ارب اوف تالنت او من سيربح المليون او برنامج ذا فويس الي بيقولك وصل عدد نسبة المشاهدة ل ١٠٠ مليون مواطن عربي بيتابعوه

@@@@@@@@@@@@@@@

وتحياتي

**hossam_elwani** · 17-11-2012 01:30 AM

هيا بصراحه وشها يقطع الخميره من البيت وممكن يقطه الخميره من القناه كمان هههههه

الاداء بيتحسن وان كان سىء

**hossam_elwani** · 17-11-2012 01:39 AM

عندك حق عن انطباعك عن برنامج منى وهانى

برنامج هانى على وجه التحديد برنامج تافه وفاشل وحشو كلام وعبط وهبل من هانى ومعد فاشل ابن فاشل جايب حاجات من الفيس بوك والجرايد الهبله

هو ده الفشل بعينه

**Y a r i s** · 17-11-2012 01:43 AM

لا بس بصراحة البت شرين. مبدعة في البرنامج
وبسم الله مشاء الله عليها يوم عن يوم عماله تحلووو ... وتحس كده في صوتها صوت الاصالة المصرية
والشجن والسلطنة ... وتحسها كتكوته كده

بتفكرني ... بايام الزمن الجميل زمن سعاد حسني وشقاوة سعاد حسني

-

مشاهدة نتائج الإستطلاع: اية رأيك في أداء مذيعة برنامج ذا فويس ؟؟ اروى جودة

الموضوع: ☆ مذيعة برنامج ★★★★ The Vois

LinkBack

أدوات الموضوع

عرض

☆ مذيعة برنامج ★★★★ The Vois - انشر الموضوع فى :

-

-

-

-

المواضيع المتشابهه

(( حوار خاص بين مذيعة ومواطن عام 2050 ))

الكلمات الدلالية لهذا الموضوع

المفضلات

المفضلات

ضوابط المشاركة