تربو ده يا كابتين ؟!

**Eng.Geo** · 21-11-2012 11:54 PM

حبايبنا بتوع الفيرنا
كل ما أبطل جري وأحترم نفسي ألاقي حد يسخنني .... انا هبطل يعني هبطل
بس قبل ما أبطل أحكيلكوا عاللي حصل النهاردة
علي غير العادة .... شارع بورسعيد الساعة واحدة تقريبا وكان الطريق مش زحمة خالص
ماشي عالشمال هادي والاقي فيرنا شبط ورايا وهاتك يا كلاكسات ... جيت يمين شوية أوسعله
لقيته طار من جنبي
قلت وربنا من سايبه .... مش عارف سخنت ليه ! .... انا عارف الفيرنا كويس
طلعت وراه اخد الغرزة زي ما بياخدها ولازق فيه ومش عايز أطلع جنبه وهو فاكر اني مش عارف أحصله .... كنت بوقعه في الرزيلة
جاب أخره .... المجنون جاب 130 !
نزلنا في السرعة شوية لغاية 100
شوية وجاب أخره سرعة قلت أخلص عليه بالضربة القاضية :D
جيت علي شماله وسقطت للتاني وطلعت منه طلعة ( عنيفة ) ..... حلوة عنيفة ده :D
الكلام ده كان جنب ترعة الأسماعيلية
أقف عند كل مطب وهو ييجي جري يفضل يكلكس وياخد المطب جامد وانا أسيبه أطلع :D
لغاية ما هديت قريب من مسطرد وفتحت الشباك أشوف ماله :D
كانت المفاجأة سؤاله !
تربو ده يا كابتين ؟!
قلتله لأ ... هي النوبيرا كدة
كل اللي شوفته علي وشه علامات حسرة
ههههههههههههههههههههههههه هههههههه
كمل الطريق ماشي زي المسطرة مخدش غرزة ولا حتي سمعت موتورة اللي كان هينفجر من شوية
هو ليه في ناس بتعمل كدة ؟
شكله لا كان مستعجل ولا أي حاجة !
ماشي يلعب بعربية في وسط شارع حيوي
ربنا يهدينا بقي ومانسخنش علي حد تاني