الموضوع: الضابط عدل رقم الموتور والشاسية فالرخصة بالقلم وعايز ابيعها اية الحل؟!!!

اية الحل يا شباب تقترحوا اية ؟!!!!!!!!!!!!!!!

خليك فى موضوع بدل الفائد ده
لان اى حد هيشتريها مش هيكون مبسوط من الحوار ده

طيب وانى اعمل شهادة بيانات هيكون افضل وآآمن صح ؟!!! لانه تقريبا مرجعيتهم لشهادة البيانات اليدوى مش الرخصة الكمبيوتر

فكرة بدل فاقد دي كويسة حاول تعملها
والموضوع سهل بتعمل محضر وبتروح تدفع غرامة تقريبا
بس ممكن جدا يكون مفيش حاجه اتعدلت
ساعتها اعمل شهادة بيانات للشهر العقاري زيادة تأكيد
وبتطلع موجهة للشهر العقاري بدون ذكر اي فروع
لكن اعتقد ان لها صلاحية تقريبا شهر

طيب تمام
مهو فى شهادة البيانات برضة بياخد بيانات الاسم من الرخصة
وعندى فى الرخصة برضة الاسم الرباعى غلط
حرف متبدل بدل حرف
ولا هم بيراجعوا البيانات منين يعنى
الوحيد الى كل حاجة فيها صح
هى عقد العربية اتمنى يكون المرجعية له مش من الرخصة
شكرا ليك جدا

المشاركة الأصلية كتبت بواسطة unoman

طيب تمام
مهو فى شهادة البيانات برضة بياخد بيانات الاسم من الرخصة
وعندى فى الرخصة برضة الاسم الرباعى غلط
حرف متبدل بدل حرف
ولا هم بيراجعوا البيانات منين يعنى
الوحيد الى كل حاجة فيها صح
هى عقد العربية اتمنى يكون المرجعية له مش من الرخصة
شكرا ليك جدا

شهادة البيانات بيخرج كل البيانات من الملف عنده
بيطلعه وبينقل البيانات منه
وهو بينقل من الملف وبيكتبلك شهادة البيانات عرفه ان في اخطاء في كذا وكذا
وهو عامة بيلتزم بالبيانات بورقة الفحص فالمفترض تتكتب صح
بس المشكلة ان في مرور بيطلع شهادة البيانات كمبيوتر فدي هتبقى مشكلة