الموضوع: و كانت المفاجأة في تابلوه السوزوكي التو !!!

بسم الله الرحمن الرحيم
السلام عليكم و رحمة الله و بركاته

طبعا الناس داخلة هتقول فيه مصيبة في الالتو لا خالص مش مصيبة بالعكس هي حاجة كويسة لكن انا اللي نحس شوية
فيه مثل بيقولك قليل البخت يلاقي العضمة في الكرشة ههههههههه

القصة اني اول ما جبت العربية طبعا كنت زعلان ان مفيش سماعات في الابواب لكن لقيت في التابلوه مكان سماعتين صغيرين قولت طيب مصلحة
جيت وقت تركيب السماعات احاول اشيل الوش مفيش يمين شمال انسي و مفيش غير حتة صغير في اخرها مفتوحة مع العلم اني جربت اللي ناحية اليمين مش عند السواق



اللي بيركب الهيد يونت يحاول قالي بص يا باشا هقطع الجزء ده قولتله و الله ما انت عامل حاجة خليك في اسلاكك يا ريس

و خلينا في سماعتين و هيد يونت كده كده مش غاوي اصوات مزعجة مش ناوي اشتغل دي جي بعد الضهر بالساوند سيستم عندي

و من يومين تمت المناقشة هنا بخصوص موضوع تركيب سماعات قدام و ان الالتو الـ2013 طلع فيه سماعتين نازلين جاهزين فيها قدام و صاحبها فك الوش بسهولة
طب اشمعني 2008 و لا هي تفرقة عنصرية
فكانت المناقشة عن ان الوش بيتفك بسهولة و طبعا لأنها و التابلوه حتة واحدة عندي قولت لأ مبيتفكش عندي لكن ممكن يتقطع او تشيل التابلوه بقي
جايز عشان الراجل اللي معاه التو 2013 تكييف نازلة جاهزة فمكانها مفتوح و حاطين فيها سماعتين

طقت في دماغي انزل اشوفلها حل انهاردة اشمعني 2013 يعني
لقيت جزء من ناحية الازاز مفتوح شوية زي ما لقيت اول ما جبت العربية لكن الباقي مقفول و المفك ميدخلش
هي قفلت بقي في دماغي




و جبت كاتر صغير



و بدأت حاسس بالكتر و هو بيقطع و قلبي بيتقطع معاه لحد ما سمعت تك ان التقطع خلص
جبت مفك صغير عادة و بطلع و الوش طلع زي الشعرة من العجيبة و ببص
مع استخدام مناديل عشان الفيبر ميحصلوش حاجة بس من غير حاجة هتشوفوا اثار التقطيع و اللي عايز اساويها




و هنا كانت المفاجأة







مكان الكلبسات بتاعت الوش اللي كان معشق فيها موجود كأنها راكبة كبس و مكان سماعات 10 سم جاهز للتركيب عالطول و منفد ع تحت


و من ساعتها و انا عامل كده

قولت اعمل نفس القصة الناحية التانية لقيت الكاتر ماشي حوالين الوش ماشي كويس الا حتت صغيرة زي ما يكونوا التقطع مكملش شكله كان المفروض يتقطع لكن ع حظي العربية اللي خدتها مكنش متقطعين كويس و بالتالي مكنوش عايزين يطلعوا
يعني مش كفاية مفيهاش سماعات لأ و كمان المفروض تتقطع

و في النهاية اقول لمالكي الالتو

ابشرواااا

اللي عايز يركب مع السماعات اللي ورا سماعتين صغيرين ممكن يركب انه يطلع الوش بمفك عادة صغير
اما لو لاقاه زي حالاتي مش مقطوع كويس يجيب كاتر رفيع و صغير و يقطع لكن براحة اوي و مينزلوش للأخر يعني هتزلوا حوالي 2-3 ملم

و مش هتكلم اكتر من كده لحين زوال تأثير الصدمة