مساعدة أرجوكم فى فيرنا

**ggaamm** · 11-12-2012 08:09 PM

السلام عليكم ورحمة الله وبركاته

ياشباب انا جيت ادور العربية من يومين تلاتة كده دارت لمدة 3 ثوانى وطفت لوحدها
ومارضيتش تدور تانى ومن يومها والعربية مش متظبطة

الأول بصيت على كل الفيوزات والكتاوتت ولقيتها شغالة !!
جبت ميكانيكى قالى دى طرمبة بنزين وبالفعل جبت واحدة جديدة وركبتها .. وبارضو ما دارتش !!!

جبتلها وصله عمومى عالطربمة اشتغل زى الفل :)

روحت بقى للكهربائى وحكيتله القصة فتح الكبوت وفضل يلف ويدور وفى الآخر قالى دى ياباشا مشكلة فى الكنترول وهعملك كوبري

قلتله طيب ده يأثر على حاجة ؟؟ .. قالى لا عادى

المهم عملها ولسه همشى لقيت الكاسيت والتكيف مش شغالين !!
رجعت تانى فتح الكبوت وفضل يلعب شوية وقالى شوف كده ، دورت وبصيت لقيتهم اشتغلوا تمام .. فرحت انا بقى ومشيت

بعد شوية كده ببص على عداد الحرارة لقيته تحت النقطتين مع ان طول عمره مظبوط معايا
يعنى لو كان اعلى من النقطتين كانت ساهلة لكن المشكلة انه تحت النقطة التانية مع العلم ان العربية مشيت بيها كتير حوالى 3 أو 4 كيلو !!!

دلوقتى انا عاوز اعرف ايه مشكلة عداد الحرارة ؟؟؟
وهل موضوع الكنترول ده بيأثر على حاجة ويستاهل يتغير ؟؟؟
والسؤال الأهم بقى هو ايه اللى خلى الكنترول يبوظ أصلاً مع انى عمرى ماغسلت الموتور بالمية خالص ، عشان انا بخاف من الحجات اللى زى كده .. بس شكلى من هنا ورايح هغسله وطظ فيها

ارجوووووووووكووووا طمنوووووونى انا قلقااااان وخايف امشي بيها كده

**mhassan9** · 11-12-2012 09:31 PM

أنا مش فااهم يعني أيه عملك وصلة عمومي علي الطرمبة؟؟
وإذا كانت أشتغلت لما عنلتها رحت للكهربائي ليه طيب؟
بعدين مينفعش تلغي الكنترول يونت طبعا دا هيلخبط الدنيا أعتقد والله أعلم أنك محتاج الأول تخلي الكهربائي يلغي اللي عمله وبعدين تكشف عليها كمبيوتر في التوكيل أوبره حتى عشان دا اللي هيقولك بنسبة كبيرة المشكلة فين

**verna2008auto** · 12-12-2012 02:49 PM

خولوص الكلام ..

غير الكهربائي دة ...... وخليك في السليم ...
ياكل حاجه تشتغل زي ماكانت من غير (فته ) يا بلاش
كشف كمبيوتر الاول

**ggaamm** · 12-12-2012 03:25 PM

المشاركة الأصلية كتبت بواسطة mhassan9

أنا مش فااهم يعني أيه عملك وصلة عمومي علي الطرمبة؟؟
وإذا كانت أشتغلت لما عنلتها رحت للكهربائي ليه طيب؟
بعدين مينفعش تلغي الكنترول يونت طبعا دا هيلخبط الدنيا أعتقد والله أعلم أنك محتاج الأول تخلي الكهربائي يلغي اللي عمله وبعدين تكشف عليها كمبيوتر في التوكيل أوبره حتى عشان دا اللي هيقولك بنسبة كبيرة المشكلة فين

انا عملت وصلة عمومى للطرمبة عشان امشي بالعربية اروح للكهربائى

وياباشا الكنترول ماتلاغش هو قالى ان فيه حاجة فى الكنترول باظت وعملى ليها كوبرى على كتاوت التشغيل بحيث انها ترجع زى ما كانت تشتغل مع الدوارة بس

والمشكلة ان اقرب توكيل ليا على بعد 80 كيلو ومش مضمون :(

**ggaamm** · 12-12-2012 03:28 PM

المشاركة الأصلية كتبت بواسطة verna2008auto

خولوص الكلام ..

غير الكهربائي دة ...... وخليك في السليم ...
ياكل حاجه تشتغل زي ماكانت من غير (فته ) يا بلاش
كشف كمبيوتر الاول

امممممممممممممممم طيب ماهو كده العربية هتحتاج كنترول جديد !!!!
وانت عارف الكنترول مش اقل من 600 جنيه .. وكمان حوار عشان يتركب وهيبهدلى الصالون وهيفك الطابلوه

**ggaamm** · 14-12-2012 04:05 AM

ياشباب انا كشفت عليها كمبيوتر ماطلعش فيها اى مشاكل !!!!

