مساعده ضروري بدل مولع في العربية

**bebom** · 01-12-2012 02:23 AM

السلام عليكم

ونا ماشي علي المحور ماشي علي100كم يعني مش سريع فجاءة لقيت امبير الحرارة فوق النص والمض التشيك الزيت نورة بطلت علي طول الحمد الله لبة الحرارة منورتش
-بطلت ونزلت ابص علي مياه بعد العربية لما بردة ملقتش مياه مع اني ( كنت باصص علي المياه عند العلامة قبل مخرج بالعربيه)
1-جالي ميكانيكي من بتوع الطريق قالي العربي جابت وش ومش هتدور قلتله دور وشوف الحمد الله دارة وشاه الزيت تمام قلي الحمد الله سليمه حط مياه في القربة المياه بتنقص خد هواء وملا القربة قالي طرمبة المياه مبتقلبش المياه ضعيفة وشغل المروحة دايركة من غير متفصل ومشيت وكل تمام حوالي 10 دقائق ونا سايق60 ك علي الهادي لقيت برده الامبير علي بطلت لقيت برده مفيش مياه في حاجة بتسرب مياه
2-جالي سواق تاكسي قالي لازم تلغي الترومستتات قالي الماتور سخن وبص الرداتير بااارد وقطرت العربية لحد البيت
3- نفس القصة ديه حصلت زمان قبل مغير ماكنة وكانت بسبب خراطيم مخرومة وغيرتها

ياريت ياجماعه بالله عليكم تقولي اعمل اية عايز اكشف علي كل الي يصخ المياه اعمل ايه عشان انا بجد تعبة جدا زي متكون العربية فقر قولي ابتدي مني

شكرا جدا ليكم

**bebom** · 01-12-2012 02:30 AM

وياريت لو حد يعرف حد اعمل عنده كبس لدورة التبريد قريب من السيدة زينب

او طمنوني وقولي علي الحل

**egyptiandiver** · 01-12-2012 02:42 AM

غير طرمبة المية و شيك على كل وصلات المية و بص إحتياطي على جوان وش السلندر و ابقى طمنا

**bebom** · 01-12-2012 03:04 AM

الميكانيكي سمع صوت الماتور وقالي مجبتش جوان ولا اخليه يفتح الماتور

**bebom** · 01-12-2012 03:08 AM

يا جماعه طمنوني بالله عليكم

**egyptiandiver** · 01-12-2012 03:32 AM

غير طرمبة المية

**طارق _عبد السلام** · 01-12-2012 03:43 AM

هو موضوع ان الموتور يسخن والرايتير يكون بارد والحراره تعلى
كان حصل معايا فى عربيه زمان ده كان من الثرموستات ولما شيلته العربيه بقت تمام
لكن موضوع نقص المياه ده ماحصل معايا
شيل الثرموستات كده وشوف الدنيا عامله ايه

**mohamedbook** · 01-12-2012 06:44 AM

اولا فيه تسريب عندك لازم تعرف من فين التسريب ده
دور العربية وهي فيها مياه وبعدين افتح الكبوت وشوف الوصلات بتاعت المية والمشتركات الي موجوده ولما توصل لمكان فقد الماء امشي بالسيارة شوية وشوف ايه النظام