سؤال فلسفي في الحياة عايز اعرف رأيكوا

**SeaShark** · 13-12-2012 07:44 PM

دايما بلاحظ ان الناس الطيبة المحترمة هي اكتر ناس بتعاني في الحياة سواء من معاملة ناس تانية او مواقف عامة سواء في الشغل او الجواز او العلاقات الانسانية بصفة عامة و دايما تحس فيهم التعاسة و الاكتئاب هل ده نتيجة حساسية زيادة مثلا ولا ايه

في حين ان الناس اللي معندهاش اخلاق (طبعا مع مراعاة ان موضوع الاخلاق ده نسبي يختلف تعريفة من شخص لاخر و من مجتمع و ثقافة الي مجتمع و ثقافة اخري) او الناس اللئيمة اللي ملهاش صاحب او عزيز هما الناس اللي مبسوطين و تحس دايما ان مفيش حاجة فارقة معاهم و حياتهم ماشية زي الفل

ليه مفيش عاقبة لسوء الاخلاق في الدنيا

**Gelgel2004** · 13-12-2012 08:01 PM

الرد ببساطه

المؤمن مصاب

علشان ربنا بيحب يسمع كلمه الحمد و الشكر ليه على كل حال

ودى حكمه

الحمد لله رب العالمين ..

**waelfarid** · 13-12-2012 08:23 PM

كلامك جاي عالجرح
علي العموم
يمهل ولا يهمل

**Khaled Online** · 13-12-2012 08:29 PM

مفيش حاجة في الدنيا دي كلها تستاهل زعل
والحساسية الزيادة وبال على صاحبها لأن عصر الرومانسية والفروسية والشهامة والنبل انتهى من زماااااااااااااااان
توقيع،
رومانسي متقاعد (emoticon: broken heart lol)

**Imhotep** · 14-12-2012 06:07 PM

دى مشكلة البشر من بدء الخليقة. . . الخير تملى عنده قواعد و قيود اخلاقية بيلتزم بيها و من هنا تأتى معاناته لكن كمان تأتى عظم المكافأة. . . اما الشر فلا قيود و لا حدود لشروره و زى ما انت قلت مش فارقه معاه و عشان كده اسوء كوكتيل هو شر مع ضمير ميت

**Y a r i s** · 14-12-2012 06:33 PM

لا هيا حساسية زايدة
بمعنى الي معندهوش دم تلاقيه مرتاح وتلاقيه تلم. ولا مبالي بالي حوليه و معندهوش احساس فمش هيحس بحاجة ... انتا مش مرات بتبقى ماشي في شارع عمومي اتجاه واحد وتلاقي واحد جي في وشك ومديك العالي كمان في نني عينك وتكلموا تزمرلوا ولا هو هنا .... وانتا دمك يتحرق وهو بالعكس مبسوط وفرحان ويا ارض انهدي ماعليكي قدي !!!

ولا مرات تلاقي واحد واقف في نص الشارع وواقف يركب زبون وانتا دمك يتحرق. وهو مبسوط ومرتاح وبيفرح لمن كل واحد يزمرلوا. ويحس انو بقالوا قيمة !!

لذلك انا بفكر بجدية في موضوع بنك الدم بتاع المنتدى. بفكر اروح اتبرع بكيلوا ولا اتنين ولا حتى تلاته كيلو كده. كل يوم لغايت ميبقاش عندي دم خالص علشان ارتاح نفسي بجد ابقى عديييييييم الاحساس. وبلييييييد. نفسي ابقى لووح تللللللج ودي امنية عندي ... لدرجة لسه بفكر امبارح اني امرن نفسي على التلامة وعدم الاحساس بفكر كل يوم الصبح اخش عكس في شارع عمومي واقف صف تاني. على الاقل تالت مرات يومين لمدة اسبوعين لغايت ما ابقى عديم الاحساس. هههههههه. (تمرينات مفيدة )

**Mostafa.Mahran** · 14-12-2012 08:04 PM

ببساطة لان المحترم ماشى على اساسيات و قواعد و اصول و بيخاف من ربنا اكيد فبيعمل حساب لكل حاجة عكس الى مش فارق معاه حاجة خالص و الى بيكون بلا اى قيود

**monamize4** · 14-12-2012 10:16 PM

اولا احب اقولك مهما النصاب او الغشاش (دلوقتى بيسموا الغش نصاحة) ضحك ع الناس المحترمين او اللى خبرتهم قليلة او اللى عندهم ظروف معينة , ف الدنيا مش هى النهاية و فى اخرة هنتقابل فيها و كل واحد هياخد حقه هناك بالظبط لكن المشكلة ان الناس بقى الموضوع دا بالنسبالهم مش مؤثر للدرجة قال تعالى "بل يريد الانسان ليفجر امامه يسأل ايان يوم القيامة" يعنى حيلنى لحد مايجى يوم القيامة
ثانيا لازم كل شخص يحاول يكتسب خبرة عشان يحصن نفسه يعنى يتابع اخبار النصب و تتطوراته وصلت فين و يبدا يدى خوانه شوية و ميامنش بسهوله و لما يكون مقدم ع امر ما يسال مرة و اتنين و عشرة و ما يحاولش يتشبح ف حاجة هو مش فاهم فيها زى اللى بيشترى عربية مستعملة من غير مايكون فاهمم كويس و مننساش ان "عار عليك ان تخدعنى مرة و عارا على ان تخدعنى مرتين"
ثالثا و دا الاهم مين قالك ان الغشاش او الحرامى مبسوط بالعكس دا بيبقى عايش ف قلق و رعب و شك ف اقرب الناس ليه و حاسس ان الناس بتكره و ان اللى بيضحك ف وشة دا اكيد بيكرهه من جواه و طبعا معندوش قناعة فا مهما حوش فلوس برضه شايف نفسه فقير و متنساش قوله تعالى " ومن اعرض عن ذكرى فان له معيشة ضنكا و نحشره يوم القيامة اعمى"

-

الموضوع: سؤال فلسفي في الحياة عايز اعرف رأيكوا

LinkBack

أدوات الموضوع

عرض

سؤال فلسفي في الحياة عايز اعرف رأيكوا - انشر الموضوع فى :

-

-

-

-

-

المواضيع المتشابهه

سؤال لمالكى التيدا بجنوط سبور ... عايز اعرف رقم الاوفيست للجنط كام .....

سؤال هيا فردة الكاوتش 16/60/195 تعمل كام عايز اعرف خلاصة الاسعار وتجاربكم مع نوع جيد

اجمد جين 2 فى مصر وعايز اعرف رأيكوا

عايز اعرف اماكن بيع قطع غيار الالتو اللى اسعارها هادية وكمان عايز اعرف ل

حيرة في وظيفة معروضة عليا-ياريت اعرف رأيكوا

الكلمات الدلالية لهذا الموضوع

المفضلات

المفضلات

ضوابط المشاركة