الموضوع: وهم اسمه التوكيل !!!

معظم الناس بتعتقد ان التوكيل لديه جميع الحلول السحرية لحل جميع مشكلات سيارتك ...
و لكن التجربة أثبتت بالقطع التالي :

طول ما أنت جاي تغير زيت و تربط عفشة فكده إنت حبيبهم و نور عينيهم من جوه ...

طول ما أنت جاي تغسل العربية فأنت ننوس عين بابا ...

لباقة وشياكة في الكلام و يتحركون بمهارة و رشاقة أمام سيارتك ...

تعال بقى للغميق ....

لو حصل عطل خطير بالسيارة محتاج بحث و جهد و عرق ...اتحداك أقول أتحداك إنهم ممكن يوصلوا لسبب العطل ده بسهولة ....
بالعكس ممكن يلبسك في حيطة ...
و الدليل اني كان عندي مشكلة بسيطة جدا في العفشة ...فمهندس الصيانة قالي الاسكاترا عايزة تتغير :)))
مهزلة بكل المقاييس و أثناء مناقشتي له ميل علي أحد العاملين بصوت واطي قائلا ( بشمهندس : فيه عفشجي اسمه علاء حديدة ممكن تروح له و هو هيظبطلك العربية :)))) و قد كان طبعا كل ده ليه علشان بيجيبوا صنايعية نص كم !!!

انا جربتهم في أكتر من موضوع و من حكايات الأصدقاء و الأهل ...خلاصة الموضوع

توكيل يعني

تربيط عفشة
تغيير زيت

و كفى الله المؤمنين شر القتال