ما رأيك في مساعدة الرجل لزوجته في الاعمال المنزلية ؟

**nonetta** · 29-11-2012 08:35 PM

هل من العيب ان يشارك الرجل زوجته اعماله المنزليه
يقف ادام الحوض يغسل المواعين
ينشر الغسيل
يكنس الارض
يمسح البلاط
يغير حفاضات الاطفال
اعترف ايها الرجل
هل تشارك زوجتك؟
هل عندك الشجاعة ان تفصح انك تساعدها ام تخجل وتعتبره انتقاص لرجولتك
موضوع مطروح للمناقشة

**aminibrahim** · 29-11-2012 08:39 PM

هههه دانا لو ماعملتش كده اتخنق

ادماااااااااااااااااااااا ااااااااان

**Amr_MO** · 29-11-2012 08:55 PM

يشرفني جدا ان اعترف باني اقوم بكل الحاجات دي

هي تاخد بالها من الأطفال انا اشطب المطبخ

هي بتطبخ اخد انا بالي من العيال واغيرلها

هي نايمة مع الأطفال من كتر الاجهاد استغل الوقت واكنس الشقة وامسحها

هي نايمة من التعب وشغل البيت وحد من العيال بيعيط اشيله في اوضة تانية بعيد عنها والعب معاه واسكته واغيرله علشان اديها فرصة تنام وترتاح

قال رسول الله صلى الله عليه وسلم: خيركم خيركم لأهله، وأنا خيركم لأهلي

**nonetta** · 29-11-2012 09:11 PM

المشاركة الأصلية كتبت بواسطة amr_mo

يشرفني جدا ان اعترف باني اقوم بكل الحاجات دي

هي تاخد بالها من الأطفال انا اشطب المطبخ

هي بتطبخ اخد انا بالي من العيال واغيرلها

هي نايمة مع الأطفال من كتر الاجهاد استغل الوقت واكنس الشقة وامسحها

هي نايمة من التعب وشغل البيت وحد من العيال بيعيط اشيله في اوضة تانية بعيد عنها والعب معاه واسكته واغيرله علشان اديها فرصة تنام وترتاح

قال رسول الله صلى الله عليه وسلم: خيركم خيركم لأهله، وأنا خيركم لأهلي

ارفع لك القبعة يا سيدي
وتأكد ان كل دة في ميزان حسناتك
وربنا يكتر من امثالك

**amr5500** · 29-11-2012 09:24 PM

الام تحب جوز بنتها اوي لو ريحها وعمل شغل البيت
لكن لو ابنها عمل كده مع مراته يبقي راجل مش تمام
الكيل بمعيارين

**Khaled Online** · 29-11-2012 09:28 PM

أنا مش متجوز ينفع أشارك ولا هتكروشوني؟ :)

**Gelgel2004** · 29-11-2012 09:29 PM

استاذه نونيتا
ازاى حضرتك غايبه ليه و حرمانا من مشاركاتك
تغيبى و ترجعى بمواضيع شيقه ..
انا الحقيقه باعمل اللى باقدر عليه
بحط الغسيل فى الغساله
بانشر الغسيل احيانا
متعتى فى تنظيف المطبخ و الثلاجه و الدواليب و ترتيب برطمانات التوابل و استخراج المواعين النظيفه من غساله الاطباق
و يا عينى على رعايه الزرع و نباتات الزينه
عموما انا شايف ان ده حاجه الدين بينص عليها ان الانسان يساعد اهل بيتع قدر الاستطاعه
و ساعات بطبخ خصوصا يوم الجمعه لازم اعمل الفول و البيض و اجيب الطعميه و العيش السخن و الطقس ده ضرورى صباح كل جمعه
و الحمد لله

**amr5500** · 29-11-2012 09:38 PM

انا باشوف بعض الاسر الزوجه مش بتشتغل وبالرغم من كده مهمله في بيتها واولادها ونفسها
والمصيبه بتبقي فاكرة نفسها شمعه منورة
وانها ست الستات مش عارف جابت ام الثقه دي كلها منين
هههههههههههه
وممكن الراجل يجي بعد يوم طويل في الشغل طالع عينه ينظف ويذاكر للعيال
انا شفت امثله كتيرة من النوعيه دي
حرام ان الواحد يساعدها اساسا
وظلمت الراجل اللي اتجوزته كانت تفضل في بيت اهلها احسن وتريحه

**Y a r i s** · 29-11-2012 09:44 PM

عمل البيت رياضة قبل كل شيء لتحريك عضلات الجسم
يعني نقدر نسمية جيم منزلي هههه ... بس هيا الفكرة في ايه ان الرجل بطبعوا كسول ... لكن مثلاً لو داخل المطبخ ولقيت كوبايتين ولا حتى حليتين. فبخودهم في سكيتي ... احياناً هيا قاعدة بتطبخ ولا بتعمل حاجة تانية والواد او البيت ايام مكانوا صغيرين. بيعيطوا ومحتاج حد يغيرلوهم فانا بفتح البابمبز وابص اذا لقيت مية فبقوم اغيرلوا اذا لقيت حاجة تانية. هههههههه. انده عليها واقولها. تعالي يا حبيبتي غيريلوا وانا هخلي بالي من الاكل الي على النار هههههههه

فمش عيب ابداً نتشارك في المساعدة في البيت هو البيت ده مش بيتنا ... في اوروبا والدول. العربية المتقدمة بيجيبوا لزوجتهم فليبينيات ... فانا بعتقد ان اي رجل مقدرش يوفر فليبنية لبيتوا. فليكن هوا فليبنية ههههههه وتحياتي