تحذير

**akramtiti** · 01-12-2012 10:28 PM

السلام عليكم ورحمته الله وبركاته
الحمد لله علي كل شىء وقدر الله وما شاء فعل انا كنت فيي التوكيل يوم الخميس اول انبارح وروحت وكله تمام جيت تاني يوم باليل طلعت بالعربيه وانا بحب اشغل كشافات الشبوره لاقيت واحد بس اللي قايد قلت جايز مش نظيف بسيط ملقتش الفانوس (الشبوره ) بالكامل اتجننت ازاي اتسرق قلت ابص في تقرير التوكيل لاقيت فعلا حاطه في التوصيات انا كنت قبلها راكن العربيه مده طويله في حته ساكته بالليل بصيت علي الاكتصدام من تحت لايت بن التيت كسر الكبسوله وشد الفانوس من وره ولاقيت النيحيه التانيه نفس الكلام بس اللحمد لله ملحقش فنصيحه لحضراتكم زود المنطقه اللي وراء الفانوس الشبوره بماسمير لانها ضعبفه سهله الكسر عند اي بتاع مسامير
سالت عليه في التوكيل طلع ب 440 جنيها وسالت الوشاحي في الاسكندريه قالي عندي ازاز ب 150 و البلاستيك 475 جنيها قالي شوف عندك اي نوع لاقيت لللاسف البلاستك ياريت الللي يعرف حد بيبعه ارخص من كده في اسكندريه يقولي وجزاكم الله كل خير

**gebreel** · 01-12-2012 10:55 PM

كان في كلام على ان الفوج بتاعنا هو هو بتاع الميجان و موجود تركي في شارع دمشق ب80 جنيه

**amr.elsayed** · 02-12-2012 01:10 AM

اقل سعر ليه 150 جنيه وهو هو بتاع الميجان وطبعا الكلام دة عندنا فى اسكندرية حاول تفاصل
لكن القاهرة بقى يا عينى على كايرو هههه متدلعين احلى دلع .. شوية نق وارر
حتصحوا الصبح مش حتلاقوا شارع دمشق ولا دمشق ذات نفسها

**akramtiti** · 02-12-2012 04:24 AM

جزاكم الله علي اهتمامكم

**gebreel** · 02-12-2012 11:07 AM

هههههههههههههههههه ماشي يا عمرو

مسرنا هنجر رجلك لحد ما تجيلنا في القاهرة و هتانباساط

**akramtiti** · 07-12-2012 01:07 AM

ياشباب الحمد لله جبت الفوج من صلاح الدين تركي 90 جنيها بس انا عايز اركبه في التوكيل هل يوافق ولا ايه؟ ولو عملته بره يخرجني من الضمان ومعلش الحرامي منه لله خد الفوج بالفيشه وعره السلوك ولمست وضرب الفيوز ياتري ممكن الاقيه وبكام ؟
اخير انا جبت تيل الماني ايه رايكم فيه؟
وجزاكم الله كل خير