ايه موضوع البلالين اللى فى الكاوتش ؟؟

**Mohamed.Muslim** · 13-12-2012 08:10 PM

أنا حاجز كارينز هالى لاين 2013 وكيل وانشاء الله حستلم قريب بس وانا بقلب فى المنتدى لقيت ناس بتتكلم عن مشكلة البلالين اللى بتظهرفى عجل السيراتو مقاس 17 , وكمان بيشتكوا ان عفشة السيراتو نشفة , فياريت تقولولى المشاكل دى موجودة فى الكارينز ولا لآ عشان انا قلقت ؟؟؟

**mshmshm3** · 13-12-2012 09:27 PM

استاذي الفاضل لو حضرتك اخدت بالك ان في سيراتو بتنزل بجنط مقاس 17 و بروفايل الكاوتش رفيع ده لو عديت علي حفر و نقر و مطبات مجوفة بيؤدي الي حدوث بلالين في الكاوتش بتلاقي في زي بلونة طلعت في الكاوتش
و من ضمن وظائف الكاوتش امتصاص الصدمات وكل لما البروفايل قل يعني الكاوتش رفع كل لما الاحساس بالطريق بقي اوضح وكل لما البروفايل زاد كل لما الاحساس بالطريق و الزلط قل
بالنسبة للكارينز من وجهة نظري هي عربية ممتازة جدا و قليل اللي يشتكي منها و انتظر باقي الاعضاء و ملاك الكارينز

**MohammedAladel** · 13-12-2012 10:33 PM

الجنط ال 17 هيبقى رخم مع الطرق المكسرة طبعا
والكاوتش بتاعه ارتفاع قليل زى ما شرح العضو الفاضل أعلاه

الجنط بيكبر الكاوتش ارتفاعه هيقل وعرضه بيزيد احتكاكه بالأرض هيبقى أعلى

والعصب من على الجنب هيبقى أضعف لأن الكاوتش ارتفاعه وجنب الكاوتش بيبقى أضعف من المداس فهتلاقيه مطلع بلالين وشفتها بعينى فى عربية جنوطها 17 ميجان بلالين حلوة بجد :)

**Mohamed.Muslim** · 13-12-2012 11:42 PM

شكرا لردكم وفى انتظار ردود اخرى

**egyptodentist** · 13-12-2012 11:55 PM

الفكرة مش مقاس الجنط الفكرة في البرفيل بتاع الكاوتش يعني لو زي السيراتو 45 يبقي هيعمل بلالين....
عاما انا من وجهة نظري الكاوتش لازم يكون علي الافل 55 عشات الطرق عندنا مش حلوة وطبعا انت محكوم بالمقاس بتاع العربية....مثلا لو عربية نازلة من المصنع 165\75\r15 يبقي ممكن تركب175\65\r16 وبالتالي ممكن 185\55\r17 بدون مشكلة لان البرفيل 55 وده معقول نسبيا في بلادنا لكن اغلب الكوري الجنوط 17 بتكون علي برفيل 45 عشان كده كل السيراتو ال2012 و2013 نازلة 16 حتي في اعلي فئة...
انا راي حاول تبعد عن ال17 ....وموفق بأذن الله

**moha4tec** · 14-12-2012 12:15 AM

الكارينز مفيهاش المشكله دى تقريبا .
موجوده فى السيراتو الجنط ال 17 فقط
و الله اعلم

**MohammedAladel** · 14-12-2012 03:06 PM

اللى نازل فيها هو المقاس الاستوك

ونصيحة هات جنط 16 ارتفاع 55 عرض 205 للكاوتش هيبقى ممتاز جدا

بس معرفش ال 16 فى السيراتو مقاساته كام

**mahserry** · 24-04-2013 04:42 PM

نفس المقاس السيراتو بتنزل ب
17/215/45
16/205/55
15/195/65

طيب اية هو الفرق
45 و55و65 دي مش ارتفاع دي نسبة ارتفاع الجنط الي عرض المقاس بمعني :

لو الجنط 17 /215/45 اي ان الارتفاع الكلي للكاوتش = 17*2.54سم +2* 215*0.45 مم =62.53سم
لو الجنط 16 /205/55 = 2.54*16+2 *20.5*0.55= 63.19سم
لو الجنط 15 /195/65= 2.54 *15+*2 *19.5*0.65= 63.45 سم

وبكدة نلاحظ ان الجنط ال17 اقل في الارتفاع الكلي بحدود 1 سم و العربية ارتفاعها اقل بمقدار 0.5سم و السبب في كدة وجود مقاسات stander ياعني مفيس كاوتش مقاس 200 او علي 44 ودة الي بيعمل الفروقات دي في الارتفاع الي المفروض مصنع السيارة بياخد بالة منه لانة بيفرق في ارتفاع العربية =ثبات و كمان في قراءة العدادات و الزوايا

نرجع للعيب الموجود في السيراتو هو ليس بسبب السيارة و لاكن بسبب الطرق ودة موجود في الجيتا 17/225/50 ياعني الside wall اكبر بمقدار 1.5 سم في الجانب الواحد ودة يفرق كتير حوالي 17.5 % من الارتفاع علشان كدة بيظهر في السيراتو قوي وكمان الSoul