الموضوع: تجربتي مع تغيير زجاج الكارينز الخلفي

قدر الله إن الزجاج الخلفي يتكسر المهم ماأطولش عليكم هاحكيلكم تجربتي لتغييره علشان اللي يستفاد يستفاد و اللي يحب يفيدني إذا كنت إتصرفت غلط يفيدني . المهم الوقت كان مزنوق لدرجه إنه ما كانش ينفع أستشير المنتدي لأن كان يوم سبت و تاني يوم أجازه و كان لازم ألحق. إبتديت أسأل حواليه واحد قالي 950 جنيه يا عم دا أنا مرات واحد صاحبي بتقول غيرت الأمامي ب 900 في التوكيل قالي 850 اخر كلام. قلت أنزل دمشق سألت عند جريش قالي الأسود مش موجود مافيش غير الشفاف بكام يا معلم ب 405 زي الفل دا بتركيبه كمان و الأسود زياده 50 بس مش موجود ييجي كمان شهر. المهم الراجل إستجدع معايا و كلم واحد معرفه قالي الأسود موجود مستورد و جوده أعلي من جريش ب 600 قولت أسأل عند الجندي قالي الأسود مش موجود و الشفاف ب 850 عايز الأسود روح التوكيل رحت التوكيل بكام يا معلم بعد الضريبه ب1090 أكيد بتركيبه يا معلم لا يا باشا إسأل علي تركيبه طلع ب500 يعني إجمالي 1600 جنيه........... ماحدش يشتم من فضلكم. المهم رحت مكلم الراجل بتاع المستورد و روحتله وريني يا معلم زي الفل . قاللي لو تحب عندي واحد كنت شايله من عربيه بس شفاف مش إسود بكام يا معلم ب450 ركب و روحت فيمته. في إنتظار ردودكم للإفاده.