السعودية تفرض رسوم جديدة على " الاجانب والعمالة "

**Y a r i s** · 17-11-2012 04:00 PM

عيني عليكم يا ولاد بلدي

@@@@@@@@@@@@@

توقع خبراء ومتعاملون أن يشهد السوق السعودي ارتفاعا في أسعار السلع والخدمات، في أكثر من 50 نشاطا تجاريا، بعدما قررت وزارة العمل فرض رسوم جديدة على شركات القطاع الخاص العاملة في البلاد، التي يزيد فيها عدد العمالة الوافدة عن الموظفين السعوديين.
وبمقتضى القرار سيتم استقطاع نحو 200 ريال شهريا، عن كل عامل وافد مضاف على عدد الموظفين السعوديين العاملين في تلك الشركات.

وقال خبراء إن القرار لا يخدم ما تطمح له وزارة العمل في الحد من التستر التجاري، خاصة في المشاريع الصغيرة.

وأضافوا أن هؤلاء سيعمدون إلى رفع أسعار بعض السلع بنسب تتراوح ما بين 10 إلى 30%، إضافة إلى أن القرار لا يساهم بشكل كبير في الحث على توظيف السعوديين، على اعتبار أن المبلغ قليل، ويمكن حله بزيادة متفاوتة على المنتج.

وأوضح الخبير الاقتصادي عبدالعزيز الحارثي أن قطاعات المطاعم والحلاقة ومحلات التجزئة من ملابس وأدوات كهربائية ومنزلية والمكاتب الاستشارية هي أكثر القطاعات المتضررة من القرار، وليس أمامها سوى رفع سعر السلعة أو الخدمة لتحمل فرض الرسوم البالغة 2400 ريال سنويا، حسبما نشرت جريدة "الوطن" السعودية الجمعة.

وقال الحارثي لـ"الوطن": أتوقع أن يؤثر القرار على المستهلك بصفة مباشرة عن طريق رفع الأسعار، دون أن يحقق الهدف الذي تطمح وزارة العمل إليه بالإسراع والحث على توطين الوظائف للسعوديين في مهن تشهد عزوفا كبيرا من السعوديين، إما لقلة الرواتب أو عدم وجود كوادر مؤهلة لشاغلي تلك المهن.

وأضاف: نجحت وزارة العمل في التوطين في قرارات سابقة، لكن هذا القرار لن يؤثر على مسيرة "السعودة"، على اعتبار أن المبلغ بسيط، ويمكن أن يدفع سواء من شركات نظامية أو متسترة عن طريق رفع الرسوم وتحصيلها من المستهلك، وتلافي المشكلة التي تواجههم.

@@@@@@@@@@@@@@@@

طيب اولاد بلدي. ياعيني المصرين المغتربين لمن بياخاود ٢٤٠٠ في الشهر ولا حتى ٣٠٠٠ ريال ونصهم بيروح مصاريف اكل وشرب وانتقال ومعيشة .... حلتووو كام علشان يدفع مبلغ زي ده كل سنة. يعني الي بيحوشوا من هنا بيصرفوا من هنا ... هيا السعودية ناقصة فلوووس. علشان تلم فلوس من الغلابة .... وهو لولا ضيق الحال. كان الناس دي سافرت ولا اتغربت ولا اتنيلت سابت بيوتها. علشان. يلموا منهم فلوس كمان .
وقرار زي ده هيغلي الاسعار في السعودية يعني المرتب بيجي من هنا يقوم يتصرف من هنا
وزغرطي ياعرووووسة.

اه الله يكون بعون ولاد بلدي المغتربيين والشقايانين. هيلاقوها منين ولا منين !!

@@@@@@@@@@@@@

وتحياتي

**Elawany13** · 17-11-2012 04:17 PM

لا حول ولا قوة إلا بالله
اتعلموا من المصريين ... عرفوا ازاى يمصوا دم الغلبان اللى يقع تحت ايديهم
مرة ضريبة على الإقامة
ومرة رسوم على التأشيرة
ومرة دمغه على مش عارف ايه
وهكذا

**Y a r i s** · 17-11-2012 04:34 PM

ده ياريت يا بوحميد يتعلموا من المصريين
ده احنا بالنسبة لهم هبل ... انتا عارف الاقامة في مصر تمنها كام ١٢٥ جنية و ١٥ قرش ههههههههههه مصاريف دمغة
والي يتاخر في مصر وعاوز يقعد. عااااادي براحتووووو. اقعد ياحبيبي زي ما انتا عاوز. بس ادفع غرامة ١٢٦ جنية حاجة زي كدة ، ولا في كفيل عندنا ولا رقيب ولا حسيب ولا حد يقولك رايح فين وجي منين او تصريح زيارة او تصريح سياحة. او حتى تصريح تجوال .... احنا المشكلة مش في المبالغ الي بندفعها للدولة. ، احنا مشكلتنا انها دولة تفقع المرارة. يعني تروح تدفع ؤولوفات للدولة. المصرية ويعطلك شغلك ويوقف ملفك. ويقلك معليش يابية ملفك ناقص طابع دمغة ولا طابع شرطة بجنية ههههههههه. او استمارة ب ٢ جنية تروح تجيبها من البسطة شفت تفاهة في العالم زي تفاهة الدولة عندنا .

**Y a r i s** · 17-11-2012 09:06 PM

طب ماهو على ده الاساس انتا لو رايح لبنان بتدفع برضو تمن الاقامة شيء وشويات. معرفش بقت كام دلوقتي ... ده غير. شوف مصاريفك هتبقى قاااد ايه في لبنان .... وبالدولار ...

