هل فيه وحدة غلق لقفل فتحة السقف مع الريموت

**freeman207** · 19-11-2012 01:48 AM

طبعا العنوان باين انا معايا النترا 2012 وعايز اركب وحدة غلق لفتحة السقف مع ريموت الانذار زى وحدة رفع زجاج الكهرباء اللى انا مركبها
ع
ايز اعرف منين وبكام ولو حد مركبها ياريت يحكيلنا

**salah_86** · 19-11-2012 03:35 AM

انا معنديش فكرة عن الموضوع دا بس الفكرة جامدة جدا

**Optiplex** · 19-11-2012 03:55 AM

بصى يا سيدى خلى الراجل الى ركبللك وحدة الرفع هو الى يعمل الموضوع دة كانت متركبة عالعربية عندى جاية معاها كدة بس افتكر الموضوع مش صعب

**al_manara** · 19-11-2012 04:35 AM

بيركب عليها وحدة رفع الزجاج .

**egyptodentist** · 19-11-2012 09:04 PM

بص حضرتك:::::وحدة الرفع غالبا بتكون اربع مخارج بس في حاجات بتكون 5 مخرج و دي مخصصة لفتحة السقف.......ممكن تشوف الهربائي اللي ركبلك وحدة الرفع يشتري منك الحدة ال4 طرف اللي عندك وتدور علي حاجة 5 طرف او ممكن ودي الحل الاسهل تشتري وحدة رفع 2 طرف فقط والحل ده اسهل واسرع في التركيب عشان ال5 طرف هتحتاج تمد سلك زيادة من الباب الي وحدة التحكم في فتحة السقف فخليك في الوحدة ال2 طرف عشان تتثبت في التابلوه وتاخد تغذية من جهاز الانذار مباشرة وتبقي قريبة علي زرار فتحتة السقف وهوقلك علي حاجة كمان هتعجبك خالص لو عندك مرايات ضم ممكن توصل المخرج التاني بتاع الوحدة ال2 طرف علي كاتوت زرار الضم وبكه لما تقفل العربية بالريموت كله هيقفل زجاج وفتحة سقف ومرايات .......وموفق بأذن الله

**freeman207** · 19-11-2012 10:18 PM

المشاركة الأصلية كتبت بواسطة optiplex

بصى يا سيدى خلى الراجل الى ركبللك وحدة الرفع هو الى يعمل الموضوع دة كانت متركبة عالعربية عندى جاية معاها كدة بس افتكر الموضوع مش صعب

شكرا على ردك الكريم يعنى الموضوع عادى مش صعب طيب حضرتك عربيتك نوعها ايه؟

**freeman207** · 19-11-2012 10:24 PM

المشاركة الأصلية كتبت بواسطة egyptodentist

بص حضرتك:::::وحدة الرفع غالبا بتكون اربع مخارج بس في حاجات بتكون 5 مخرج و دي مخصصة لفتحة السقف.......ممكن تشوف الهربائي اللي ركبلك وحدة الرفع يشتري منك الحدة ال4 طرف اللي عندك وتدور علي حاجة 5 طرف او ممكن ودي الحل الاسهل تشتري وحدة رفع 2 طرف فقط والحل ده اسهل واسرع في التركيب عشان ال5 طرف هتحتاج تمد سلك زيادة من الباب الي وحدة التحكم في فتحة السقف فخليك في الوحدة ال2 طرف عشان تتثبت في التابلوه وتاخد تغذية من جهاز الانذار مباشرة وتبقي قريبة علي زرار فتحتة السقف وهوقلك علي حاجة كمان هتعجبك خالص لو عندك مرايات ضم ممكن توصل المخرج التاني بتاع الوحدة ال2 طرف علي كاتوت زرار الضم وبكه لما تقفل العربية بالريموت كله هيقفل زجاج وفتحة سقف ومرايات .......وموفق بأذن الله

شكرا على ردك ياباشا وربنا يخليك انا هسال الكهربائى بكرة وربنا يسهل