استشارة فى سعر ال rb

**SAMEH_FOUAD** · 02-12-2012 01:08 PM

اذيكوا ياهيونداوية عاملين اية يارب تكونوا بخير

واحد صاحبى معاة هيونداى اكسنت rb موديل 2012 اول فئة والعربية فابريكة جوة وبرة و العربية متأمن عليها

والعربية ماشية تقريبا 20 الف كيلو , وبجنوطها العادية

هو دلوقتى عايز يبيعها تجيبلة كاااااااااام لانة مش عارف سعرها فى السوق ؟؟؟؟؟؟

**SAMEH_FOUAD** · 02-12-2012 03:51 PM

ماشاء الله قسم هيونداى نايم كدة لية , ولا رد واحد

**SAMEH_FOUAD** · 03-12-2012 10:36 AM

يعنى فى حدود 90 الف جنية ومتهيألى هتنزل عن كدة كمان

**SAMEH_FOUAD** · 03-12-2012 01:30 PM

المشاركة الأصلية كتبت بواسطة devil_storm

لو حالتها ذى الجديده و مفيش فيها خدوش من بارة يبقى مش حتقل عن 95 الف لكن ممكن تزيد.

لا هية رشة رفرف , ومغير اكصدام , وفانوس , وشبكة

وحاليا , بعد التصليح من الخبطة الاولانية , اتخبطت تانى بنفس الحاجة ( رفرق - اكصدام - جزء من فانوس - كابوت وزيادة عليهم صدر العربية اتعوج )

كدة بقى تعمل كام

**devil_storm** · 03-12-2012 09:29 PM

المشاركة الأصلية كتبت بواسطة semsem kane

لا هية رشة رفرف , ومغير اكصدام , وفانوس , وشبكة

وحاليا , بعد التصليح من الخبطة الاولانية , اتخبطت تانى بنفس الحاجة ( رفرق - اكصدام - جزء من فانوس - كابوت وزيادة عليهم صدر العربية اتعوج )

كدة بقى تعمل كام

معرفش فى الحاله دى تعمل كام لان ممكن تكون الخبطة بسيطة و مش ماثرة على اساسيات العربية و ممكن لا... بس سعرها التقريبى حيكون فى حدود 85 الف ... يزيد او يقل على حسب تاثير الخبطه

**SAMEH_FOUAD** · 04-12-2012 09:05 AM

المشاركة الأصلية كتبت بواسطة egyptodentist

اولا:::: صدر العربية دي هيا والنيو اكسنت فيبر مش صاج فاكيد في ركبة من بتوع السلاحات او ركبة كارتيرة اتعوجت والصدر الفيبر بيتغير مش بيتصلح لانه بيتشرخ وحتي لو رجع مكانه بيكون ضعيف ..
ثانيا::: بعد التصليح نتكلم في وضع السوق التجاري بالنسبة للمواصات دي::::
كابوت ورفرف واكصدام وشغل دواخل وفي الوش يعني مش السنطة ولا الجنب يعني شغل زي مابيقولوا التجار وجمجمة العربية و وارد جدا انه يأثر علي ابعاد الحوض وتحتاج زراجين وعمرها مبترجع مسطرة ففي الحالة دي انا شايف انه تساوي 77-81 اللف بعد التصليح ويكون الشغل تمام يعني درجة اولي مش عك ....
ولازم تكسف علي العربية قبل ما تشتري علي جهاز اتزان الكتروني عشان تتأكد من انه لا يوجد ترحيل او فروق في عجلة بالاضافة انه يكون الشكل الخارجي تمام يعني الكبوت والرفرف والاكصدام الفواصل بتاعتهم زيرو مفيش حاجة مفارقة ولا مرحلة........وانا شايف (والله اعلم) انه تحاول تبعد عنها لانه حتي ال80000 مبلغ كبير لايستحق المجازفة .....بس لو انت متاكد من انه العربية باقيها تمام وليك خبرة في التصليح والصنايعية وعندك وقت اكسف غلي السلاحات والكارتيرات وخلص في العربية علي كده وصلحها انت علي ايدك عشان تضمن الشغل يكون تمام لانه صاحبها اكيد هيحاول يلم الموضوع في اقل التكاليف لانها تاني مرة تتخبط وكده كده هيخسر كتير في سعرها...وفي الحالة دي طبعا تخصم التصليح من ال80000 يعني في حدود 75000 مش اكتر من كده....وموفق بأذن الله

شاكر جدا ليك , بس انا مش هتشتريها دة واحد صاحبى وهو هيبيعها ومش عارف يعرضها على كام

والعربية اساسيتها سليمة , هو بس من الخبطة الكابوت مابيتقفلش لانها كانت تريحة بسيطة لان العربية مالحقتش تقف , فخبط خبطة بسيطة حصل معاة كل دة والحمد لله راح التوكيل كشف عليها مافيهاش اى حاجة غير الحاجات دية بس