☏⊙ كل يوم تجيلي مكالمات ومحدش بيرد !!! ☎

**Y a r i s** · 22-11-2012 04:45 PM

☏⊙ كل يوم تجيلي مكالمات ومحدش بيرد !!! ☎

مستغرب قوي كان زمان اول ما اتصالات نزلت عرض كلم اي رقم اتصالات ب ١.٩٩ قرش في اليوم
كترت المعاكسات بشكل فظيع .... واهو كل واحد فاضي او كل وحدة قاعدة مش لاقيه حد تكلموا تقوم ضربه كده اي رقم وبختك يابو بخيت وتتسلى .... بس النهردة شيء عجيب غريب. كل شوية يجيلي رقم شكل ومختلف من فودافون وانا اتصالت. وكل ما ارد ملقيش حد بيرد ويقوم قافل فوراً .... ومنهم من قيمت اسبوع كان واحد مستلمني اتصالات من اتصالات ... لغايت مافيوم سمعت بت صغيرة بتنادي على واحد اسمو عبدالله ... وقام قفل السماعه في وشي ... المهم رجعت اتصلت على النمرة دي تاني لقيتوا رد ومش راضي ينطق .... المهم قلتلوا على فكرة لو عامل نفسك ان المايك عندك بايظ وبتستعبط انا سمعت عيلة بتنده وبتقول عبدالله. فرد احسلك !!!

بصيت لقيت وحدة. بتقولي الوووو
انا طبعاً رحت سايب الشغل الي في ايدي ورحت قايلها الوو. ورحمت الله وبركاته
يا اهلاً وسهلاً مين حضرتك
قالتلي انا وحددده
قلتلها ياشيخة تصدقي كنتي فاكرك واحد
واسمك ايه بقه يا وحدة ....
قالتلي وحدة متعرفهاش .... قلتلها طيب انتي تعرفيني
قالتلي. لأه .... طيب انتي منين قالتلي انا من الاسكندرية
قلتهلا منين من الاسكندرية قالتلي ليييييه هو انتا تعرف اسكندرية
رحت داحك وقلتلها لا اسمع عنها بس في الافلام هههههههه

المهم انا هيا مكالمة وحدة والله العظيم وقفلت السكة على طول بس كنت هموت واعرف ايه قصة التيلفونات الي بتجيلي دي
وعرفت انها وحدة قاعدة وفاضية ومش لاقيه حد يكلمها .... وانها متعرفنيش ورحت قافل السماعة. وحطيتها في البلاك ليست .... اكمني راجل متجوز وبحب مراتي وعيالي .... وانا راجل مخلص .

لكن الغريب الى الان كل شوية تجيلي تيلفونات اشي فودافون واشي موبنيل واشي اتصالات ومش عارف ايه السبب ... مرات بقول خليني ارجع اتصل عليهم يمكن حد في ديقة ولا حاجة. ومحتاجني ضروري ومرات بقول يمكن مكالمة شغل اوعمل .... بس على هذا الحال يا عبدالعال .... لدرجة اني شكيت يكون واحد حاطط اعلان في الانترنيت. ومنزل نمرتي بالغلط على النيت فقمت داخل على عمو واونكل جوجل كتبت نمرتي ملقيتش اي نتائج للبحث

بس غريب الي يتصل من فودافون على اتصالات. ويخسر ربع جنية حق المكالمة وميكلفش نفسوا حتى انو يعتذر ويقول معليش انا اسف غلط في الرقم .... فايه حكايت مكلمات فودافون هما منزلين عرض مكالمات مجانية ولا ايه الحكاية بالزبط. وهل بيحصلكم الي بيحصلي ده ولا انا حالة فردية

@@@@@@@@@@@@@@@@@@

وتحياتي

**Y a r i s** · 22-11-2012 06:09 PM

المشاركة الأصلية كتبت بواسطة omaroof

عروض شركات الاتصالات كتير وكل الناس معاها موبيلات
وطبعا زى ماحضرتك عارف نصف الشعب فاضى طيب يعملو ايه لازم الشعب يطمن على بعضه عن طريق الرنات والمكالمات
حضرتك تقولى طيب اللى بيتصل موش بيرد ليه ؟
اقول لحضرتك هوا بيكتفى انه يسمع صوتك عشان يطمن على اخوه الموطن انه بخير هههههههههه
اسوء ما قابلت فعلا هوا ان واحد يتصل وترد عليه يقولك فلان تقوله فلان مين يروح قافل فى وشك بصراحه قمة الزوق ههههههههههههههههههه

هههههههههههههههه
اه واللهِ. بجد فعلاً قمة قلة الزوق الي بيقفل في وشك وانا موتي وسمي حد يقفل السماعة في وشي ببقى نفسي اتصل ابهدلوووا

