الموضوع: الرخصة ضاعت و عاوز اجدد

المشاركة الأصلية كتبت بواسطة semi

اولا هو مفيش حاجه اسمها شهر سماح ولا في حاجه اسمها ضريبة وتلت
ثانيا المحضر عشان تكون مأمن نفسك في حالة ضياع الرخصة وتقع في ايد حد يعمل بها حاجه
ثالثا بتروح المرور وبتحاول تطلع بدل فاقد بس موضوع ان رخصتك منتهية مش عارف بصراحة
وغالبا لو رخصتك بأسمك هتطلعلك عادي

الرخصة انتهت خلاص والشهر دة لدفع الضريبة ولو اتأخرت عنة كمان ادفع تلت ضريبة غرامة
ثانيا الرخصة خلاص منتهية وكمان عندى فحص فابدل الفاقد مالوش لزمة ...بس علشان ادفع الضريبة واعمل شهادة المخالفات لازم يشوفوا الرخصة فهل المحضر كفاية ولا ها يطلبوا شهادة بيانات؟؟؟

المشاركة الأصلية كتبت بواسطة semi

اولا هو مفيش حاجه اسمها شهر سماح ولا في حاجه اسمها ضريبة وتلت
ثانيا المحضر عشان تكون مأمن نفسك في حالة ضياع الرخصة وتقع في ايد حد يعمل بها حاجه
ثالثا بتروح المرور وبتحاول تطلع بدل فاقد بس موضوع ان رخصتك منتهية مش عارف بصراحة
وغالبا لو رخصتك بأسمك هتطلعلك عادي

السلام عليكم
باشا عن تجربه شخصيه فى حاجه اسمها فتره سماح
بس الناس فهما ان السماح فى انك تمشى بالعربيه عادى
بعنى ان لو الرخصه نهايتها 20/11 واتمسكت من ظابط فى الشارع يوم 21/11 الرخص هتتسحب ويتعملك مخالفه
اماالشهر السماح ده بيكون فى عدم الغرامه
والغرامه فى المرور هى عدم احتساب الغرامه على الضريبه وبتكون الضريبه وثلث
على فكره ده بيبقى رقم صعير جدا عشان مش بيتحسب على اجمالى تكلفه التجديد بيتحسب على الضريبه بس

انا عارف ان كلامى مالوش دعوة بالموضوع بس انا عايز استفسر عن ان رخضة القيادة الخاصة بى ضاعت و مش لاقيها خالص
و هى هتنتهى فى شهر 9/2013 يعنى لسة قدمها 10 شهور , عملت محضر فى القسم بس مش عارف هعمل اية مع المرور
هل هطلع واحدة جديدة ولا هطلع بدل فاقد , طيب البدل فاقد دا هيطلع لمدة 7 سنين ولا 9 شهور ,
مش عارف ياريت حد يفيدنى و على فكرة اانا مرور السلام للاسف

أنت تنجز وقتك بقي عشان متدخلش في ضريبة وتلت
اعتقد والله أعلم انا حصل معايا موضوعك الرخصة ضاعت وكانت منتهية بس كنت طلعت شهادة بيانات
اول خطوة المحضر واعتقد بيطلبوا شهادة بيانات بس عموما روح شوف لان كدا كدا لازم تعمل محضر بدل فاقد في دائرة القسم اللي انت شايف انها ضاعت منك
ولو عرفت أمين هناك اديلة 20 جنية يعملهولك وانت واقف وتمشي
تاني خطوة هتروح المرور هيقولك تعلالي بعد أسبوع عشان يتأكد انها مش مسحوبة منك !!
تالت خطوة هتروح بعد أسبوع او 10 أيام هيتختملك علي المحضر من الوحدة بتاعت سحب الرخص يأكد انها مش مسحوبة وهتطلع بقي تجيب ملفات تجديد الترخيص عادي الاستمارة 351 و الدمغة والليلة بتاعت تجديد الترخيص كلها
المحضر مهم جدا وأهميته أنه هيدبس في ملفك بدل الرخصة الضايعة عشان يبقي في تسلسل لرخصة العربية
فعشان كدا بقولك انجز وقتك عشان لما الموظف هيجي يشوف التاريخ ويقولك انت عديت الشهر السماح هيدفعك ضريبة وتلت وملوش في قصة المحضر والاسبوع والكلام دا
وانت بتقول انت عدي أسبوعين من نهاية الرخصة فاأبدأ من بكرة قصة المحضر

المشاركة الأصلية كتبت بواسطة wael_kamel

السلام عليكم
باشا عن تجربه شخصيه فى حاجه اسمها فتره سماح
بس الناس فهما ان السماح فى انك تمشى بالعربيه عادى
بعنى ان لو الرخصه نهايتها 20/11 واتمسكت من ظابط فى الشارع يوم 21/11 الرخص هتتسحب ويتعملك مخالفه
اماالشهر السماح ده بيكون فى عدم الغرامه
والغرامه فى المرور هى عدم احتساب الغرامه على الضريبه وبتكون الضريبه وثلث
على فكره ده بيبقى رقم صعير جدا عشان مش بيتحسب على اجمالى تكلفه التجديد بيتحسب على الضريبه بس

+1

المشاركة الأصلية كتبت بواسطة aly_moh

انا عارف ان كلامى مالوش دعوة بالموضوع بس انا عايز استفسر عن ان رخضة القيادة الخاصة بى ضاعت و مش لاقيها خالص
و هى هتنتهى فى شهر 9/2013 يعنى لسة قدمها 10 شهور , عملت محضر فى القسم بس مش عارف هعمل اية مع المرور
هل هطلع واحدة جديدة ولا هطلع بدل فاقد , طيب البدل فاقد دا هيطلع لمدة 7 سنين ولا 9 شهور ,
مش عارف ياريت حد يفيدنى و على فكرة اانا مرور السلام للاسف

انا مش عارف بس غالبا هاتبقى زى البطاقة كدة لما بتعمل بدل فاقد بتطلع ب 7 سنين
وغالبا رخصة السواقة 10 سنين مش 7