الشنطة الخلفيه لفكترا بى

**hamdy916** · 24-11-2012 06:17 PM

انا عربيتى اوبل فكترا موديل 98 1600 كنت بغسلها عند مغسله ولقيت عندى الشنطة مش نظيفة خالص يعنى كان واقع فيها زيت وكده المهم لقيت الواد بتاع المغسله شال الجزء الى بيقى فوق الاستبن كله الى فيه فرش النطة وراح حطه على الرض اداه بخرطوم الميه لما نظف وقالى كده تماما بس الفاجعه انه مش عاوز ينشف خالص يقاله يومين وده بسبب انى لقيه انه عباره عن كرتون وابتدى يتقطع ومش عارف اعلم ايه بديل ليه يعنى اجيب ايه افضل حاجه مكانه

**alnmr79** · 24-11-2012 06:51 PM

دة عيل غبى بصراحة
طبعا انتى كدة حتحتاج تشيه من الشنطة وتنشف كويس الشنطة وتحاول تسيبها مفتوحة فى الشمس شوية علشان الريحة والفرش تنشره فى البلكونة فى الشمس يومين كدة وتبقى ترجعة العربية تانى...
فى طريقة سهلة ورخيصة بعملها كل فترة للعربية
الناس بتاعة ادوات النضافة السايبه بيكون عندهم شامبو بتاع سجاد وانتريهات هتجيب ب2 جنيه بس
هتحط شوية حلوين فى طبق صغير على لتر مياه وقلبه كويس هتلاقيه يعمل فوم معاك هتجيب ليفة مواعين بس تكون نعومتها حسب الاتساخ وتاخد من الفوم بس واديلو ادى اديلو ادى هتلاقى الفرش نضف بعد كدة قماشة بيضة نضيفة مغسولة بمياه وتكون منديه وتمسح الفرش كويس من الفوم
بعد كدة تسرق شوية داونى من المدام وقماشة تانية نضيفة ومندية بالميه والداونى ومسحة حلوة للفرش علشان يدى ريحة كويسة وسيها فى الشمس ساعة كدة لحد ماتنشف وهتدعيلى ..
وفرنا وسلينه نفسنا شوية وعملنه حاجه على مزاجنا والاهم مبوظناش الفرش وريحة العربية تمام التمام..

**hamdy916** · 24-11-2012 06:55 PM

طيب وموضوع الكرتونه ده اعمل فيها ايه انا بفكر اعمل مكانها ابلكاش والزق الفرش عليه ايه رايكو ؟؟؟؟

**فادى محمد** · 24-11-2012 06:56 PM

خرج الفرشه دي وخليها علي ظهرها في حته فيها شمس او هوا واصبر عليها هتنشف ده لو كانت نظيفه اما لو كانت مش نظيفه اغسلها الاول زي محمد نبيل ما قال بالضبط
ولو قصدك بالكرتون بطانه الفرشه فهي فضلات قماش مفروم مش كرتون

**ehabahmed0** · 24-11-2012 08:29 PM

طب حد عنده طريقه ننضف بيها موكيت الصالون من جوه انتم عارفين اللي عنده اطفال بيخلوا الصالون عامل ازاي ولا ساحه المعارك
لاني خايف اغسله بميه وصابون اقوم ابهدله
دلوني علي طربقه انضفه من غير ما اعمل مشكله وكمان يبقي ريحته كويسه