هل يقوم الوكيل بعمل تعديل على المعلومات الخاصة ب vin السيارة ؟

**wookiee** · 23-11-2012 11:06 AM

عندي سؤال ..
مين المسئول عن كتابة المعلومات الخاصة بالسيارة على ال موقع : kia-online.com
هل هو الوكيل في مصر ؟ ام الشركة الأم في كوريا ؟

عشان أنا عندي عربية رقم الموتور الموجود في المعلومات على الموقع ...مخالف للواقع !
مع العلم أنا المعلومات الموجودة على الموقع مطابقة ل الافراج الجمركي الوارد في ملف العربية .
...... مين عنده معلومات عن الموضوع ده ..أرجو الافادة .

**AlGazar2** · 23-11-2012 11:32 AM

المصنع فى كوريا هو الى بيكتب المعلومات الخاصة بالسياره مش الوكيل فى مصر او اى دوله اخرى

**2CODE** · 23-11-2012 12:13 PM

والوكيل مش هيقدر يغير لك اي حاجة من البيانات دي لان المشكلة اللي عندك هي تغيير الموتور نفسه وليست مشكلة من التوكيل او من كوريا نفسها.

يا اما صاحبك غير الموتور ومعرفكش لكن انت بتقول انه ثقة بس محدش ثقة اليومين دول يا اما سمير ريان المعرض اللي هو اشترى منه كان مغير الموتور اساساً للعربية وفي كلا الحالتين موضوع تغيير الموتور ده سئ جداً ومنصحكش تاخد العربية

**drmagieed** · 23-11-2012 01:00 PM

لو العربية مترخصيتش يعني زيرو يبقي الموتور متغير وإبعد عنها ... أما لو مستعملة فممكن تستعلم عنها من موقع الحكومة الإلكترونية
بوابة الحكومة المصرية - أشخاص
بالاسم والرقم القومى ورقم الشاسية واسم المالك
وده موضوع نشره أحد الأعضاء في المنتدي ده الرابط بتاعه:
http://www.nilemotors.net/Nile/320393-a.html

**Hosam_Optrawy** · 23-11-2012 01:51 PM

التوكيل ملوش صلاحية تعديل على البيانات دى

**Youssef.Awad** · 23-11-2012 10:02 PM

الvin ده اللى بيتحكم فيه هو المصنع والشركة الام وليس التوكيل
بالعكس التوكيل بيتعامل مع العربية من خلال رقم التعريف vin لشراء قطع غيار او معرفة تاريخ السيارة فى التوكيل وغيرها ..

**2CODE** · 23-11-2012 10:44 PM

المشاركة الأصلية كتبت بواسطة wookiee

طيب الموقع (kia-hotline.com) ده مضمون ؟؟ ولا الوكيل ممكن يكون عنده معلومات مختلفة ؟؟؟ عشان أنا الموقع اداني نفس معلومات الوكيل ...المخالفة للواقع ... هل الوكيل ممكن يدخل علي سيستم تاني في كوريا ؟؟ ولا هو هو نفس الموقع

انت ليه مش عايز تصدق الشركة الام الاصلية اللي محدش يقدر يغير في البيانات دي اي حرف ومصدق العربية اللي قدامك اللي انا اقدر اغير فيها كل كبيره وصغيره ؟ اصدق مين ؟

الشركة طبعاً عربيتك هي اللي متغير فيها البيانات دي ومتاخدش العربية رجعها مره تانية للشخص اللي اشتريتها منه الفلوس مش لاقينها في الارض علشان تاخد عربية متغير لها موتور ده روح العربية خلي بالك اول حاجة في العربية هي الموتور والفرامل بعد كده من مواصفات دي كلها كماليات

تعرف لو مثلاً كان فيها ليدات وانت ملقتش الليدات دي اقول لك ماشي مش مشكلة لكن موتور متغير دي مصيبة وكارثة في حد ذاتها