حد يعرف مكان تعديل بيانات شهادات الميلاد (الكمبيوتر) بالقاهرة

يا ريت لو حد يعرف مكان تعديل البيانات الغلط في شهادات الميلاد الجديدة بالكمبيوتر على مستوى القاهرة فين .. لأني سمعت في السواح وقيل في شارع طومان باي

يا ريت لو حد جرب بنفسه يقول لي فين بالظبط .. مع الشكر

اذا كان اللي في دماغي يبقي اللي في الزيتون .. و هو بالفعل قريب جدا من طومان باي ..
الاسهل ان حضرتك تروح جسر السويس .. و بعد ما تعدي تقاطع روكسي (و انت جاي من وسط البلد) حتلاقي سوبر ماركت اولاد رجب علي الشمال .... خش في الشارع اللي جنبه .. و حتلاقي المكتب في اخر الشارع .. و لو سألت عليه هناك .. 1000 واحد حيرشدك ..
تحياتي

انا صلحت شهاده الميلاد فى العباسيه فى مصلحه الاحوال المدنيه

العباسية افضل مكان
مصلحة الاحوال المدنية
وروح بعد 3 يكون راق شوية

اقتباس:

---

المشاركة الأصلية كتبت بواسطة karim_monir

العباسية افضل مكان
مصلحة الاحوال المدنية
وروح بعد 3 يكون راق شوية

---

+1

المقر الرئيسي لاحوال المدنية موجود في العباسية وده فعلاً افضل مكان واعتقد انه المكان الوحيد اللي مسموح فيه بتعديل البيانات

الف شكر لردودكم بس انا اساسا رحت العباسية اطلع شهادات ميلاد كمبيوتر ليا وللمدام والاولاد لكن طلع في بعضها بيانات غلط والموظف هو اللي قال لي ان تعديل بيانات القاهرة بالكامل بيكون في المطرية - ش السواح وفقط آخد معايا اصل الشهادة القديمة الورق والحقيقة كانوا خلاص ماشيين فامهتمتش اعرف بالظبط فين على اساس ان ده مكان اكيد الناس كلها عارفاه وهو كمان قال لي كده انما لما سألت عندي في الشغل قالوا لي في ش طومان باي

بس غريبة ان هم في العباسية عندهم تعديل

الادارة نفسها موجودة في العباسية يبقى ازاي معندهمش تعديل هو شكله كان عايز يروح علشان كده اقولك روح هناك

او مش بيعدلوا من عندهم علشان ضغط الشغل عليهم

مصلحة الاحوال المدنية فى العباسية
أو الادارة اللى فى طومان باى
و الاتنين عن تجربة فيهم تعديل للبيانات