اكتر حاجه ندمت على شرائها

**Ahmed_Adham** · 20-11-2012 01:13 AM

ايه أكتر حاجه ندمتو انكو اشتريتوها؟ حاجه طلعت مقلب وأقل من كتير من توقعاتك منها؟

أنا اشتريت حاجتين فاشلين.

مكنسه عربيه بلاك أند ديكر. قوه شفط زي الزفت وملهاش أي لازمه وتمنها كان 250 جنيه.

جريل كهربا كينوود. الكفته فيها طعمها مش حلو خالص. عامله زي اللحمه المسلوقه كده. دي كان تمنها 450 تقريبا.

يلا نعمل ليسته بالحاجات المقلب عشان محدش يدبس فيها.

**HOSSAM99** · 20-11-2012 01:26 AM

غطا عربيه من كام يوم
كان بـ90 جنيه و كنت مشتريه مؤقتاً لكن متوقعتش منه كده
أولا هو صيني درجه 99
ثانيا تيجي تشده من حته يتقطع و يتحول لحاجه أشبه بغزل البنات
الغطا لونه سماوي ووتر بروف (كاذب) و بيتباع في شارع زكي في التوفيقيه في شنطه بسوسته من نفس الخامه

العيب مش علي البياع و لا المستورد و لا اللي صنع العيب علي اللي أشتري غطا بـ90 و فاكره زي أبو 600

الصراحه دي أكثر حاجه فاكرها

**s0144862631** · 20-11-2012 01:58 AM

اي حاجه صيني رخيصه بتبقى مقلب

**Khaled Online** · 20-11-2012 02:16 AM

حلو الموضوع
آخر حاجة مقلب كانت الراوتر. سألت الناس في المول أنهي أحسن نوع قالولي Cisco-LinkSys
جبته ب450 جنيه
الحمدلله باز بعدها ب15 يوم
رحت صلحته في الضمان وباز بعديها بيوم
رحت غيرته في الضمان والبديل فضل يتهته بتاع 3 أسابيع لغاية ما زهقت ومستحمله على عيبه
بلاش تجيبوه خالص

دي من أكتر الحاجات اللي بتحرق دمي في البلد دي..تشتري أغلى حاجة وبرضه تطلع معيوبة وخامات تعبانة

الله يرحم الراوتر القديم. كان 3com وفضل شغال 6 سنين زي الحصان مفيش مرة واحدة فصل أو سخن

**amr2008mero** · 20-11-2012 02:20 AM

الحمد لله معايا لوجان جديدة

وقبل مبشترى بسال كذا واحد لعدم الندم

موضوع شيق

**samoreception** · 20-11-2012 03:31 AM

المشاركة الأصلية كتبت بواسطة ahmed_adham

ايه أكتر حاجه ندمتو انكو اشتريتوها؟ حاجه طلعت مقلف وأقل من كتير من توقعاتك منها؟

أنا اشتريت حاجتين فاشلين.

مكنسه عربيه بلاك أند ديكر. قوه شفط زي الزفت وملهاش أي لازمه وتمنها كان 250 جنيه.

جريل كهربا كينوود. الكفته فيها طعمها مش حلو خالص. عامله زي اللحمه المسلوقه كده. دي كان تمنها 450 تقريبا.

يلا نعمل ليسته بالحاجات المقلب عشان محدش يدبس فيها.

بعد اذنك لانى لسه مشترى مكنسة العربية بلاك اند ديكر ولسه مستخدمتهاش وهى بنفس السعر بس انا جايبها من دبى فعاوز اتاكد ديه نفس اللى معايا ولا لاء
هى لونها اسود فى برتقالى والشفاط بتاعها اللى قدام بيلف 180 درجة لفوق ولتحت
ارجو سرعة الرد علشان لو كده الحق ارجعها وشكراااا للافادة

**Ahmed_Adham** · 20-11-2012 03:39 AM

المشاركة الأصلية كتبت بواسطة samoreception

بعد اذنك لانى لسه مشترى مكنسة العربية بلاك اند ديكر ولسه مستخدمتهاش وهى بنفس السعر بس انا جايبها من دبى فعاوز اتاكد ديه نفس اللى معايا ولا لاء
هى لونها اسود فى برتقالى والشفاط بتاعها اللى قدام بيلف 180 درجة لفوق ولتحت
ارجو سرعة الرد علشان لو كده الحق ارجعها وشكراااا للافادة

هيه بنت التيت.

**أحمد كوجار** · 20-11-2012 03:40 AM

شاحن لبطارية السيارة بـ250 جنية، بيتشحن على الكهربا في البيت ويشتغل بدون سلك، مخلاش العربية نطقت حتى، بس ممكن تشغل بيه اي جهاز تاني 12 فولت الإ العربية اللي أنا اشتريته عشانها.

**khaled_bibo** · 20-11-2012 04:34 AM

غريبة مع ان عندي المكنسه ديه و جايبها من السعودية و شغال زي الفل اتاكد بس انك مركب الخرطوم صح

Sent from my GT-S5670 using Forum Runner

**Fouad Ezz** · 20-11-2012 04:59 AM

usb modem Etisalat ... كانت كابلات التليفون مقطوعة ونزلت إشتريته وخدت باقة 90 ج فى الشهر على أساس إنة يبقى طلقة .... روحت البيت .. ما شتغلش ... روحت مكتب إتصالات إشتغل طلقة .. وفضلت رايح جاي لمدة 14 يوم والمشكلة بدون حل ... رميته فى الدرج

الموضوع: اكتر حاجه ندمت على شرائها

LinkBack

أدوات الموضوع

عرض

-

-

-

-

المواضيع المتشابهه

استطلاع. ايه اكتر حاجه تميز عربيتك عن غيرها فى وجهه نظرك

قول ايه اكتر حاجه بتضايقك من اللى ماشى جمبك

ابه اكتر حاجه تزعلك من شخص انت بتحبه

اكتر حاجه ضايقتني في الصني

ايه اكتر حاجه عجباكم واكتر حاجه بتكرهوها وأرفاكم في الانوس

الكلمات الدلالية لهذا الموضوع

المفضلات

المفضلات

ضوابط المشاركة