الله يرحم ايام زمان لمن كان يرن تيلفون البيت وتلاقي واحد مسطول او وحدة ياعيني على نياتها وتقلي. الوووووو. سلام عليكم ممكن اكلم عبدالتواب
انا طبعاً كنت شب وفاضي هههههه. : اقولها عبدالتواب ياحجة. عبدالتواب تعيشي انتي
وهيا : ااااااايه ماااااااات مااات لاحول ولاقوة الا بالله حصل ايمتى الكلام ده
وانا بقه اخترعالها اي قصة. اصلو كان بيشرب قزازة حاجة ساقعة بيبسي كولا وبيفتح باكو الشمعيدان اظاهر كسب عجلة ومخدش بالوا من العربيات وهو بيقطع الشارع جه اتوبيس نمره ٨٠٩ وهرسو ههههههه
وهيا هرس مييين البسكوت.
ههههه وانا لا الاتنين يا حجة. اتهرسوا على الارض
وانا فاضي بقة واقعد اهيص معاها لغايت ما حس انها هيغمى عليها من كتر العياط وهتنهارررر فقلها ياحجة النمرة غلط ابقي خالي بالك وانتي بتطلبي النمررررره ههههههههه
وكان اياميها لسه كاشف الرقم. مطلعش .... يااااه على ايام زمان قبل كاشف الرقم كان الواحد يقعد يعاكس براحتوووو ههههه وتحياتي

**Y a r i s** · 22-11-2012 06:43 PM

المشاركة الأصلية كتبت بواسطة amrelsha3er

فكرتنى بالطفوله البريئه :d:d:d
تكنولوجيا دى مش حلوه مالها ايام زمان ايام الشقاوه والمقالب :d

ااااااه واللهِ كان كل مكالمتنا لازم نعملها من عند الكشك الي تحت البيت ايام كانت جميلة. .... انتوا سمعتوا اشتغالات ميدو الي على اليو تيوب. او الي عاوز يكلم لامعي ... هههههه ولا كهربة الدقي والتانية بتاعت رياسة حي المقطم ههههههههه عيال قاعدة فاضية وبتعاكس

يا راجل ده من جبروووت. الشباب المصري مش لاقين حد يشتغلوا فيقوموا يتصلوا على الشركة ذات نفسها ويشتغلوهم ههههههه

[youtube]http://www.youtube.com/watch?v=tvgIq9m1rlg&sns=em[/youtube]
‫اشتغالة فودافووووووووووووون‬&lrm ; - YouTube

ده حتى ياعيني النجددة ١٢٢ ماسلميتش منهمو كل شوية يتصلوا عليها ويعكاسوا ويقفلوا
ههههه شباب فاضي

**Y a r i s** · 22-11-2012 06:54 PM

ههههههههههه
ايوه والنبي يابلدي ياحبيبي حد ينشني عين كده يخلي الموبايل بتاعي مايرنش ابداً ولا حد يعاكسني لاستات ولا رجالة هههههه ، المشكلة كل ما تكتر المعاكسات ده بيديني صورة قد ايه الناس بقه عندهم فراغ عاطفي او فراغ حياتي ... مهوووول
وفعلاً تستغرب ان في القرى والارياف بقو كلهم جايبين العدة الصيني وقاعدين فرشين حصيرة على الارض وحطين العدة بتاعتهم فوق الطبلية وشغالين معاكسات اصل مين هيجبهم. وحتى لو عرفوا عنوان صاحب الرقم مين هيخشلهم جوا في اعماق ودهاليز محفظات مصر ويمسكهم وهتلاقي العمدة وشيخ الغفر يوقفولك .... ده غير ان هتلاقي اغلب القرية ده ابن عم ده وده يبقى ابن اخو ستي وده سيدي وده ابن عم سيدي فمين هيعرف يوصلهم هههههه .... ده حتى شباب المدن البطالة عملة عميالها وكلوا جايب خط من ابو عشرة جنية وكرت شحن بعشرة جنية كمان وعايش الاخ ليل نهار كل مايحس نفسوا زهقان. يتصل على مصر كلها هههههه الفراغ ووحش برضو

**mohammedabdallh** · 22-11-2012 08:45 PM

طب ما تبعتلى البلاك لست الى عندك
على فكره عندى اتصلات وموبينيل وفودافون فمشض هتفرق عندى

حبيبى يا ميدو

**Y a r i s** · 22-11-2012 11:43 PM

المشاركة الأصلية كتبت بواسطة mohammedabdallh

طب ما تبعتلى البلاك لست الى عندك
على فكره عندى اتصلات وموبينيل وفودافون فمشض هتفرق عندى

حبيبى يا ميدو

حبيبي يا محمد الموبايل كلو وصاحب الموبايل تحت امرك
بس عارف انتا مشكلت العنوسة والستات السنكيح بقوو كتير يا ريس ... يعني بجد النهردة اتا بخاف على اخواتي الشباب اكتر من البنات ... النسوان دلوقتي بيقعدو يتمحلسوا ويعاكسوا الشباب في التيلفونات دلوقتي عاوزين يخطفو عريس باي شكل. .... يخطفوه من اهلوا يخطفوه من مراتوا يخطفوه من بيتوا فربنا يستر علينا وعلى شباببنا المسكين الغلبان .... وتحياتي ليك يا محمد باشا حبيبي قلبي

-

-

-

الموضوع: ☏⊙ كل يوم تجيلي مكالمات ومحدش بيرد !!! ☎

LinkBack

أدوات الموضوع

عرض

☏⊙ كل يوم تجيلي مكالمات ومحدش بيرد !!! ☎ - انشر الموضوع فى :

-

-

-

المواضيع المتشابهه

مكالمات التليفون الارضى 15 قرش فقط لا غير

مكالمات خدمة العملاء

لثاني مرة العربية بتسخن ومحدش بيرد عليا!!!!!!

محتاج فتيس ضرورى جدا جدا ومحدش بيرد عليه

الكلمات الدلالية لهذا الموضوع

المفضلات

المفضلات

ضوابط المشاركة