السلام عليكم
انا معايا ايفو 2011
عندي مشكلة في الازاز الامامي للعربية...طوبة صغيرة من عربية نقل خبطت فيه و اتكسر
الكلام ده من 6 شهور..كان شرخ صغير و بعد اسبوع زاد شوية
رحت عند واحد بتاع ازاز و كنت هاصلحه بس كان عند زحمة و انا كسلت بعد كده خصوصا ان الشرخ فضل حجمه ثابت

من اسبوع لاحظت ان الشرخ زاد تاني
كلمت أوماترا عشان صيانة ال 40 الف و قلت بالمرة أغير الازاز و اريح دماغي...ثمنه في التوكيل 2150 +10% ضريبة يعني 2350 جنيه...طبعا غالي جدا بس قلت أغيره و خلاص...المشكلة انهم قالولي العربية لازم تبات عشان الازاز لازم يتساب 8 ساعات ينشف...صعب قوي اسيب العربية عندهم اليومين دول عشان محتاجها كل يوم
ايه رأيكم اروح لحد بيصلح شروخ و خلاص
الراجل اللي رحتله اول مرة قالي ان التصليح بيخفي الكسر بنسبة 60% و بيمنع زيادته..بس قالي كل ما يكون بدري يكون احسن..الكسر بقاله 6 شهور دلوقتي..حد عنده فكرة عن الموضوع ده؟

دي رسم للكسر..الشرخ اللي بالاحمر هو الزيادة اللي بقالها اسبوع