كام مرة حد وقفك في الشارع وسألك على العربية؟

**ahmed_m_ashraf** · 19-11-2012 04:30 PM

أنا عن نفسي حصلت معايا مرتين، مره واحد راكب أوبل كورسا سيدان (موديل قديم)، والثاني راكب رجليه.

أول ما بيدخل عليك ويقولك "لوسمحت من فضلكم ..." بيتهيألك إن بقيت الجملة هتبقى "أنا مش من هنا وفلوسي ضاعت و .. إلخ إلخ" (اليومين دول ناس شكلها نضيف بتعمل الحركات دي، والله أعلم ممكن يكون فيهم حد صادق)، تلاقيه بيقولك "العربية عاملة معاك إيه؟ ... إلخ".

بصراحة بحس بإنشكاح هههه، نفس الإحساس إللي كان بيجيلي أيام المازدا لما كنت ببقى غاسلها تلاقي كذا واحد يوقفك ويسألك لو كنت بتبيع ههههه.

كام مره حصلت إن واحد متعرفهوش وقفك سألك على العربية؟؟

**wassim_nasser** · 19-11-2012 05:02 PM

كتييير فوق ال 5 مرات .. اللي راكب لانوس واللي راكب لادا واللي راكب دماغه .. كل اللي نفسه يغير بيشوف اللوجان اول اوبشن قصاده .. عشان احسن امكانيات بالسعر ده وشكلها ظريف تحسها مدملكة و فوق ده و ده اسمك راكب رينو .. و اهم حاجه يسألك عليها التسارع والاتزان .. بعد ما سوقت الفيرنا و الاكسنت حسيت بفرق جامد ف راحه الصالون والثبات عشان كده باشكر ربنا انها اول عربية ليا

**amr.elsayed** · 19-11-2012 05:21 PM

انا بالنسبة لى ناس كتير جدا .. لان جاه عليا وقت فى 2010 كانت العربية لسة ما انتشرتش زى دلوقتى
فكنت كل ما اقف الاقى واحد داخل عليا والسلام عليكم والسؤال المعروف
عاملة ايه معاك ؟؟
وتقوم انت تقول عاملة ايه معاك
وبعديها عينه تبربش وتبرق
وبعدها على طول تلبس فى اى مطب او طوبة ههههه
علشان كدة حاليا اللى بيسالنى عاملة ايه بقوله عربية بنت تيييييييييت وبعد كدة ابقى اعتذر براحتك للعربية
ومعلش يا لوجى ماتزعليش وهاتلها معطرين وعدى يا ليلة

**Abu_Omar1** · 19-11-2012 06:27 PM

هيا فعلا بتلفت نظر الناس اللى بيفكرو فى رنج السعر بتاعها

**gebreel** · 19-11-2012 08:26 PM

انا شخصيا في 2009 عملت كدة مع اللي معاه الروماني بتاع مرتين و حصلت معايا بردو كثير بس مؤخرا كنت واقف جنبيها و واحد جه اتكلم معايا عليها و سألني مرايات ضم ولا لأ و البلوتوث اخبارو ايه و كلام من ده حسسني ان الراجل كمان مدي العربية كماليات فوق كمالياتها و كان عمال يقنع ابنو بيها علشان يجيبها =)

**أبو آسر** · 20-11-2012 03:41 AM

أنا أول ما طلعت بالعربية من المعرض مفيش 20 متر لقيت واحد معاه أفيو بيسألني عليها فقلتله أنا لسة شاريها حاااااالا بس أسمع عنها خير يعني فقعد يشتكيلي من الأفيو وقالي عايز يبيعها ويجيب لوجي