الموضوع: سؤال للمهندس طارق عن التيل الجديد الموجود فى التوكيل؟

انا مهندس وعندى خبره كويسه فى السيارات وانا يشرفنى معرفتك و من كتر ما باسمع عنك قررت اوجهلك سؤالى مباشرة و انا متأكد انك هترد عليه بدقه و أمانه:

اولا:انا بركب تيل الفرامل بنفسى و ده لانى باعرف اركبه كويس و الحمد لله باعرف اعمل حاجات كتير بنفسى و السبب الاهم ان التوكيل زحمه جدا فبوفر على نفسى و بروح لما يكون فى حاجه محتاجه امكانيات التوكيل لحلها و خصوصا ان العربيه خرجت من الضمان فا مش هزعل التوكيل فى حاجه.

ثانيا:انا روحت من كام يوم منفذ بيع توكيل مصريه اللى فى شارع السودان و ده دايما باتعامل معاه و باجيب منه قطع الغيار الاصليه و اشتريت طقم تيل امامى استعدادا لتغييره لانه قرب يخلص..............

-اول مفاجأه قابلتنى ان سعره بقى 385 جنيه بعد ما كان ب313.5 جنيه.

-قولت ماشى اجيبه و خلاص لانى مصر اركب الحاجه الاصلى دايما فى عربيتى.

-تانى مفاجأة انى لما فتحت العلبه و شوفت التيل لقيته مش هوه التيل اللى بقالى سنتين دايما بجيبه.

-للوهله الاولى لاقيت الfinish بتاعه اقل من الاول و طبعا نوعه مختلف بس اللى خلانى اطمئن شويه انه كويس ان مكتوب عليه SUMITOMO وانا عارف كويس ان ده التيل اللى نازل فى العربيه من بلادها و عندى لغايه دلوقتى اول طقم فكيته من العربيه كان SUMITOMO بس السؤال بقه؟؟؟؟؟؟؟؟؟؟؟؟

1-هل ده الSUMITOMO اللى كان فابريقه العربيه؟؟! لأن فيه فرق شاسع فى الفنيش بينهم و الاصلى كان لونه اسود انما ده لونه اخضر بس الأهم بقه هل ادؤه زى الاصلى ولا ايييييييييييييييه؟؟؟؟؟؟ انا لسه مركبتوش بس قلقان انه ما يعجبنيش خصوصا انى سمعت ان التوكيل جاب قبل كده دفعات تيل معجبتش الناس!!!!!!!!!

2-ليه غيرتو التيل ماركهAK اللى كان موجود لانه كان فى رأيى احسن من الSUMITOMO اللى كان نازل فى العربيه من بلدها اصلا و ما بيخلصش بسرعه و مش بيصفر و كان جميل جدا........الSUMITOMO الأولانى خلص بسرعه و كان ساعات بيصفر خفيف!!!!!!!!!!!!!!!!