حاجة غريبة لانسر 1300 ارجو المساعدة

**elmoski** · 28-11-2012 05:52 PM

عندي حاجة غريبة اوي و بصراحة انا خايف جدا و متحير .. انا عربيتي 1300 اوتو موديل 2006 بتحصل حاجة غريبة ونا ماشي و مش عارف ده عيب فيتيس ولا حساس ولا ايه الحكاية ان ونا ماشي علي سرعة منخفضة يعني بكون دايس بنزين و ماشي مثلا علي 60 ساعات بحب اشيل رجلي و اسيب العربية تمشي بسرعتها شوية علي اساس انها هتهدي بالتدريج المهم بتيجي كدة مرة واحدة وهي بتهدي و تقريبا ما بين النقلة التانية و الاولي ( النقلة العكسية اقصد) بحس بكلبشة كدة زي نتشة اكن العربية بتنقل للسرعة الاقل و بعدين الار بي ام بيعلي تاني و تكمل في سرعتها انا مش فاهم ايه ده يا ريت حد يطمني

**حماده المصري** · 28-11-2012 06:56 PM

ممكن تبقى كبالن داخلي وممكن تبقى قواعد وممكن برضو حساس بس في نظري احتمال ضعيف انه حساس

وممكن تبقى طبيعي وانت مكبر الموضوع

**eng.ghost** · 29-11-2012 05:18 AM

متابع بس اللى يفيدك متخصص علشان يجرب بنفسه

**elmoski** · 29-11-2012 09:52 AM

مهو انا عاوز ميكانيكي كويس في اسكندرية علشان انا روحت التوكيل و مستريحتش و كنت بشرح للمهندس حاجات بتحصل مع التكييف قام قالي ده ايدل وتمنة 2000 جنيه من غير حتي ميشوف العيب