ماحدش يعرف ممكن المشكلة تكون من ايه ؟؟

عندى كمان مشكلة تانى ان العربية حاسس ان صوتها خشن وهى ماشية وكمان فى الطلعة بس على سحب بسمع صوت كركبة بيدى على رجرجة ناحية الكاوتش اليمين ماحدش يعرف العييب من ايه لأن الميكانيكى بيقولى اسطوانة دبرياج وانا مش مقتنع

**original** · 14-12-2012 07:11 AM

ياريت ماتخليش الكهربائية اللى مش فاهمين يلعبوا فى حاجة عشان ممكن يبوظلك الكنترول بكل بساطة
حاول تلغى كل التوصيلات وترجع كل حاجة زى ما كنت..
عندك لمبة Check Engine فى العداد وللا العربية نازلة من غيرها؟؟
طيب لو عندك اللمبة دى!! منورة؟؟
المشكلة دى أنا شفتها قبل كده وكانت بسبب ال Air Mass Flow الموتور ولما شلت الفيشة بتاعته العربية تدور بس تبأا مبرجلة شوية..
الحساسات مع الوقت بيترسب عليها تراب وبتتسد ومش بتخللى العربية تدور
إستخدام الفلاتر الأصلية بيحمى الحساسات غير الفلاتر المضروبة اللى بتعدى التراب..
هتجيب إسبراى تنظيف مافيهوش زيت عشان يطير بعد شوية وده زى بتاع تنظيف البوردات
هتشيل كابل البطارية
شوف الفيديو ده كان واحد مصور الخطوات :
[youtube]http://www.youtube.com/watch?v=GfVqZdmUaBI[/youtube]

وطمنا هتدور وللا لأ!!

**original** · 14-12-2012 07:45 AM

هوا عربيتك موديل كم؟؟؟
عندك ده؟؟

أنا شفته فى أكسنت كاملة مستوردة بس هاتش باك شبه الفيرنا الهندى بس مش عارف بينزل عندنا وللا لأ؟؟

**ggaamm** · 14-12-2012 11:04 PM

المشاركة الأصلية كتبت بواسطة original

ياريت ماتخليش الكهربائية اللى مش فاهمين يلعبوا فى حاجة عشان ممكن يبوظلك الكنترول بكل بساطة
حاول تلغى كل التوصيلات وترجع كل حاجة زى ما كنت..
عندك لمبة check engine فى العداد وللا العربية نازلة من غيرها؟؟
طيب لو عندك اللمبة دى!! منورة؟؟
المشكلة دى أنا شفتها قبل كده وكانت بسبب ال air mass flow الموتور ولما شلت الفيشة بتاعته العربية تدور بس تبأا مبرجلة شوية..
الحساسات مع الوقت بيترسب عليها تراب وبتتسد ومش بتخللى العربية تدور
إستخدام الفلاتر الأصلية بيحمى الحساسات غير الفلاتر المضروبة اللى بتعدى التراب..
هتجيب إسبراى تنظيف مافيهوش زيت عشان يطير بعد شوية وده زى بتاع تنظيف البوردات
هتشيل كابل البطارية
شوف الفيديو ده كان واحد مصور الخطوات :
[youtube]http://www.youtube.com/watch?v=gfvqzdmuabi[/youtube]

وطمنا هتدور وللا لأ!!

تمام ياباشا تسلم إيدك .. وأنا فعلاً نضفت الحساسات وكانت مليانة زبالة ههههههههههه ، بس رجعت الحمد لله للونها الطبيعى :)

ولمبة التشيك مش منورة ولا حاجة ولما حطيتها عالجهاز ماطلعش اى ايرور وده اللى هيجننى !!!

على العموم دلوقتى نا مشكلتى الأساسية فى الحرارة العربية مابتسخنش غير وهى واقفة واول ما امشي بيها الحرارة تنزل عن المعدل الطبيعى ، ده انا امبارح وقفت فى مزلقان وطفيتها دقيقتين لقيت العداد نزل للربع !!

وامبارح بارضو دورت وسبتها تسخن ومشيت حوالى 4 كيلو بس على سرعة عالية وابص عالعداد الاقيه تحت العلامتين ، بجد انا مش عارف ايه ده !!

طيب هو مش فيها حساس حرارة ؟؟ ولا أيه ؟؟ يمكن يكون باظ مثلاً

انا واحد تانى روحتله وكشفت عالعربية وحكيتله الحوار قالى غير العداد !!!!

**ggaamm** · 14-12-2012 11:05 PM

المشاركة الأصلية كتبت بواسطة original

هوا عربيتك موديل كم؟؟؟
عندك ده؟؟

أنا شفته فى أكسنت كاملة مستوردة بس هاتش باك شبه الفيرنا الهندى بس مش عارف بينزل عندنا وللا لأ؟؟

لا هى نفس العلبة ونفس الموتور بس مش عندى الحساس ده انا ولا عندى حتى فيشة فى الضفيرة ليه اقول يمكن يكون ملغى مثلاً او حاجة !!

وكمان انا مركب فلتر سبور اصلى للعربية ولسه منضفه بارضو مع الحساسات

وانا عربيتى موديل 2008