الموضوع: معلومات مهمه عند تنظيف الموتور بالفلاش انظر الصوره

السلام عليكم ورحمه الله وبركاته
بعد موضوعى السابق عن تشخيص خاطئ لضروره تغيير علبه الدركسيون للسسنا 1400 على الرابط ده
http://www.nilemotors.net/Nile/319613-1400.html
و نظرا لانى وفرت شويه من تمن العلبه بعد التشخيص الخاطئ جه فى بالى اغير الزيت بتاع العربيه لانه ماشى 5500 كلم تقريبا و الاصول اغيره فقررت بعد الكشف على العربيه ان جوان الكرتيره عاوز يتغير و كمان جوان غطاء التاكيهات بالمره و قلت اعمل التالى:-
1/ تنظيف الموتور بفلاش من ليكومولى
2/ اضافه زيت جديد 20/50 ليكومولى ل 5000 كلم
3/ اضافه السيراتيك - بيضاف كل 50000 كلم .
4/ عمل سيرفيس فلاتر هواء و بوجيهات و بنزين و خلافه

و بعد ما عملت علبه الدركسيون عند محمد ابو عبود - السورى - الله يكرمه اطمنت له خصوصا بعد ما شفت حرغيته فى الفك و التقفيل و التنظيف - المهم استعنا بالله وبدات بالتالى
1/ سالت على الزيت و الفلاش عند موزع ليكوى مولى - فورد - بشارع دمشق لقيت
1/ الزيت ب 135 تقريبا- السيراتيك ب 130 جم لمده 50000 كلم - الفلاش ب 30 جم تقريبا
الصور
ترشيح الزيت من الجوان و الطبه


و الكرتير بعد الفك و التنظيف

و دى بعد تنظيف قلب الموتور من تحت و تنظيف صفايه الزيت و الغريب انه كان هناك بعض الشوائب بالرغم انى بغير الزيت فى مواعيده - ماشى 126000 كلم - بس الحمد لله











ودى مجموعه الزيت

اكثر وضوحا

المشكله اللى عاوز انبه عليها الزملاء
و انا بسال الموزع على الفلاش قالى التعليمات بتقول ان
1/ نحط الفلش على الزيت القديم و ندور لمده 8 الى 10 دقائق ثم نصفى و نضيف الزيت الجديد و الفنتر اى الفلتر
2/ لما عملت كده و ضفت الفلش لمده 8 دقائق فكييت الكرتيره و نظفت من تحت كويس و ركبت الجوان الاصلى من اوماترا ب 56 جم تقريبا و كله تمام
جيت افك غطاء التاكيهات علشان فى نيتى اغير الجوان بالمره لقيت المنظر ده

و ده


وده بسبب ان الموتور عندى مايل و بالتالى لسه فيه حوالى 1/4 لتر من الزيت القديم و الفلش
المشكله فى الفلش لانه بيذيب الكربون و المواد الصمغيه و بالتالى ال 1/4 لتر اللى متجمعين بيضافو على الزيت الجديد و منخدش حسابهم يعنى الموتور فيه زيت زيت زياده ده اولا
ثانيا المواد المذيبه اللى بالفلاش هنمشلى بيها 5000 كلم - من وجهه نظرى - خطا كبير
العمل ايه
الاختراع ابة 2 جم

سرنجه من الصيدليه و خرطوم و قعدنا نشفط الزيت و ننظف و ده الشكل بعد التنظيف

و بعد كده تم تركيب وش التاكيهات بعد تنظيفه كالتالى


حطيت شويه زيت بعدين 250 ملم سيراتك من اصل 300 ملم
( احتفظت بيهم للفتيس و خزنه الباور ) و بعدين كملت الزيت حيسب الموصى به

و بعد كده الاطمئنان على اى تسريب و تنظيف الوش

و الحمد لله رب العالمين

التوصيه :-
1/ عند اضافه الفلش للمواتير الراسيه ( القديمه نسبيا ) لا ضرر لان مافيش حاجه هتتجمع تحت غطا التاكيهات
2/ المواتير الحديثه - راى الشخصى - بعد تصفيه الزيت من تحت - يتم استخدام الشفاط الهوائى بتاع الزيت فى فتحه ملو الزيت للاحتياط و شفط كل الفلاش الموجود
3/ او نخلى موضوع الفلش ده عند تغيير جوان الكرتير و التاكيهات زى ما عملت كده
4/ اللى شجعن على الفك و التركيب الاسطى محمد ابو عبود السورى - متخصص بروتون و كيا
فاهم و امين و دماغه ذاكره اليكترونيه المسمار اللى بيتفك بوردته بسلاطاته ببابا غنوجه فى مكانه عند التركيب .
ارجو انى اكون افدتكم و هاجرب و ابلغكوا

تحياتى ..