اسبويلر وعتب

**salah_86** · 07-12-2012 02:09 PM

السلام عليكم ورحمة الله وبركاته
كنت عاوز اركب الاسبويلر وعتب بس يكونوا اصلى مش صينى اجيبهم منين واسعارهم كام

**salah_86** · 07-12-2012 02:23 PM

وياريت لو فى طريقة لتركيب الاوكر النيكل اصلى مش العادية اللى بتتباع عند بتوع الكماليات

**MR . Gold** · 07-12-2012 06:19 PM

المشاركة الأصلية كتبت بواسطة salah_86

وياريت لو فى طريقة لتركيب الاوكر النيكل اصلى مش العادية اللى بتتباع عند بتوع الكماليات

لو بتتكلم علي الاسبويلر والعتب والاوكر النيكل اصلي عليك وعلي الحرفيين واشتريهم استيراد بس علي فكرة العتب الاصلي بيقي راكب في العربية بكلبسات يعني العربية بيكون فيها اماكن الكليبسات والكلبس بيقي موجود في العتب يعني مش هاينفع يركب عند حضرتك علي وضعهم الاصلي لان لايوجد مكان في سيارة حضرتك يركب فية الكلبسات ممكن بئة تعمل اية يااما تبرشمهم يااما تلزقهم لزق بسليكون عضم اماباقي الحاجات فاتركب عادي جداً .. وموفق ان شاء الله

**salah_86** · 09-12-2012 08:22 PM

انا سالت عندنا فى المنوفية لقيت الفاجعه الكبرى الاسبويلر اصلى استيراد بالف جنية ليييييييييييييييييييييييي ه
العتب اصلى استيراد بس مش بلون العربية لقيته فضى ب 700 جنية ليييييييييييييييييييييييي ييييييه

**eldell** · 10-12-2012 12:03 AM

بصراحه ياابو صلاح رائى فكك من الاسبويلر انا والله بعد لما ركبته زهقت منه لسه فاكه انبارح وعملت الشنطه كاربون وبقى شكلها احسن من غير اسبويلر وانا احتمال انزل الحرفيين بكره لو نزلت هسالك ياحبى واقولك

**salah_86** · 10-12-2012 03:59 AM

ليه بس ياباشا فكيته طيب والاخرام اللى بقت فى الشنطة عملت فيها ايه
ياريت تسألى فعلا وترد عليا عند مين وبكام وتسلملى ياغالى

**HaNo_ELBeh** · 10-12-2012 11:03 AM

المشاركة الأصلية كتبت بواسطة salah_86

السلام عليكم ورحمة الله وبركاته
كنت عاوز اركب الاسبويلر وعتب بس يكونوا اصلى مش صينى اجيبهم منين واسعارهم كام

حضرتك علشان تركب عتب لازم تكون العربيه مجهزه للتركيب زى مالاعضاء قالوا لحضرتك او حضرتك هتخرم فى الرفرف الامامى والخلفى وتعمل مسامير او تعمل لزق بس انا نصحتى لحضرتك بالاش

علشان مع الوقت والمياة مش هيكون كويس وشكله وحش وعلى فكره هى العربيه شيك جدا بالشكل ده وعايز اقول ملحوظه لحضرتك لو ركبت العتب العربيه من الجناب مسافتها هتقرب من الارض فالازم تاخد بالك من الموضوع ده ولو حضرتك هتركب عليك وعلى الحرفيين اساتذة فى القصة دية فى سمكرى هناك اسمة (القط)

وهو سمكرى ممتاز اما بالنسبة للاسبويلر فحضرتك هى ازواق ممكن يعجبك ومايعجبش غيرك بس هو شيك على العربيه بيغير شكلها من الخلف وممكن تجيبة من الحرفيين وتركبة هناك وبرضه الاوكر النيكل هتتفك من عربيه متقطعة وتركبها بس فى حاجه حضرتك عايز الاصلى يعنى فلوس فلوس كتيييييييييييره

بس الاصلى ملحوظه: خلى بالك فى عتب فبر وعتب معمول عموله واخر مره سألت على سعر الفبر كان تقريبا 1200 ج وسعر العموله تقريبا 650 ج وطبعا العتب الفبر زى الاصلى وبيكون جديد مش من عربيه متقطعة لكن لو حضرتك هتجيبه من عربيه متقطعة اعتقد السعر هيعدى 1500 ج على العموم طمنا انتا عملت ايه وبالتوفيق انشاء الله

**salah_86** · 10-12-2012 04:39 PM

انا روحت اتفرجت انهاردة فى مصنع فايبر جلاس على الاسبويلر والعتب
الاسبويلر تمنه 200 جنية دا غير انه هيترش
اما العتب ب 150 جنية الجوز بس بيتركبوا بمسامير وانا قلقت من حوار المسامير دا فقلت ارجعلكم هنا على المنتدى ونتشاور الاول وبصراحة قلت لو الاصلى وحد نضيف يعمل مكان للكلبسان فى العتب يبقى افضل من المسامير الصراحة انا خايف اركبهم يطلع شكلهم مش حلو لانهم مش اصلى وخايف ان الاسبويلر اللى مش اصلى يلغبط اتزان العربية

**HaNo_ELBeh** · 11-12-2012 12:26 PM

المشاركة الأصلية كتبت بواسطة salah_86

انا روحت اتفرجت انهاردة فى مصنع فايبر جلاس على الاسبويلر والعتب
الاسبويلر تمنه 200 جنية دا غير انه هيترش
اما العتب ب 150 جنية الجوز بس بيتركبوا بمسامير وانا قلقت من حوار المسامير دا فقلت ارجعلكم هنا على المنتدى ونتشاور الاول وبصراحة قلت لو الاصلى وحد نضيف يعمل مكان للكلبسان فى العتب يبقى افضل من المسامير الصراحة انا خايف اركبهم يطلع شكلهم مش حلو لانهم مش اصلى وخايف ان الاسبويلر اللى مش اصلى يلغبط اتزان العربية

الصراحة كلام معقول جداا وانا راى لو حضرتك قلقان بالاش احسن علشان ممكن يكون التقفيل مش هيعجبك خلى العربيه على اصلها احسن

**eldell** · 11-12-2012 10:57 PM

العتب انهارده استيراد وانا عند سوسو قالى 400 جنيه والاسبويلر 500 جنيه سالت على الكساحات قالى فى الحرفيين وانا والله مش نزلت هناااك

الموضوع: اسبويلر وعتب

LinkBack

أدوات الموضوع

عرض

اسبويلر وعتب - انشر الموضوع فى :

-

-

-

-

-

-

-

-

المواضيع المتشابهه

يعنى ايه رفارف وعتب منفوخين فى الكارينز

كساحات وعتب

هل هذه عيوب فى جسم وعتب السيارة

عمل كساحات وعتب يتكلف كام؟؟

كساحات وعتب للياريس

الكلمات الدلالية لهذا الموضوع

المفضلات

المفضلات

ضوابط المشاركة