الموضوع: استفسار فى شراء سيارة مستعملة

طالما معاك شهادة مخالفات مش عدى عليها 15 يوم ورخصتك ما زالت سارية
يبقى خلاص كده مش هتحتاج حاجه ان شاء الله من القاهرة
روح مرورك في اسكندرية واعمل نقل ملكية هتدخل فحص وتدفع ضريبة وتأمين اجباري وتستلم نمر اسكندرية
وتاخد تصريح 3 او 6 شهور لحد ما ملفك يجي من مرور النزهة

شكرا semi لردك السريع
كنت عايز اعرف ايه الورق المطلوب اللى هاخده وانا رايح وكمان هو انا هاخد نمر اسكندرية على طول كدة مع العلم ان رخصة العربية اللى متسجل فيها النمر الحالية لسة هتخلص كمان 8 شهور واخيرا كنت عايز اعرف الرسوم هتبقى فى حدود كام
وجزاك الله كل خير

لازم تعمل فحص في مرور النزهة الأول

بص يا باشا : لو انت شاري بتوكيل وعايز تنقل ملكيه السياره بإسمك يبقي الاول تروح الشهر العقاري تعمل عقد بيع مسجل لنفسك .وده تكلفته حسب موديل العربيه. اما لو كنت شاري بعقد مسجل اصلا تقدر تروح مرور اسكندريه بشرط ماتكونش شهاده المخالفات اللي معاك عدي علي تاريخ صدورها شهر.

وتشتري من المرور ملف نقل ملكيه وهتعمل اورنيك فحص وفي المرور هيفحصوا العربيه ويعملولك بصمه الموتور والشاسيه .

لو العربيه لسه موديل قريب والمهندس كويس هيمشي الورق وهتسلملهم الرخصه القديمه والنمر اللي علي العربيه وهتستلم رخصه جديده ونمر اسكندريه جديده.

اما بقي لو العربيه موديل من خمس سنين فاتت او المهندس رخم هيطلب منك مطابقه البصمه ودي لازمها مشوار لمرور النزهه يطابقوا فيها البصمه اللي اخدها مرور اسكندريه مع البصمه اللي في الملف اللي في النزهه.وترجع تديهالهم في مرور اسكندريه بعد المطابقه .وتسلملهم الرخصه والنمر ويدولك غيرهم من مرور اسكندريه بإسمك .ومبرووووووووووووك

المشاركة الأصلية كتبت بواسطة tati kamans

شكرا semi لردك السريع
كنت عايز اعرف ايه الورق المطلوب اللى هاخده وانا رايح وكمان هو انا هاخد نمر اسكندرية على طول كدة مع العلم ان رخصة العربية اللى متسجل فيها النمر الحالية لسة هتخلص كمان 8 شهور واخيرا كنت عايز اعرف الرسوم هتبقى فى حدود كام
وجزاك الله كل خير

مفيش اي ورق مطلوب منك وانت رايح غير الرخصة وتكون سارية وعقد مسجل بالشهر العقاري
ولو في توكيلات للعربية تاخدها معاك طبعا
الشهر العقاري بياخد منك ضريبة عند التسجيل حسب سنة صنع العربية والسي السي
وفي المرور لو عربيتك 1300 سي سي الموضوع كله ممكن يكلفك 400 جنيه تقريبا لسنه واحدة
لانك هتشتري نمر جديدة تمنها 160 جنيه بدل نمر القاهرة بتاعة العريبة بعد تسليمها للمرور

طبعا انت هتدخل فحص بمرورك بالاسكندرية ويمكن يمكن يطلب منك حاجه اسمها مطابقة
بتروح تعملها من مرور العريبة بالنزهة بس غالبا مش هيطلب منك حاجه
لان مرور النزهة محصلش في مشاكل الكلام ده مع المرور اللي حصل فيهم حرق للملفات
غير كده انت مش مطالب بأي حاجه خالص من مرور النزهة
وفي كل الاحوال مرور النزهة ده افضل مرور في مصر يعني مش تشيل همه خاااالص