الموضوع: محتار بجد بين الجين 2 والانسر

المشاركة الأصلية كتبت بواسطة batros

ازيكوا يا اجمد شباب :

المشكله ببساطه ان انا معايا لانوس وما ادراكم ما الانوس .. عموما ممكن ادبر فى حدود 65 بالعافية اجيب ايه بيهم مع العلم انى محتاجه عربية اوتوماتيك عشان الحياه بقت صعبة اوى بالمانوال وكمان انا مشاويرى كتير (4000 كم فى الشهر )
المهم بعد بحث لقيت ان المقارنه محصوره بين الجين 2 والانسر ال 1300 (عشان لو 1600 هتكون الحاله مش تمام ولا ينفع ؟)
تنصحونى بايه ؟
مع الاخذ فى الاعتبار انى
بمشى كتير بالعربية زى ما قلت وده يتطلب حاجه مش بتاكل بنزين
- بسافر كتير وده يتطلب موتور كويس
قطع غيار متوفره ورخيصه

عارف انى هتعبكوا معايا بس مش لاقى اجدع من شباب المنتدى ده ينصحونى

الجين ٢ دي مش عربية دي كاريزما بتقرض شخصيتها في اي مكان تلاقي نفسك بتبص عليها وعربية بتشد الناس ليها حاجة وهمية وبحترمها جداااااااااا بس لو هتقارنها بالبومة ١٣٠٠ انتا كده ظلمت البومة في حاجات والجين في حاجات البومة اتظلمت في المكنه والجين ٢ هتتظلم في استهلاك البنزين
لو عايز تقارن صح حطها جنب الانسر ال١٦٠٠
من حيث الماتور الجين تتفوق مكن كامبرو
من حيث الاتعليق الجين تكسب عفشة لوتس
من حيث الثبات الجين حاجة كده زي البي ام بس علي صغنن وهمية في الثبات مع احترامي للبومة
من حيث الامان الجين فيها abs &ebd & 2 air bags
الانسر اللي علي قد معلوماتي الكامله بس بتنزل ب abs & 2 air bag
وخش علي اليوتيوب شوف الكراش تيست هنا وهنا ومن حيث الامان المقارنة محسومة وفي عيب في البومة ان فراملها ضعيفة وبتضعف اكتر اما تشغل التكيف
من حيث الشكل من جوه الجين شبابي وواسعة والانسر محترمة من جوة بس يعيبها ان تابلوها تصميم قدم ونفس اضائة الانوس والجين تابلوها فخم جدا في التصميم بس يعيبها بعض الخامات فقيرة واماكن تخزين اقل من الانسر
الشكل نن بره ازواق بس اا بعشق الجين مينفعش حد يشوفها ميبصش عليها
مت حيث قطع الغيار الانسر متوافرة اكتر وارخص
من حيث سهولة البيع الانسر بتتباع هوا
من حيث الاعتمادية واحد صاحبي باع الجين بعد ما عمل بيها ٢٠٠الف كم وكنت باخدها منه واخلي العربية تفصل عل تاني وتجيب ال١٢٠
صباح الجمدان والمكنه اساسا عجوزة ومتهانة ومبتقلش لا
نيجي بقي للصاج من هنا لبكره مفيش عربية ١٦٠٠
تيجي جنب صاجها حاجة واسال اي سمكري عليها هيقولك صاجها ناشف اوي وعن تجارب مش تجربة صاجها محمل بغباء وقوي لابعد الحدود
اي استفسار انا في الخدمة

انا متشكر جداااااااااااااااااااااا بس انا كل خوفى ان الناس بتشتكى من اكلها للبنزين ... وبجد مش عارف اشكرك ازاااااااااااااااااااااى

الجين تو شكلها جامد اوي وشيك وشبابي واقوي بس قطع غيار مش منتشرة وغالية وعزل سيئ ومش ا حد بيشتغل فيها
ومعايا بومة سودة 1300 اوتو موديل 2004 للبيع

المشاركة الأصلية كتبت بواسطة batros

انا متشكر جداااااااااااااااااااااا بس انا كل خوفى ان الناس بتشتكى من اكلها للبنزين ... وبجد مش عارف اشكرك ازاااااااااااااااااااااى

العفو ياغالي بتاكل بنزين يعني ايه بتاخد ٢ لتر عن المعدل الطبيعي يعني بتعمل في ال١٠٠ كم ١٠ لتر بدل ٨ يعني فرق ٣.٧٥ جنيه في ١٠٠كم بيتهيألي مش حوار وبعدين ولا بتسحب ولا حاجة لو مبتجريش فوق ال١٢٠ ولا بتحرق عليها هتستهلك طبيعي جدا الكاتالوج بتاعها قايل اقل من ٨ لتر في ال ١٠٠ وبعدين انتا معاك مكنه وحش لو حرقت عليها هتتفرج هتعمل ايه ^_*

المشاركة الأصلية كتبت بواسطة mamoud salah h

الجين تو شكلها جامد اوي وشيك وشبابي واقوي بس قطع غيار مش منتشرة وغالية وعزل سيئ ومش ا حد بيشتغل فيها
ومعايا بومة سودة 1300 اوتو موديل 2004 للبيع

لا قطع الغيار انتشرت دلوقت كتييييييير عن ٢٠٠٦ العربية بقالها ٦ سنين خلاص اسطورة قطع الغيار اللي مش موجودة وغالية انتهت
انتا اه هتتعب شوية علي متلاقيها بس سعرها اقل من عربيلت كتير في فئتها وشوف بردوا راي ملاكها في قسم بروتون وانتا تعرف انها بقت موجودة عادي جدا في الحرفين وشارع دمشق
اما بالنسبة للعزل مش سئ انا مشتكتش منه في عربيتين جين ٢ بس مزوتش عن ١٢٠ كم/س
اساب ملاكها في الحته دي بس مظنش ان عزلها وحش كفاية السماعات اللي فيها والكاسيت حاجة تفتح النفس