شهادة المخالفات

**ibnelfared** · 02-12-2012 03:38 PM

روحت أستخرج شهادة مخالفات من الدراسة نظرا للأضراب فى النيابات وطبعا رئيس الجمهورية خارج نطاق الخدمة ولا حاسس بالشعب ولا نيلة .
المهم أنا لما أشتريت العربية كانت جاية من مرور السلام للبائع ألى أشترتها منه وبعد كدة هو لما نقل ملكية وراح مرورة راح بنفس النمر .
المهم لما روحت نيابة الدراسة قالى هاتلى بيان لوحات روحت المبنى الأحمر ألى جنب النيابى قالى الرقم القديم غير مسجل فقالى أنا عاوز ال6 أرقام القدام .
فلما روحت السلام أدانى الأرقام المنقولة بيه العربية ليه وهيا بردة الحروف وكان معايا أذن صرف اللوحات ؟
الحل أيه فى القرف دة لو سمحتم وبعدين هما مالهم ومال الأرقام القديمة ؟
المشكلة أنى لما دخلت على النت لاقيت الرقم مسجل بأسم البائع زى الفل والمخالفات كمان موجودة ؟

**moumen_hs** · 02-12-2012 04:18 PM

اعتقد ممكن تسسدد عن طريق النت للموقع بتاعهم وبيجيبو الشهادة لغاية البيت وبزيادة 10 مصاريف وتخلص كان حماية مرة عملها

**ahmed_gamal777** · 02-12-2012 04:19 PM

عايز الارقام القديمة
عشان المخلفات بتفضل على الارقام القديمة لمدة 5 سنوات
محدش يستغرب قبلتنى المشكلة دى قبل كدة ودخلت منقارة مع وكيل النيابة
وقالى ممكن تكون العربية عاملة مصيبة فى اسوان وعقبال ما تيجى مصر تاخد سنين على اساس انهية جى بالجمل
عشان كدة هو عايز القديمة

**ibnelfared** · 02-12-2012 04:24 PM

المشاركة الأصلية كتبت بواسطة ahmed_gamal777

عايز الارقام القديمة
عشان المخلفات بتفضل على الارقام القديمة لمدة 5 سنوات
محدش يستغرب قبلتنى المشكلة دى قبل كدة ودخلت منقارة مع وكيل النيابة
وقالى ممكن تكون العربية عاملة مصيبة فى اسوان وعقبال ما تيجى مصر تاخد سنين على اساس انهية جى بالجمل
عشان كدة هو عايز القديمة

ماهى القديمة ألى جاية بيها كانت أجرة من الأسكندرية وكانت حروف كمان وأنا معايا أذن صرف اللوحات القديمة ألى من السلام .
يعنى هيا سلمت أرقامها فى السلام وغيرت النمر فيه بس ؟ كدة يبقى أرجع لأصل المحافظة ولا أيه بالظبط ؟