الموضوع: مقارنة سيارات قديمة شوية و ارجو الافادة عنها

الشاهين افضل حاجة في المعروض و طبعا لو دوجان هاتبقى احسن
لكن ممكن حضرتك تدور على 504 في حدود 25 هتلاقي و طبعا دي افضل في كل حاجة تقريبا ما عدا قطع الغيار

انا هتكلم عن السيات الأبيزا فقط لإنها كانت معايا وأكيد اللى هقوله نابع عن تجربة شخصية ... كان معايا ابيزا 1300 سي سي كربراتير موديل 94 ... كانت مكيفة - بإختصار الابيزا عليها ثبات خراااااااافي ع الطريق مهما كانت حالة الطريق أو سرعتك ... تصلح للخدمة الشاقة والسفر .. لم تواجهني أعطال كبيرة معاها ... قطع الغيار متوفرة وسعرها عادي جداااا مش زي السمعة السلبية المشهورة إن قطع غيارها غالية ونادرة ... اى حد يقدر يشتغل فيها لإن مفيهاش ميكانيكا معقدة ... ولكن اهم حاجة الحالة ثم الحالة ثم الحااااااالة ... ممكن تجيب ابيزا تكرهك ف اليوم اللى فكرت فيه تركب عربيات اساسا ... وممكن ابيزا تانية تخليك تمسك فيها ومستحيل تبيعها مهما اتعرض عليك فلوس ... الحالة هي المقياس ف النهاية ... ولكن إجمالا هي عربية عملية وتتحمل من 4 لـ 5 أفراد بداخلها ومتبقاش واطية ع الارض ... اداء الموتور مع التكييف كان جيد جداا ومش ضعيف وخصوصا ع السرعات العالية ... تنفع للسفر بس مع الصيانة الدورية والأهتمام بحالتها ...

السويفت جربتها قبل كده ... ثبات ف الضياع وحسيت انها بتعوم ع الطريق ... منصحكش بيها ف حالة السفر والمسافات الطويلة ولكنها ممتازة جداااا كسيارة داخل المدينة وعملية اوووي.

الريجاتا والـ 131 و 132 عربيات قديمة جدا ومهما كانت حالتها هتواجهك فيها أعطال ولا أنصحك بيها سواء داخل او خارج المدينة ... اللى هتدفعه ف صيانتها هو نفس فرق السعر بينها وبين عربية موديل أحدث بحالة أفضل.

المشاركة الأصلية كتبت بواسطة hugan

شوف الشاهين فيها اكتر من فئه
نبتدي من الاول
من92 الي 96 ودي تعتبر هي ال 31 بس مغيرين الشكل نفس الموتورالقديم الاسود بتاع ال 31 صوره طبق الاصل
اسبراتير عادي وكربارتير عادي
ودي انا ما بحبهاش
الموديل الافضل في وجهه نظر ي
من 97 الي 99 موتور 1400 سي سي معدل لانشيا كرباتير بك كهرباء واسبراتير الكتروني وتاكيهات اطباق مش شواكيش زي الموديل الاسبق انضف الات جر كرونا نزلت فيهم
واستمر الموديل ده من 2000 الي 2005 لكن زاد عليه باور وتكيييف معقول وكويس لكن الكرونه بتاعته تعبانه لكن تغييرها بحاجه نضيفه سهل
من 2005 تحولت الشاهين الي انجيكشن وتم الغاء الكربرا تير لكن حتي الناس اللي بتشتري انجيكشن بتحول لكربرايتر
رائي حسب المبلغ المتاح معاك خليك في 97 الي 99 علشان تستفاد بالموتور المعدل لانهناعم وسحبه ممتاز وصوته اقل من الموديل السابق
الدوجان افضل طبعا خصوصا لو تقفيل تركي
فرش الابواب افضل من ال 1600 المصري وقفيل انضف وموتور اقوي 1600
اما الادا
ربنا يجعل كلامنا خفيف عليها
وبس

انا بشكرك جدا وبشكر كل من رد على موضوعي و افاد بالمعلومات الجميلة دي
وجزاك الله خيرا

المشاركة الأصلية كتبت بواسطة hugan

شوف الشاهين فيها اكتر من فئه
نبتدي من الاول
من92 الي 96 ودي تعتبر هي ال 31 بس مغيرين الشكل نفس الموتورالقديم الاسود بتاع ال 31 صوره طبق الاصل
اسبراتير عادي وكربارتير عادي
ودي انا ما بحبهاش
الموديل الافضل في وجهه نظر ي
من 97 الي 99 موتور 1400 سي سي معدل لانشيا كرباتير بك كهرباء واسبراتير الكتروني وتاكيهات اطباق مش شواكيش زي الموديل الاسبق انضف الات جر كرونا نزلت فيهم
واستمر الموديل ده من 2000 الي 2005 لكن زاد عليه باور وتكيييف معقول وكويس لكن الكرونه بتاعته تعبانه لكن تغييرها بحاجه نضيفه سهل
من 2005 تحولت الشاهين الي انجيكشن وتم الغاء الكربرا تير لكن حتي الناس اللي بتشتري انجيكشن بتحول لكربرايتر
رائي حسب المبلغ المتاح معاك خليك في 97 الي 99 علشان تستفاد بالموتور المعدل لانهناعم وسحبه ممتاز وصوته اقل من الموديل السابق
الدوجان افضل طبعا خصوصا لو تقفيل تركي
فرش الابواب افضل من ال 1600 المصري وقفيل انضف وموتور اقوي 1600
اما الادا
ربنا يجعل كلامنا خفيف عليها
وبس

طب حضرتك الموديل من 92 الى 96 ده ايه عيوبه اصل موديل 97 الى 99 غالي عليا اوي يعني فوق ال25 و بيقرب على ال30000 جنيه فلو ده ما فيهوش عيوب كتير و ممكن تداوى يبقى اجيب حاجة موديل 96 تكون حالتها كويسة كده ولا انت ايه رائيك؟؟؟