بعدين على فكرة احنا عندنا في مصر مشين بالشقلوووب وقفاك من فين يا جحا ... بمعنى لو حد صايع وجي يتفسح في مصر يخش ببلاش ويطلع ببلاش بس لو في مستثمر جي هيفتح مشروع ويشغل. شباب ويعمل استثمار حقيقي. بنحطلووو حبت تعقيدات على شوية عقبات على كام استعلام امني ( وعلى فكرة ؟ مدة الاستعلام الامني غير محددة بس تبتدي بعد ٤٥ يوم اي شهر ونص وطالع )

وشوف التفاهة. والوطينة .... تيجي تروح كاجنبي تطلع بطاقة ضربية استعلام امني تيجي تفتح ملف. لازم استعلام امني واستنى خلصت ده كلوا. وعاوز سجل تجاري استعلام امني .... خلصت الكلام ده كلو وعاوز اقامة لازم استعلام امني. يعني شغلانت علشان بس تحضر ورقك من سنة لسنتين بس علشان. تبتدي تشتغل قانوني في مصر ... طيب لو مش عاوز تشتغل قانوني بتعمل ايه افتح وتوكل على الله ومحدش هيكلمك. اذا عدى عليك موظف البلدية او الحي او الجهاز ٥٠ جنية مرتب كل شهر .... وبتاع الغرفة التجارية المفتش كمان خمسين .... ورستق امورك .طب بلاش كده تعرف يا فندم ان اليافطة المضيئة دي ليها ضريبة بتدفعها ولو برزت بس خمسة سانتي بره بتاخود مخالفة

في مصر كتير اجانب معاهم فلوس .... بيجو ومبيدفعوش فلوس غير في الفنادق والكبيرهات. ولبنات الليل وكلنا عارفينهم .... وبنشوفهم يوماتي .... لكن انهم يدفعوا فلوس للدولة بيدفعوا ملا لليم ..... والمفروض ان في عرف دولي بين الدول اسمها المعاملة بالمثل .... يعني ازاي السعودي يجي مصر من غير كفيل والمصري يروح السعودية لازم كفيل ( المعاملة المفروض تكون بالمثل ). ....
طبعاً مع احترامي الشديد لاخوتنا واهلنا السعودية وللملكة كلها

**Y a r i s** · 17-11-2012 10:31 PM

يا جاسر بيك. يا حبيبي
من حق اي انسان يعترض .... رغم ان مهما اعترضنا هنشرب من البحر بس على الاقل بنفس علي جوانا ... ثم انتا عندك مثلاً مثلا لمن الملك قال هيدفع فلوس لكل مواطن سعودي ٢٠٠٠ ريال شهرياً او حاجة زي كده مش فاكر القرار بالزبط .... تصور ان المكافئات الشهرية دي اثرت على حياة المغتربين هناك .... لان اسعار الاكل والشرب ومستلزمات الحياة ولعت وغليت فاصبح المغترب الي بيقبضوا باليمين بيصرفوا بالشمال .... ثم هما الناس المغتربة دي مش رايحين يتسولوا. لكن بيئدوا خدمة في نظير مقابل مادي. بيحصلوا عليه

وحتى العائد الي بيجي لمصر من فلوس المغتربين. بيرجع تاني للسعودية اضعاف مضاعفة برحلات الحج والعمرة كمان من المصريين على مدار السنة .... ففي حاجة اسمها دورة اقتصادية او تكامل اقتصادي ... وبعدين هيا الشركات والمؤسسات هتدفع ميين من جيبها يعني ماو من فلوس العمال يا هتخصم عليهم يا تزود في الاسعار الخدمة او السعلة الي بتئديها والي بشكل مباشر وغير مباشر المغتربين كمان بيستفيدوا بالسلعة دي او الخدمة وبيدفعوا مقابل ليها. فهمتني يا باشا .... يعني يافرحتي ناس مغنربة هناك. بتقبض قرش. وتصرف قرش ... يبقى هو كسب ايه .... ثم لاتنسى ان المغتربين دول. فاتحين بيوت هنا في مصر وبيساعدوا ناس غيرهم هنا في مصر ده غير الهدايا. الي بيجبوها شيء وشويات للناس الي موجودة في مصر .... واغلبهم مش بس فاتحين بيوت وبيصرفوا على اهاليهم لأ. وكمان انا اعرف ناس كتير. بيبعتوا شهرية لاسر يتامى او ارامل هنا في مصر. قرايبهم من بعيد لبعيد كنوع من الصدقة. .... يعني لك ان تتصور ان اقتصاد مصر. مرتبط باقتصاد السعودية ان بشكل او باخر كلنا كده على بعضينا بربطت المعلم. دولة عربية وحده من اول تونس للجزاير لليبيا لسوريا لبنان للعراق لحتى الصومال .... عندك حادثة صغيرة للقراصنة في الصومال بتاثر على اقتصاد مصر ودخل قناة السويس والبضائع الي رايحه العالم. كلووو انتا عندك ساعت العاصفة بتاعت الاسكندرية حتت باخرة قطعت حتت سلكة. في البحر المتوسط في الاسكندرية النيت اتقطع عن الخليج كلوووووووو ولا ناسي .... فاقل قرار سعودي هيئثر على الاقتصاد المصري .... وبعدين هو المغترب ده الي باين حضرتك معتبروا درجة تانية من السعب المصري .... ماهو لو عرف يجمع قرشين ماهو بينزل مصر يبني عمارة وشوف كام عامل هياكول عيش من ورى المغترب وشوف كام شاب هيتوفرلوا سكن من ورى المغترب المصري. ولا ايه .... وتحياتي

-

-

-

-

الموضوع: السعودية تفرض رسوم جديدة على " الاجانب والعمالة "

LinkBack

أدوات الموضوع

عرض

السعودية تفرض رسوم جديدة على " الاجانب والعمالة " - انشر الموضوع فى :

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة