الموضوع: عرفتوا لية العضو المبجل Lanso2004 بيجرى بالعربية كدة دة طلع مخاوى جن!!!!!!!

انا ملقتش حتة اكتب فيها الموضوع المريب دة فقولت اكتبة هنا و خلاص

يجماعه من ساعة مشوفت Lanso2005 وكلامة عن العربية الانوس و انا حاسس انى فية حاجة غلط
يؤلك بشد مع bm ولا بيهمة و بيطلع منها و معاه صورة و دلائل طيب لية ياعم يؤلك اصلى مسقط ماتور 1500 توين كام
ههههههههههههههههههههههه
و بفرمل من 190 ل 80 فثوانى
ازاى ياعم
يؤلك اصل انا مغير طنابير
تشوف موتور العربية بتاعتة على الحقيقة تلاقى موتور 127 انضف منة
ياعم دا شايل وش المكنة

واتارية فالاخر طلع من حبيبنا
وحبيت اثبتلكم بالدليل
و على رائى عمر مصطفى
باعترفاتهم

http://www.nilemotors.net/Nile/31921...post3874637631

المشاركة الأصلية كتبت بواسطة lanos2004

انا فضلت عايش عشر سنين فى فيلا مسكونه
المشكله ان كان فيه جنى بيحب واحدة وحشه قوى -اصله مغفل
المهم صديق ليا جه بات عندى اسبوع والبنت دى كانت جارتنا
وقع فى غرامها معرفش ازاى
اول يوم بات عندى كان بيقلى انا حاسس ان فيه حد بيكلمنى وانى مش لوحدى-طبعا انا عارف الى فيها فكبرت دماغى وقلت له تلاقى بس مخك مشغول-
فيه يوم لقيته بيتنفض وبيصرخ وقايم مفزوع وبيقلى كان فيه حد بيحسس على جسمى
المهم هديته وقلت له انته مش هتبطل جنان تعال نام معايا وخلاص
وبعد اليوم دة وقع فى غرام البيت دى وهيه ما صدقت واحد وكمان ظابط جيش ووسيم وقع فى غرلمها
وحصلت مشاكل كتير وكان بيسيب شغله ويجى علشانها -واصلا البنت دى كان سلوكها مش تمام لانها فاقدة الامل فى الجواز فانحرفت
المصيبه لقيته بيقول انه عاوز يتجوزها
-الغريب ان بعد اليوم الى اتفزع فيه بيقه بيعرف حاجات من غير ما حد يقوله عليها-لدرجه انه كان بيعرف انا طابخ ايه ومعايا فلوس كام ومين عندى فى البيت-
طبعا انا قلقت انه يتجوز البنت دى
فقلت له انته يا ممسوس يا مسكون
طبعا مصدقش لانه كان مغيب-وكان مستقبله بيضيع
كلمت حد من اخواته وعرفته الموضوع-وهمه اتصرفوا بس بعد وقت طويل جلسات علاج وحاجات زى كدة-ومنعوة انه يجى البيت عندى تانى او يقابلنى-لحد اما اتجوز وخلف
-الفيلا الى كنت ساكن فيها صحبتها كانت عايشه لوحدها فيها وجناينى
صبحتها اتقتلت ومعرفوش مين قتلها
بعدها الجناينى اتقتل ومعرفوش مين قتله
الورثه
كانوا مبيقدروش يناموا فيها ساعه
مافيش حد جه وسكن فيها اكتر من يوم
انا لما جيت سكنت فيها اول يوم
هيه ليها سلم داخلى وفيه نوم تحت وفوق
انا كنت تحت علشان اكون جنب المطبخ ميه شاى كدة يعنى
بليل الاقى اثاث البيت عمال يتحرك وصوته بيرج الصقف اولع النور واطلع ملقيش حاجه
ادخل الحمام اسمع صوت خافت عمال يقول -احمد---احمد-
اقف فى المطبخ الاقى خبالى بيتحرك قدامى يانهار اسود-صراحه اتخضيت
قمت منور نور الفيلا كلها وطلعت نمت فى الجنيته
والصبح دخلت وشغلت قراءن-بعدها بطلوا ينزلوا تحت ولو طلعت نمت فوق جسمى كله بيتكتف -واحس ان فيه ناس جنبى بس انا مش شايفهم وعنيا تدمع لوحدها
المهم عرفت ان صاحبه البيت كانت بتعذب القطط وتربطهم فى شجرة لحد اما يموتوا وبعدين تدفنهم تحت الشجرة
كان فيه شجرة لمون فى الجنينه -مافيش حد هيصدق انها مكنتش بتطرح لمون الموسم بتاعها وبعد اما ينتهى الموسم الشجرة تزهر وتلاقى فيها الاف اللمون وعندى شهود
المهم فضلت مستحملهم وعشت معاهم وخلاص -اكتر حاجه كانوا بيعملوا يخبوا حاجات منى وارجع الاقيها تانى
الى يصدق يصدق والى ميصدقش ميصدقش
شجرة اللمون دى انا قطعتها لان كل اما ادخل الجنينه لازم الشوك بتاعها يدخل فى جسمى وكان مؤلم جدا-فانتقمت منها -وجبت ليها سماد كيماوى كميه كبيرة جدا وحرقتها بيه ماتت من كترة

لأ و مش كدة و بس
دة الموضوع ابتداة من وهو صغير


http://www.nilemotors.net/Nile/31921...post3874641014

المشاركة الأصلية كتبت بواسطة lanos2004

واحنا صغيرين انا واصحابى كان لعبنا المفضل فى المدافن-الترب القديمه-وكنا بنختبر شجاعه بعض مين الى يدخل تربه مفتوحه ويصرخ فيها
-وكنا بنطلع الجماجم نتفرج عليها واحيانا نلعب بيها ربنا يسامحنى بقه-مكنتش فاهم ان دة حرام
ولو حد يتذكر المخابىء زمن الحروب -كانت مظلمه جدا وكنت بنتحدى بعض مين الى يقدر يدخلها من ناحيه ويطلع من الاخرى-بالداخل ظلام حالك وتجرى تخبط فى الجدران-حاجات معدش لها وجود-
كل دة كان له تاثير فى شخصيتى انى مخفش من شويه عفاريت-يا انا يا همه-والحمد لله عشت معاهم فى سلام
بس اى حد كان بيجلى كان بيحس برهبه من المكان وكتير قالولى انته معاك عفاريت-وانا اضحك طبعا واضيع الموضوع
وكتير اصحابى الاقى الى بيقلى حاسس ان جسمى فيه قشعريرة اقوله روح صلى هتبقه كويس
قصص انتهت -وراحت لحالها

و لا تؤلى SIR و لا عربية متربنة

حتى عفرية صغير كدة يقوم بالواجب

ههههههههههههههههههههههههه هههه


بس و حياة ابوك انا كنت بفكر اسقط ماتور فاليارس فكدة مش محتاجة
عايز اتنين واحد يثبت العربية و التانية ينفخ ففلتر الهوا و خلاص
ههههههههههههههههههههههههه

و هل فى خصم على استكير نايل موتورز ولا لأ ممكن نكلم كريم و نعمل ديل مع عفاريتك الاسبور

ههههههههههههههههههههه

مستنين عروضك

حبيبى يا بوحميد طبعا انا بهزر