الموضوع: هام – الحكومية تؤكد تحول منتجى بنزين 95 إلى 92 وتقرر زيادة بنزين 92

لما كنت في روسيا كان سعر ال 95 حوالي 32 روبل، يعني 6.5 تقريبا
فمتهيألي هو كده بقى يتباع بالسعر العالمي في مصر أو أقل شوية

المشاركة الأصلية كتبت بواسطة ehab_mansour

يا ساده الكلام بيقول زياده ضخ كميات أكبر من بنزين 92 و ليس زيادة سعره ياريت يا جماعه الخير بالمنتدي تكتبو عنوان مطابق للكلام بلاش العناوين المثيرة دي عشان محدش يدخل و يشتم و يغلط و تشيلو ذنبه

مافيش حد قال ان سعر بنزين 92 سوف يزيد والعنوان واضح ان استهلاك بتزين 92 هايزيد .... وبالتالى الدعم يزيد وده اللى احنا قولناه وبدأ يتحقق ولسه واتفرج بقى على الغش اللى هايحصل فى بنزين 92 نتيجه زياده الطلب عليه واقراء فى المنتدى هتلاقى الموضوع ده بدا يحصل فى دمياط واعتقد ان الحكومه سوف تترك الغش فى بنزين 92 شويه علشان اصحاب السيارات مستهلكى 95 يعودوا الى صوابهم ويتأدبوا ويندموا ويستخدموا 95 تانى
اللى انا أعرفه طالما الحكومه مش قادره تصلح على الأقل تترك الأمور ماشيه فى حالها حتى تضع تصور شامل لكنها بتفتح كل يوم جبهه جديده واحنا كنا مسكنا مهربين البنزين والسولار واللى بيرموه فى الترعه علشان نمسك اللى بيغشوا البنزين .. انا مش فاهم ايه اللى بيحصل واغلب الظن هذا التخبط ناتج عن جهل أو مقصود وكلاهما مصيبه

من كام يوم كنت بكلم اقتصادي كبير و مشهور في مصر و بره .. قال لي ان الخبر بتاع زيادة بنزين 95 خبر مضحك جدا.. و انه مش هيأثر على الميزانية في حاجه .. عشان أصلا مستخدمينه قليلين.


قلت له طيب و الحل؟ قال لي ان الحكومه لازم ترفع سعر بنزين 92 .. هو ده الحل عشان يحسن الميزانية شوية.


قلت له انت عارف الناس ممكن تعمل ايه لو ده حصل؟ .. قال لي ما هي دي المشكلة .. ان الناس لن تتقبل الوضع .. حتى لو حاولت تفهمهم ان ده هينعكس على مصلحتهم في المستقبل .. بس الناس عندنل بتبص تحت رجليها.

ربنا يكون في عونه.