مشكله فى الكروز

**Emad Fathi** · 17-11-2012 06:34 AM

انا عندى الكروز بترشح زيت من غطاء التاكيهات وقلت لهم فى صيانه ال5000 وربطوا الوش وبرضه نفس المشكله فرحت تانى غيروا الجوان بس لسه نفس التسريب وزاد كمان والعربيه بقت تتلت و السيليكون اللى حطوه اسود مش حرارى وساح مع السخونه وكذلك تقريبا الجوان مش اصلى فودع هو كمان كل البلاوى دى والعربيه عامله 8000 كيلو اروح فين واعمل ايه انا خلاص تعبت من اشتغالات التوكيل وبالمناسبه كل العك ده واللبص كان فى اوتو ماستر منهم لله واحد واحد انا نفسى حد يدلنى اعمل ايه انا فى مدينه نصر ومعرفش طريق فرع الهرم واكون شاكر جدا والعربيه 2012

**SAMEH_FOUAD** · 17-11-2012 11:38 AM

معلش ياباشا هو اكيد ركبوا الجوان غلط , لان طالما العربية بتلت منك يبقى كدة اولسيهات البوجيهات ضربت هية كمان

يعنى حضرتك ممكن تريح دماغك وتروح فرع محترم , او انك تعمل دة بنفسك وهتجيب الاتى :

1- جوان وش تاكيهات كامل باولسيهات البوجيهات

2- انبوبة سيليكون حرارى امريكى ب17 جنية

وتركبهم وقبل مايركبوة تتأكد انهم نظفوا كويس جدا غطاء التاكيهات وعلى وش السلندر

وان شاء الله خير