► الحجات الي المفروض تستلمها مع عربيتك الجديدة ◄㋡

**Y a r i s** · 29-11-2012 04:06 PM

الحجات الي المفروض تستلمها مع عربيتك الجديدة
ومبنستلمهاش. رغم اني واحد من الناس امووووت في الهمبكة وحبة الحبكشتنات
الي بتيجي مع العربية .... فاسمحولي انقلها لكم .

@@@@@@@@@@@@@@

علبة منديل هدية

دليل المالك على فكرة تمنو فوق ال ٢٥٠ جنية

دليل استخدام الكاسيت او الشاشة

وصلتين i pod

بعض الخرائط. والخدمات على الطرق المجانية لملاك السيارة
عرض خاص

طقم دوسات هونداي الاصلية
الطارق وعدنا بيها انو يدهالي وادي وش الضيف
مدونيش حاجة

طفاية حريق هدية. المفروض بتنزل في كل عربية

شنطة اصلية مقدمة من الوكيل

كيبول شحن بطارية احتياط

مثلث امان اصلي للعربية

نور كشاف ولاعة هدية

شنطة اسعاف هدية

مقياس ضغط الهوى. هدية

ههههههههههههه
الحاجة الوحيدة الي بتنزل عندنا هدية الاستيبن والعدة
ده غير خمسة حزام امان هددددية

@@@@@@@@@@@@@@

وتحياتي

**Y a r i s** · 29-11-2012 04:16 PM

المشاركة الأصلية كتبت بواسطة ahmed_lada

الله ينور يا باشا

وهل يا ترى كل الحاجات دى فعلا باستلمها ولا بتكون ناقصة حاجة

الحجات دي ياباشا بتيجي في المشمش
او ممكن في الاحلام بره بيعتبروها اساسيات في العربية عند البيع
لكن احنا عندنا تعتبر كماليات
@@@@@@@
وتحياتي

**Kareem Fawzy** · 29-11-2012 05:41 PM

يا راجل يا طيب دة فى معارض لما بتتخانق معاهم يدوك الاستبن بجنط حديد وعن تجربة فى عربية واحد صاحبى
بدام هو ينفع من الاول يا ولا التييت لية تدونا الجنط الاصفر بتاع سرعة 80 كم دة
تيجى حضرتك تقولى مناديل ومثلث وبتاع قلبك ابيض
وعجبى !!

**Y a r i s** · 29-11-2012 08:16 PM

طب تصدقوا وتئمنوا. باااايه
ايام مكنت في احدى دول الخليج. ... كانت البانزينات بتتنافس مين يجي يمون من عندها. واذا فولت نص التنك تاخود معطر واذا فولت التنك فول. تاخود علبة مناديل هدية. ومطبوع عليها شعار شركة البانزينة

ده حتى مرات ابعت اجيب موبايل من بره. ( حتت موبايل ) علشان ارخص من مصر. ابص الاقي الراجل الي بتعلي الموبايل بعتلي معاه سمعات بلتوث هدية. الموبايل نازل عليه برامج هدية ... جراب جلد هدية. حامل عربية مجاناً هدية استيكر حافظ للشاشة استيبن هدية. استند كده بلاستيك. علشان تحط الموبايل في البيت. وحبل علشان تعلق الموبايل على صدرك كمان هدية ههههههه ومش ناقص غير يجبلي خط من بره. عليه هدية

**youssef_u** · 30-11-2012 02:36 AM

لا احنا هنا الحمدلله بنستلم العربيه :d

**BUNSH** · 30-11-2012 12:56 PM

هع هع ! قال وأنا كنت فرحــــــان لم اخدت من المعرض طقم دواسات *ميسواش نكلة* + فرش خارجى للعربية + ميدالية وقالوا لى يبقالك فواحة فى ذمتنا *علشان خلصت* !!

يارب الوكالـــــة تتسحب من وش هبور وياخدها المجدوعـــــــــى