مساعدة : كيا ريو 2013 ولا هيونداى اكسنت ار بى 2013

**Mohab555** · 09-12-2012 07:16 PM

السلام عليكم
------------
فى الاول تحياتى لكل رجاله المنتدى و يارب تقدروا تساعدونى فى الحيره المميته الى انا واقع فيها دلوقتى .....
انا ان شاء الله نويت اغير و اجيب حاجة زيرو اوتو حلوة كده فى رنج ال 130 بالكتير الكتير
و ملقتش غير عربيتين هما الى انا حيران بنهم .. و انا مش هغير تانى قبل 5 سنين .. و ده مزود الحيره اكتر و كمان المبلغ مش شوية

اولا : كيا ريو 2013 هاتشباك خليجى فولى لودد
المواصفات : 1400 سى سى - 109 حصان - 2 ايرباج - ABS - EBD - جنوط 17 - تكييف - باور - طارة ملتى - مثبت سرعة - تكييف تاتش - حساس نور - حساس مطره - حساس ركن - بلوتوث - مرايات ضم - ايموبلايزر - مفتاح بصمة - فيمية - فوانيس عدسات و ليدات قدام - فوانيس ليدات خلفى - فرش جلد - فوجات .

و سعرها 130 بالتمام و الكمال خليجى سعودى
و دى صورها :
---------

------------

ثانيا : هيونداى اكسنت ار بى 2013 توب لاين توكيل
المواصفات : 1600 سى سى - 124 حصان - ABS - زجاج كهرباء - جنوط 14 - طارة ملتى - بلوتوث - فوجات فقط لاغير
السعر : 128 الف

دى صورها :
------------

انا الصراحة الريو مسيطره تماما عليا ولاكن انا كل خوفى من قصة انها 1400 رغم ان القدرة الحصانية ليها اعلى من عربيتى الحالية الجيتز 1600 و 105 حصان و هو ده خوفى و برده فى ناس بتقولى لو جيت تبعها كمان 5 سنين مش هتجيب حتى 75 الف !!! و مش عارف الكلام ده صح ولا غلط ؟؟ غير كده انا مقتنع بيها تماما تماما

انما الاكسنت لو هجبها مش هجبها الصراحة غير علشان الموتور بتاعها و من جوده فقيره و الخامات رخيصة اوى مقارنة بالريو و كمان فرق الاوبشن الرهيب بنهم و امكانيات السلامة و الامان بس سعر اعاده البيع اعلى من الريو على حسب كلام الناس ؟؟ م شعارف برده ده ايه حقيقته ؟؟

فعلا انا فى حيرة وحشة جدا و محتاج ارئكم بكل صراحة فى العربيتين

**Mohamed.Ramah** · 09-12-2012 08:00 PM

الموتور لصالح الاكسنت ولاكن الموجود فى الريو مش ميت للدرجة اداء مناسب لحجم السيارة

التجهيزات الاساسية والكماليات لصالح الريو

التصميم الاثنين تصميمهم جيد ولاكن الريو هجومى اكثر والتصميم الداخلى الريو افضل وغير اعتيادى بيتر شراير عامل الواجب هههههه

الخامات الداخلية فى صالح الريو مفيش شك

الامان بالنسبة للاكسينت : فقير 1 ايرباج و Abs

الريو : افضل خاصة الفئة الحتجيبها ABS_ EBD - 2 airbag

التوكيل الاثنين متقاربين ولاكن الكيا افضل ليس بفارق كبير

مدى توافر قطع الغيار السيارتين منتشرين بصورة كبيرة و قطع الغيار متوفرة

عيب استهلاك بنزين للكيا الريو معرفش اتحل نهائى ولا لسة فى نسخ بتنزل بها عيوب

عيب العفشة بالنسبة للاكسنت وضعف الفرامل

الاكسينت اوسع بفارق بسيط ولاكن الكيا ريو احسها اثيت لان العفشة انشف ووزن السيارة اكبر وبتتوفر بجنوط 17

من راى انت اشترى على حسب قناعتك مش كلام حد و انا برشحلك الريو خاصة الفئة المخترها جيدة ونصيحة انزل بنفسك اركب مرة ثانية والميال لة اكثر اشترية

**A.Adel** · 09-12-2012 09:24 PM

أنا لو مكانك اختار الريو

سعر اعادة البيع ده ,الله أعلم هيحصل إيه بعد 5 سنين
بس خد بالك إنك نازل من getz يعني الريو ممكن متعجبكش في الجري

ولو هتجيب الاكسنت ,رأيي ملهاش لازمة تجيب أعلى فئة لانها كده كده -على كلامك- فاضية
هات حاجة اقل شوية و استفيد بالفرق

**A.Adel** · 09-12-2012 09:25 PM

ممكن برده تستنى معرض العربيات اللي في شهر واحد اللي جاي
فيه موديلات جديدة كتير احتمال كبير تنزل

1.بيجو 301
2.سيتروين c-elysee
3.رينو فلوينس الجديدة
4.سكودا رابيد

كل دول حاجات في رانج السعر بتاع ال 130