الموضوع: هو في مشكله في مطار القاهره؟

أخر مره راجع فيها بس الكلام ده من فتره

قعد يلف كتير أوي قبل الهبوط وحسيت أن فيه حاجه

والملاحظ ان كان فيه طيران حربى كتير أوي اليوم ده

تقريباً زي ما حضرتك قولت كده

مفيش مشكلة ولا حاجة ولكن مدرج الهبوط بيبقى ليه اتجاهين للهبوط يعني بيبقى عامل زي طريق كدة طوله 4 كيلومتر والطيار المفروض بيهبط يا اما من اول المهبط او من الجهة التانية وده على حسب اتجاه الرياح الي ممكن تتغير في اليوم كذا مرة لأن الطيارة لازم تنزل على المهبط وهي في عكس اتجاه الرياح مش في نفس اتجاهها، فبرج المراقبة هو الي بيحدد الطيار هينزل من اي اتجاه على المهبط

معظم ايام السنة اتجاه الرياح بيبقى ثابت في اتجاه واحد من ناحية الدائري باتجاه مساكن شيراتون وطريق صلاح سالم علشان كدة تلاقي الطيارات معظم الوقت بتبقى جاية على المطار من اتجاه صلاح سالم ولكن ساعات يحصل تغير في اتجاه الرياح قتلاقي الطيارة بتنزل من اتجاه الدائري وده يمكن الي حصل معاك

او ممكن يكون الطيارة فيها مشكلة وهى طالعة ف الطيار عمل takeoff engine falure ودة بيحصل لما بيكون الطيار بيعمل acceleration عشان يوصل السرعة اللى بتعمل lift للطيارة وحصل ان احد المحركات اتعطل اثناء الacceleration وطول الممر معاة ميكفيش انة يعمل apport للاقلاع ف بيعمل اقلاع بمحرك واحد بس بمعدل قليل ف تحس ان الطيارة قريبة اوى لحد ما يطلع ياخد لفة ويرمى الوقود اللى معاة فى اى حتة صحرا وينزل تانى
\

المشاركة الأصلية كتبت بواسطة ahmedamr

او ممكن يكون الطيارة فيها مشكلة وهى طالعة ف الطيار عمل takeoff engine falure ودة بيحصل لما بيكون الطيار بيعمل acceleration عشان يوصل السرعة اللى بتعمل lift للطيارة وحصل ان احد المحركات اتعطل اثناء الacceleration وطول الممر معاة ميكفيش انة يعمل apport للاقلاع ف بيعمل اقلاع بمحرك واحد بس بمعدل قليل ف تحس ان الطيارة قريبة اوى لحد ما يطلع ياخد لفة ويرمى الوقود اللى معاة فى اى حتة صحرا وينزل تانى
\

كلام سليم بس ده اكيد ده بيبقى استثناء يعنى هيحصل فى طياره و لا اتنين كل فتره و صعب انه يكون بيحصل لكل الطيارات فى نفس الوقت بحيث انه يسبب الظاهره دى اللى صاحب الموضوع لاحظها بحكم سكنه قريب من المطار