الحمد الله استلمت الاوبترا وعليز شوية حاجات منكم بس مهمة

**ooooosooooo** · 22-11-2012 03:53 AM

السلام عليكم يارجالة ....
الحمد الله اسلمت سيارتى الاوبترا وهيا مستعملة طبعا وكنت عاريز اعرف منكم اروح للتوكيل وهو يكشف ويقولى العربية محتاجة اية يتغير فيها يعنى زيت فتيس الاوتوماتيك والسيور والفلاتر ولا اية رايئيكم اروح لمكانيكى عادى انا اعرف مكانيكى شاطر وعايز اعرف منكم لو غيرت زيت الفتيس الاوتوماتيك اية هوة افضل زيت للفتيس وافضل زيت للموتور هل موبيل وعايز اعملها فرش جلد عايز اعرف بردة بيتكلف كام وهل اجيبة جاهز ولا اروح لسروجى انا لقيتة جاهز النهاردة 600 جنية وناس قالتلى دا غالى وعايز بردة اغير الكاسيت واجيب بايونير 6050 اية رائيكم ياجماعة فى انتظاركم وانتظار ردكم

**HAITHAM1985** · 22-11-2012 07:39 AM

سيستم الصيانة ده أمر مفروووغ منه سيور وفلاتر ...... زيت الفتيس شوف مقياسه أد إيه وزوده لو أنت مانوال أما لو أوتو يبقى غيره أحسن ....... إيااااااااك تحط موبيل للمكنه حط كاسترول أو ليوكى مولى أو فيسكو أو على الأقل شل ......... أنا ندماااان على الموبيل 1 اللى أنا حطه فى العربية والمشكلة إنه 10000 كماااااان ....... الفرش أنصحك ترووووح لجينز كار ........ بالنسبة للكاسيت أرشحلك سونى 700 مع سماعتين jbl 300 وات

ومليوووووووون مبرووووووك

**ahmedteam** · 22-11-2012 09:52 AM

الف مبروك على العربيه و ربنا يديك خيرها و يكفيك شرها

عندى سؤال لو مش هايديقك علشان عايز اغير لاوبترا اوتوماتيك

ممكن اعرف رينجاتها ايه فى الاسعار شرط الحاله فابريكه بالكامل عداد كم اقل من 50 الف

**tarek_2005** · 22-11-2012 10:29 AM

مبروك علي السيارة
وربنا يكفيك شرها ويمتعك بخيرها

**Hosam_Optrawy** · 22-11-2012 12:43 PM

الف مبروك ربنا يباركلك فيها ويكفيك شرها

العربيه ماشيه كام كيلو وعامله الصيانات فى مواعيدها ولا لأ عشان نقدر نقولك هى محتاجه ايه حاليا

الفرش عند جينز كار بس عشان تجيب حاجه حلوه مش اقل من 1000 جنيه على ما اعتقد روح وشوف الانواع اللى عنده

السى دى روح مثلا عند ادريان وشوف اللى عنده ايه

**Hosam_Optrawy** · 23-11-2012 12:11 PM

المشاركة الأصلية كتبت بواسطة ooooosooooo

الف شكر لكل الى رد وادانى النصيحة وبالنسبة لرنج السيارة انا سيارتى موديل 2006 خليجى ماشية 105 الف وكانت عاملة 65000 الف

طب اخر صيانة كانت امتى وايه اللى اتغير فيها

**Hosam_Optrawy** · 24-11-2012 01:56 AM

المشاركة الأصلية كتبت بواسطة ooooosooooo

طبعا انت فاهم ان اى حد بيقول وهوة بيغير عربيتة انة مغيرلها كل حاجة بس طبعا انت هتعرف منين ان كلامة صح انا كمان عايز اعرف موضوع الزيوت الى الزمل قال عليها ونصحنى بلاش موبيل اية رائيكم

لو مغير فى التوكيل هايبقى معاه الفواتير , عموما انت ممكن تكشف على العربيه وتشوف محتاجه ايه لان لو غيرت كل حاجه هاتتكلف كتير , بس احتياطى غير زيت الفتيس عشان دا مفيهوش هزار , الباقى بقى شوف لو محتاجه تيل , فلتر هوا , فلتر بنزين , بوجيهات , سيور ... الخ

بالنسبه للزيت انا مجربتش غير موبيل لانى باعمل الصيانه فى التوكيل وهناك مبيحطوش غيره , بس فى ناس جربت الفالفولين والليكوى مولى وشكروا فيهم